ESAIA 20:3 - Jinghpaw Hanson Version Bible

³ Bai Yehowa gaw, “Nye a mayam Esaia, Egutu mung hte Hkusha mung hpe sha-ang nna, kumla hte mauhpa lam tai na matu, masum ning tup singgu krin, kyepdin n din ai, hkawm nga ai hte maren,

Jinghpaw Common Language Bible 2009

³ Ashdod mare zing la hkrum ai shaloi, dai Madu gaw, “Nye a shangun ma Esaia gaw masum ning ting singgu krin, kyepdin n din ai sha kayin hkawm nu ai. Dai gaw Egutu mung hte Ehtiopi mung hta byin wa na a kumla langai rai nga ai.

ESAIA 20:3 ပူးပေါင်းရင်းမြစ်များ

ESAIA 19:4

Ngai gaw Egutu masha ni hpe, gumshem du ni a lata hta ap ya nna, n hkru ai hkawhkam gaw, shanhte a ntsa e up na ra ai,” nga nna Zaw nawng zaw wa up ai Madu Yehowa tsun nga ai.

ESAIA 37:9

Bai, Ehtiopi hkawhkam Tirhaka nang hpe gasat na lung wa ra ai, nga ai ga na wu yang, shi gaw Hezekia hpang de kasa bai shangun dat nna,

ESAIA 43:3

Kaning rai nme law, ngai gaw, nang hpe Hkye hkrang la ai Madu, Israela a Chyoi pra ai Wa, na a Karai Kasang Yehowa rai nga nngai: na a gawng malai hkungga tai na matu Egutu mung hpe mung, na a malai Hkusha hte Seba mung hpe mung, ngai jaw ni ai.

ESAIA 8:18

Yu u, ngai mung, Yehowa jaw ai ngai sha ni mung, Ziun bum e shanu nga ai Zaw nawng zaw wa up ai Yehowa kaw na, Israela amyu hta, lamik kumla hte mauhpa lam tai nga ga ai.

YEREMIA 13:1

Bai Yehowa gaw, Lachyit shingkyit sa mari nna, na nshang hta kyit u; ntsin hte hkum hkrut kau et, nga nna ngai hpe tsun ai.

EZEKELA 12:6

Dai arung arai ni hpe shanhte man e hpai la nna, nsin htat ai aten e shapraw u; ga n mu lu hkra, na a myi man hpe htinggrum u: kaning rai nme law, Israela dap a matu ngai nang hpe kumla shatai ni ai,” nga ai.

EZEKELA 30:4

Nhtu tsin-yam gaw Egutu mung ntsa e du nna, hkala nba hkrum ai ni gaw, Egutu mung hta kadawng taw ma yang, Hkusha mung gaw myit ru na ra ai: shanhte gaw shi a wunawng wuwa ni hpe woi la kau nna, shi a npawt nhpang ni agrawp mat ai hkrum na ra ai.

EZEKELA 30:6

“Madu Yehowa ning nga ai: Egutu mung hpe shadaw ai ni mung, kadawng taw na mara ai; shi gumrawng ai daru magam gum-yu yu mat na ra ai: Sewene langchyi gaw nna, mung masha ni gaw, nhtu hte si na mara ai,” nga nna Madu Yehowa tsun ai.

EZEKELA 4:1

“Nang mung, masha kasha e, wut pa la nna, na a man e tawn da nhtawm, Yerusalem mare sumla hpe tawk ka u:

EZEKELA 4:3

Dai hta kaga hpri pa la nna, nang hte mare a lapran e hpri bunghku tai na matu shadun da u: dai mare maga de nang myi man yawng u; shing rai mare gaw wang da ai hkrum nna, nang dai hpe wang tawn da na ndai. Dai gaw Israela amyu a matu kumla tai na ra ai.

ZEHPANI 2:12

“Hkusha masha ni e, nanhte mung nye a nhtu hte si na marin dai.

ZEHKARIA 3:8

Hkinjawng agyi Yoshua e, nang hte na a man e dung nga ai manang ni, madat mara mu; shanhte gaw kumla tai ai masha rai nga ma ai: kaning rai nme law, yu mu, nye a shangun ma ngu ai, Makrung hpe, ngai paw pru shangun na nngai.

BU HKAWM 14:34

Dai mung hpe kin-yu yu ai nhtoi mali shi ya re ai hte maren, lani mi hpe laning mi shatai nna, mali shi ning tup, tinang a yubak gun let, nye e kabai kau ai chye lu na manit dai.'