ESAIA 2:4 - Jinghpaw Hanson Version Bible

⁴ Shi gaw amyu ni a lapran e tara dara nna, amyu baw ga daga hpe jeyang na ra ai: shanhte gaw tinang a nhtu ni hpe najawn, tinang a ri ni hpe nhkyau dup kau na mara ai: amyu mi gaw amyu mi hpe nhtu n shaw ai hte, htawm hpang e hpyen majan sharin sana n rai.

Jinghpaw Common Language Bible 2009

⁴ Shi gaw galu kaba ai masha amyu baw ni a lapran na ndang kalang lam ni hpe jeyang ya na ra ai. Shanhte gaw shanhte a nhtu ni hpe najawn ni, shanhte a nri ni hpe gadoi nhkyi ni dup kau na mara ai. Amyu baw ni majan galoi mung bai baw na n rai, majan a matu galoi mung bai hkyen na mara ai n rai.

ESAIA 2:4 ပူးပေါင်းရင်းမြစ်များ

SHAKAWN KUNGDAWN 110:6

Shi gaw masha amyu ni hpe dawdan na mu ai; shanhte hta e moi mang hpring nga ai; Mung law law ni a baw hpe shi agrawp kau na wu ai.

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

SHAKAWN KUNGDAWN 82:8

Karai Kasang e, dinghta ga hpe tara dara na rawt u; Amyu baw shagu na a sali wunli tai na mara ai law.

SHAKAWN KUNGDAWN 96:13

Kaning rai nme law, lamu ga hpe tara dara na, shi du sa nna, Shi gaw mungkan ga hpe dingman ai hte, amyu baw ni hpe sadi sahka hte, tara dara na ra ai.

ESAIA 32:17

Dinghpring ai gaw, ngwipyaw ai shabyin na ra ai: dinghpring ai a akyu gaw, htani htana ngwipyaw ai hte myit maju jung ai, tai na ra ai.

ESAIA 32:18

Nye a amyu masha ni gaw ngwipyaw ai buga, shim ai dum nta, asim sha re ai dabang e, shanu nga na mara ai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 42:3

Bye dip kau ai mai-aw hpe shi n shadaw na hte, kachyi mi sha tu ai wan shat hpe sat kau na n rai: shi gaw tengman ai hte tara ding ai hku shapraw na ra ai.

ESAIA 9:5

Kaning rai nme law, anhte a matu kasha shangai nna, anhte hpe shadang sha jaw mi ai: shi a lahpa ntsa e up ai ahkang mara nga na rai nna, shi a amying hpe, “Mauhpa wa, Hpaji daw ai wa, Daru Magam Karai Wa, Htani htana Kawa, Ngwipyaw Madu,” ngu nna shamying na mu ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

HOSEA 2:18

Dai shani e nang ngai hpe, Ishi, nga nna shaga na rin dai; htawm hpang e, Bali, nga nna ngai hpe shaga lu na n rai,” nga nna Yehowa tsun ai.

HOSEA 2:20

Dai shani e ngai shanhte a matu, pa ga na matse labye ni, ntsa malen pyen ai u ni, ga e gumrawt hkawm ai baw hte, ga shaka tawn da nna, dai mungdan hta na, ndan ri nhtu, hpyen majan jasim kau ai hte, shanhte hpe apyaw alaw yup shangun na mawe ai.

YOELA 3:10

Nanhte a najawn ni hpe, nhtu, nhkyau ni hpe, ri, dup mu: n-gun n ja ai wa gaw, Ngai n-gun ja nngai, nga nna tsun u ga.

YOELA 3:12

Maigan amyu ni rawt nna, Yehosahpat kadit e lau lung wa mu ga: kaning rai nme law, dai yang e ngai dung nga nna, grup yin na amyu ni mahkra hpe, dawdan na nngai.

MIHKA 4:3

shi gaw masha amyu law law a lapran e tara dawdan nna, tsan tsan e nga ai atsam rawng ai maigan amyu ni hpe jeyang na ra ai: shanhte gaw tinang a nhtu ni hpe, na jawn, tinang a ri ni hpe, nhkyau, dup kau na mara ai; amyu mi gaw amyu mi hpe shada hpyen gasat na n rai; shanhte gaw htawm hpang e hpyen majan sharin sana n rai.

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

1 SAMUELA 2:10

Yehowa hpe daw ai ni, agrawp kau ai hkrum na mu ai; shanhte a ntsa e mu shangoi dat na wu ai: Yehowa lamu ga htum hkra tara dara nna shi a hkawhkam wa hpe n-gun shaja na wu ai, Shi a Namman chya ai wa a nrung sharawt ya na wu ai,” nga nna shakawn wu ai.