ESAIA 21:9 - Jinghpaw Hanson Version Bible

⁹ Yu u, hpyen luksuk ni hte gumra jawn ai ni man man du mara ai, nga nna hkanghkyi zawn shabam nga ai. Bai shi gaw, Babelon mare kadawng mat sai, kadawng mat sai; shi tawk da ai shi a hpara sumla ni yawng, ga hta agrawp kau ai hkrum masai,” nga ai.

Jinghpaw Common Language Bible 2009

⁹ Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

ESAIA 21:9 ပူးပေါင်းရင်းမြစ်များ

ESAIA 13:19

Shing rai, mungdan ni a baw, Hkalde masha ni a dan hkung ai hpung shingkang ngu ai, Babelon mare gaw, Karai Kasang jahten kau ai Sodom yan Gomora zawn rai na ra ai.

ESAIA 14:4

nang gaw Babelon hkawhkam hpe sha-ang let, ndai ga shagawp ning nga tsun na ndai: Adip arip re ai wa gaw htum mat sahka! Ja mare gaw nyawp mat sahka!

ESAIA 2:18

Hpara sumla ni yawng hte gaw atsai awai mat mat na ra ai.

ESAIA 21:7

Hpyen luksuk hte hpyen gumra man man, lawze jawn ai ni hte gawla-uk jawn ai ni hpe mada mu yang, shi tsam mari madat mara yu u ga,” nga nna ngai hpe tsun ai.

ESAIA 47:5

Hkalde a shayi sha e, nsin sin ai shara e shang nna, atsin sha dung nga u: ya kaw nna nang hpe, Mungdan ni a du jan, n nga na masai.

ESAIA 47:9

nang gaw lani chyahkring mi hta sha, kashu kasha si ai hte, madu wa si ai, ngu ai ari lahkawng hkrum na rin dai: shaba wawt ai hte mandan lakle amu mana maga galaw ai made, dai yawng mayawng na a ntsa e du na ra ai.

ESAIA 48:14

Nanhte yawng zuphpawng nna madat mara mu: shanhte hta na, ndai amu ni hpe, kadai chye tsun a ta? Yehowa tsawra ai wa gaw, Babelon mare ntsa e shi a myit shadik ya nna, shi a lata gaw Hkalde masha ni a ntsa e du na ra ai.

YEREMIA 50:29

Ndan gap ai ni nlang hte hpe, Babelon mare de shaga mu; ndan shachyen ai ni e, mare grup yin wang tawn mu; langai mi muk n lawt u ga; dai mare a arawn alai hte maren tai mu; shi galaw yu ai yawng hte maren, shi hpa galaw mu: kaning rai nme law shi gaw, Israela Chyoi pra ai Wa ngu ai Yehowa hpe gumrawng gumtawng nu hka!

YEREMIA 50:38

Hkraw hkun ai tsin-yam gaw mare a hka ni a ntsa e du nna, hkyet kan mat na mara ai: kaning rai nme law, ndai mung gaw, hpara sumla hpring ai mung rai nga nna, mung masha ni gaw, nawku sumla ni a lam mana bu ma ai.

YEREMIA 50:42

Shanhte gaw ndan hte ri lang ma ai; gumshem ai amyu rai nna, matsan n chye dum ma ai; shanhte a nsen gaw nammukdara zawn wu kadu nga ai; Babelon shayi sha e, nang hpe hpyen htim na matu, shanhte gaw gumra jawn let, langai hte langai hkyen nga ma ai.

YEREMIA 50:9

Kaning rai nme law, dingdung mung maga de na masha amyu ga daga hpe ngai shadut nna, Babelon mare de woi wa na nngai: shanhte gaw dai mare hpe wang tawn nna, shaloi jang gasat la na mara ai; shanhte gap ai pala gaw, ding htum ai wa gap ai pala hte bung nna, langai mi kaman lai mat na n rai.

YEREMIA 51:27

Dai mung hta dawnghkawn sharawt mu; amyu baw ni hta pahtau dum mu; shi hpe gasat na, masha amyu ni hpe hkyen tawn mu; shi hpe wang tawn na matu, Ararat, Minni, Ashkena mungdan ni hpe jahpawng mu; shi a ntsa e hpyen agyi san da mu: dinggam-yaw zawn kamawng ai gumra hpyen ni gaw, shi hpe gasat na matu lung wa mu ga.

YEREMIA 51:44

Babelon mare na Bela hpara hpe ngai dawdan na nngai; shi mayu kau ai hpe, bai nhpat shangun na nngai; masha amyu ni htawm hpang e shi kaw hpawng lu na n rai: gaja wa, Babelon a bunghku run mat na ra ai.

YEREMIA 51:47

Dai re ai majaw, yu u, Babelon a tawk ka ai sumla ni hpe, ngai dawdan ai nhtoi du ra ai; mung ting gaw kashuk kashak rai wa nna, sat kau hkrum ai ni gaw shara magup si jawng na mara ai.

YEREMIA 51:52

Dai re ai majaw, yu u, shi a tawk ka ai sumla ni hpe, ngai dawdan ai nhtoi du na ra ai rai nna, shi a mung ting hta hkala nba hkrum ai ni gaw, madai nga na mara ai, nga nna Yehowa tsun ai.

YEREMIA 51:64

Babelon mare gaw ndai zawn lup mat nna, ngai shi a ntsa e shapraw ai tsin-yam tsindam majaw, shi bai rawt lu na n rai: shanhte gaw hki ba hkrum na mara ai, ngu nna tsun u, ngu wu ai. Ndai yang du hkra Yeremia ga rai nga ai.

YEREMIA 51:8

Babelon mare gaw akajawng sha kadawng nna, hten mat sai; shi a matu sharung shayawt mu; shi a hkala nba mai wa lu yang, shamai na matu, balsam naw sa la mu.

SHINGRAN 14:8

Bai, lahkawng ngu na lamu kasa kaga gaw hkan sa nna, “Masha amyu shagu hpe hpye ai amu ngu ai pawt shabu ai tsabyi jahku lu shangun ai, galu kaba ai Babelon mare gaw, kadawng daw mat sai, kadawng daw mat sai,” nga nna tsun ai.

SHINGRAN 18:2

Dai wa gaw, “Galu kaba ai Babelon gaw kadawng daw mat sai, kadawng daw mat sai; dai shara gaw, nat tsasam ni a de nga ai shara, n san n seng ai wenyi shagu a shingwung shara hte n san n seng ai matsat shabat re ai u amyu myu a shingbyi shara, tai mat sai.

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.