ESAIA 2:7 - Jinghpaw Hanson Version Bible

⁷ Shanhte a mungdan gaw, aja gumhpraw hte hpring nna, shanhte a sutgan hti n dang law nga ai; shanhte a mungdan gaw gumra hte hpring nna, gumra leng ni hti n dang law nga ai.

Jinghpaw Common Language Bible 2009

⁷ Shanhte a lamu ga gaw ja gumhpraw hte hpring nga nna, shanhte a sut gan ni htum ngu, n nga nga ai. Shanhte a lamu ga gaw gumra ni hte hpring nga ai, shanhte a gumra leng ni htum ngu, n nga nga ai.

ESAIA 2:7 ပူးပေါင်းရင်းမြစ်များ

1 HKAWHKAM 4:26

Bai Shawlumon gaw shi a gumra leng ni a matu gumra rawng ai gawk mun mali hte, gumra jawn ai masha mun me hkying lahkawng rai lu ai.

YOBA 3:15

Aja sut mahkawng da nna, tinang a nta ni hta, gumhpraw hte jahpring ai agyi salang ni hte rau mung;

SHAKAWN KUNGDAWN 20:7

Nkau mi gaw leng hta, nkau mi gaw gumra hta gumrawng nga ma ai; Anhte chyawm gaw, anhte a Karai Kasang a amying nsang hpe dum nga ga ai.

ESAIA 30:16

Nanhte mahtang, ‘N rai law, anhte gumra hte hprawng na ga ai,’ nga nna tsun myit dai majaw, gaja wa hprawng na myit dai; ‘Anhte laram ai gumra jawn na ga ai,’ nga myit dai majaw, nanhte hpe hkan shachyut ai ni, lawan na mara ai.

ESAIA 31:1

Israela a Chyoi pra ai wa hpe n mada ai hte, Yehowa hpe n tam ai sha, hpyen karum la na matu, Egutu mung de yu wa nna, law la ai gumra ni hte hpyen leng ni hpe mung, n-gun grai ja ai gumra jawn ai ni hpe mung, shamyet shanat nga ai ni gaw, dingnye lu ma ai.

ESAIA 57:17

Shi a n hkru ai lawhpa myit majaw, ngai masin pawt nna, shi hpe ari jaw we ai: ngai myi man makoi nna pawt sindawng nga nngai; shi mung tinang ra ai hku hkan nna, nhtang mat wa sai.

HOSEA 14:3

Asuri hkawhkam anhte hpe hkye hkrang la lu ai n rai; anhte gumra jawn na ga ai n rai: tinang a lata hte galaw ai arai hpe, ‘Nanhte gaw, anhte a hpara ni rai nga myit dai,’ nga nna htawm hpang de n tsun na saga ai: kaning rai nme law, chyahkrai nmai ni, nang hta chyu sha, matsan dum ai lu la na mara ai, ngu nna sa tsun mu.”

MIHKA 5:10

Dai shani e, ngai gaw, na a gumra ni hpe, na a ka-ang e, jahtum kau nna, na a leng ni hpe agrawp kau na nngai;

SHINGRAN 18:3

Kaning rai nme law, shi a hpye ai amu ngu ai tsabyi jahku hte masha amyu baw shagu kadawng daw mat masai; ga ntsa hkawhkam ni mung shi hte rau hpye ai amu galaw nna, shi a hpung shingkang hte sawse lawklek ai lam a majaw, mungkan ga na hpaga ni sut su wa masai,” nga nna ja ai nsen hte jahtau wu ai.