ESAIA 2:21 - Jinghpaw Hanson Version Bible

²¹ gaja wa, ginding aga hpe ashun awam dat na nga, Yehowa rawt wa yang, shi a hkrithpa hte dan hkung nga ai hpung shingkang majaw, masha ni gaw sharut n-gam hte lungbra re ai shara de shang na mara ai.

Jinghpaw Common Language Bible 2009

²¹ Dai Madu gaw ginding aga hpe ashun awam dat na nga du sa ai shaloi, amyu masha ni gaw shi a masin kahtet ai kaw na lawt lu na matu mung, shi a daru magam n-gun hte hpung shingkang kaw nna mung myi man makoi lu hkra nga, ga nhkun ni hte lungrawk lunghkrung kawng ni hkan nga ai lungpu ni hkan makoi gyem na mara ai.

ESAIA 2:21 ပူးပေါင်းရင်းမြစ်များ

2 SAMUELA 22:46

Tsasam masha ni nyip mat ma ai rai nna, Shanhte a shingbyi shara na, gari let pru wa ma ai.

YOBA 30:6

Shing rai, shanhte gaw krung sinwa hkaraw nhkap hkan e mung, ginlawng hku hte lungpu hkan e mung nga nga ma ai.

YOBA 9:6

Shi gaw lamu ga hpe de a shara na kanawng sit kau nna, de a shadaw ni gari awam nga ma ai.

PRU MAT 33:22

shing rai nye a hpung shingkang lai wa nga yang, nang hpe dai lung kran e ngai bang da nna, ngai lai mat wa hkra, nang hpe nye a lata hte magap da na de ai:

Shawlumon A Mahkawn Ga 2:14

Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

ESAIA 2:10

Yehowa a daru magam hte shi a hpung shingkang dan hkung ai a majaw, lungpu de shang nna, ga nhpu hta makoi nga u.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

ESAIA 24:18

Shing rai, hkrit kajawng ai nsen kaw na hprawng lawt ai wa gaw, nhkun hta hkrat na ra ai; nhkun hta na lawt pru ai wa gaw, mahkam hta lu na ra ai: kaning rai nme law, matsaw ntsang na hkuwawt hku ni hpaw malang nga nna, ginding aga npawt ni gari nga ai.

ESAIA 33:10

Yehowa chyawm gaw, “Ya ngai rawt na nngai; ya ngai dan pru na nngai; ya ngai shagrau shatsaw hkrum na nngai,” nga ai.

ESAIA 7:19

shanhte nlang sa du nna, mahkra gaw shingran katsi ai kadit ni hta mung, lungbra shara ni hta mung, ju hpun nhpan ni yawng hta mung, udat shara ni yawng hta mung, shanu nga na mara ai.

YEREMIA 16:16

Yehowa ning nga ai, Yu u; ngai gaw nga hkwi ai ni law law hpe shaga la nna, shanhte hpe hkwi shangun na nngai; dai hpang jaugawng law law hpe ngai shaga la nna, shanhte hpe bum shagu, kawng shagu hte bum ga na lungpu ni hta tam shangun na nngai.

HOSEA 10:8

Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”