ESAIA 21:1 - Jinghpaw Hanson Version Bible

¹ Nammukdara makau na, zaibru jang hta ang ai myihtoi ga: Dingda laru ru wa ai zawn, hkrit na nsan ai zaibru jang de na laru ru wa ai.

Jinghpaw Common Language Bible 2009

¹ Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai.

ESAIA 21:1 ပူးပေါင်းရင်းမြစ်များ

YOBA 37:9

Dingda maga de nna nbung laru, dingdung maga de nna katsi ai nbung du pru nga ai.

ESAIA 13:1

Amot a kasha Esaia gaw, Babelon mare hpe sha-ang nna, shapraw ai myihtoi ga, da ndai rai nga ai:

ESAIA 13:13

Dai re ai majaw, Zaw nawng zaw wa up ai Yehowa a pawt sindawng ai hte shi n-yun bu ai nhtoi hta e, ngai gaw sumsing lamu hpe ashun awam dat nna, ginding aga gaw de a shara na gari htawt mat na ra ai.

ESAIA 14:1

Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

ESAIA 14:14

sumwi ni a ntsa e ngai lung na nngai; Tsaw Htum ai wa zawn ngai nga na nngai, nga nna, na a kraw e tsun nit dai.

ESAIA 14:23

Bai ngai gaw dai mare hpe dumsi ni a nga shara hte, hka ing ai shara shatai na we ai. Ngai gaw hten byak ai ding-ye hte dai mare hpe ye kau na we ai,” nga nna Zaw nawng zaw wa up ai Yehowa tsun ai.

ESAIA 17:1

Damasku mare hta ang ai myihtoi ga: “Yu u, Damasku shara gaw, mare n tai hkra, marawng marang sumpum tai na ra ai.

ESAIA 47:1

Babelon shayi hkawnsek e, yu wa nna ga nhpu hta dung u; Hkalde a shayi sha e, tingnyang hta n re ai sha, ga hta dung u: htawm hpang de nang hpe, Nu nu nai nai re ai jan, n ngu na masai.

ESAIA 5:28

shanhte a pala ni masen nga nna, ndan ni mung shachyen nga ai: gumra lahkru ni gaw hpai lung hte bung nna, leng dingsen ni gaw bungsha zawn chyai nga ai:

YEREMIA 51:1

Yehowa ning nga ai: Yu u; ngai gaw Babelon mare hte ngai e gumlau ai myit rawng ai ni hpe, shamyit kau na nbung sharawt na nngai.

YEREMIA 51:42

Nammukdara gaw Babelon mare de lung wa nna, law la ai hka leng ni dai mung hpe lim ka-up nga ai.

YEREMIA 51:51

Anhte shatan nhkan ai ga na ai majaw, anhte mak mat saga ai; kashuk kashak ai, anhte a myi man hpe htinggrum nga ai: kaning rai nme law, tsasam masha ni gaw Yehowa nta a chyoi pra ai shara ni hta shang wa masai.

EZEKELA 1:4

Ya ngai mada yu yang, yu u, ja ai nbung, sumwi kaba hte grup yin htoi gala ai wan dingsen, dingdung maga de na dawng pru nga ai: de a ka-ang na wan kata de na kung byawng abya htoi tu nga ai.

EZEKELA 30:11

Dai mung hpe jahten na matu, shi hte shi a amyu masha ni hte hpawn, maigan amyu masha ni hta gumshem ai ni hpe ngai woi jashawn nna, shanhte gaw tinang a nhtu shaw nna, Egutu mung hpe si mang hte jahpring na mara ai.

EZEKELA 31:12

Maigan amyu ni a gumshem ai tsasam masha ni gaw, shi hpe kran daw nna, kabai tawn manu ai: de a lakung ni gaw bum ntsa e mung, kadit shagu kata e mung, hkrat taw nna, de a lakying ni gaw, mung ting na hka kau e agrawp kau ai hkrum masai: ga ntsa amyu ni yawng, shi a shingnip na pru nna, shi hpe kau da manu ai.

EZEKELA 38:9

Nang gaw laru marang zawn lung wa nna, nang hte, nang hta lawm ai hpyen masha wunawng wuwa yawng hte hpawn, dai mungdan hpe sumwi zawn ka-up na marin dai.”

Daniela 11:40

“Ya de a ladaw htum wa mahka e, dingda hkawhkam wa gaw, shi hpe htim gasat na ra ai: dingdung hkawhkam wa chyawm gaw, hpyen leng, hpyen gumra, sanghpaw li law law hte hpawn, bungsha zawn ru lung wa let, dai mung ni hta shang nna, lim kabye ga lai kau na ra ai.

ZEHKARIA 9:14

Yehowa gaw, shanhte a ntsa e dan pru nna, shi a pala gaw, myihprap zawn pru na ra ai: Madu Yehowa gaw pahtau dum nna, dingda mung na bungsha hte, sa wa na ra ai.