ESAIA 20:5 - Jinghpaw Hanson Version Bible

⁵ Shing rai shanhte gaw, tinang myit hpa shara Hkusha hte, tinang a arawng ngu ai Egutu a lam mau mahka nna mak mat ai hte,

Jinghpaw Common Language Bible 2009

⁵ Ehtiopi mung hpe kam hpa ai ni hte Egutu mung hte seng nna shakawng gumrawng ai ni gaw mak mat na mara ai, shanhte a myit mada ai lam ni mung gamang mat na mara ai.

ESAIA 20:5 ပူးပေါင်းရင်းမြစ်များ

2 HKAWHKAM 18:21

Ya, yu u, nang gaw daw mat ai mai-aw dawhkrawng ngu ai, Egutu hkawhkam hpe hpa nga n hka; dai dawhkrawng gaw shamyet shanat ai wa a lata hpe ju htinggrang na ra ai; shing rai, Egutu hkawhkam Hpara-u hpe shamyet shanat ai ni yawng hkrum na mara ai.

ESAIA 2:22

Ladi hte nsa sa ai shinggyim masha hpe hkum hpa myit; shi hpa hkaw a ta?

ESAIA 30:3

Dai re ai majaw, Hpara-u a n-gun atsam, nanhte a kaya kahpa, Egutu a shingnip nanhte a mak mat ai lam tai na ra ai.

ESAIA 30:5

Shanhte hpe n karum la ai hte, asung n shang nna, hpa akyu n rawng ai, kaya kahpa hte lam n la ai amyu majaw, shanhte yawng kaya kahpa hkrum na mara ai.

ESAIA 30:7

Kaning rai nme law, Egutu mung gaw, asung n shang ai hte kaman lila rai nga ai: dai re ai majaw ngai shi hpe, “N shamu chye ai Rahab,” ngu nna shamying we ai.

ESAIA 31:1

Israela a Chyoi pra ai wa hpe n mada ai hte, Yehowa hpe n tam ai sha, hpyen karum la na matu, Egutu mung de yu wa nna, law la ai gumra ni hte hpyen leng ni hpe mung, n-gun grai ja ai gumra jawn ai ni hpe mung, shamyet shanat nga ai ni gaw, dingnye lu ma ai.

ESAIA 36:6

Ya, yu u, nang gaw daw mat ai mai-aw dawhkrawng ngu ai Egutu hkawhkam hpe hpa nga n hka; dai dawhkrawng gaw shamyet shanat ai wa a lata hpe ju htinggrang na ra ai; shing rai, Egutu hkawhkam Hpara-u hpe shamyet shanat ai ni yawng hkrum na mara ai.

ESAIA 36:9

Nang gaw nye a madu a kaji htum ai hpyen du langai mi hpe pyi n dang kau lu ai mi, hpyen leng hte gumra lu la na nga, Egutu hkawhkam hpe shamyet shanat nga n hka?

ESAIA 37:9

Bai, Ehtiopi hkawhkam Tirhaka nang hpe gasat na lung wa ra ai, nga ai ga na wu yang, shi gaw Hezekia hpang de kasa bai shangun dat nna,

YEREMIA 17:5

Yehowa ning nga ai: Shinggyim masha hta shamyet shanat nna, tinang n-gun shaja let, Yehowa hpe jagang kau ai wa gaw, dagam dala hkrum ging ai wa rai nga ai:

YEREMIA 46:25

Israela Karai Kasang Zaw nawng zaw wa up ai Yehowa ning nga ai: yu mu, ngai gaw, Noa mare na Amon hpara hpe mung, Hpara-u hte Egutu mung, de a hpara ni hte hkawhkam ni ngu ai, Hpara-u hkawhkam hte shi hta shamyet shanat ai ni hpe, ngai shari na nngai:

EZEKELA 29:16

Israela amyu gaw shanhte kaw hkan nang yang, tsin-yam tsindam hkrai hkrum ai hpe, myit dum nna, htawm hpang e shanhte hta shamyet shanat nga na n rai; shing rai ngai Yehowa rai nga ai hpe, shanhte chye lu na mara ai,” nga ai.

NAHUM 3:9

Hkusha hte Egutu mung gaw, galoi n htum ai, shi a atsam rai nga nna, Put hte Lubim, na a nrum ntau yan rai nga ma ai.

ZEHPANI 2:12

“Hkusha masha ni e, nanhte mung nye a nhtu hte si na marin dai.

1 KORINHTU 3:21

Dai re ai majaw, kadai rai timung masha hta e hkum gumrawng nga mu ga. Kaning rai nme law, yawng mayawng hte gaw nanhte a npu e rai nga ai: