ESAIA 2:20 - Jinghpaw Hanson Version Bible

²⁰ Dai shani e masha ni gaw tinang nawku na matu galaw da ai aja hpara sumla ni hte, gumhpraw hpara sumla ni hpe, sharu ni hte patsip ni hpang de kabai kau na mara ai:

Jinghpaw Common Language Bible 2009

²⁰ Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.

ESAIA 2:20 ပူးပေါင်းရင်းမြစ်များ

NINGPAWT NINGHPANG 35:4

Shaloi shanhte gaw tinang lu ai hpara tsasam mahkra hte, na hta kai ai shanghkawng mahkra Yaku hpe ap kau mu ai rai nna, Yaku gaw dai hte hpe Shehkem makau e tu ai wamyi hpun nhpang e lup kau ya wu ai.

HPAJI NINGLI 3:6

tam mai ai aten hte sum mat ai aten mung nga ai; kyem da ai aten hte kabai kau ai aten mung nga ai;

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

ESAIA 17:8

Tinang a lata hte galaw da ai, tawn hkungri ni hpe mada yu na n rai; tinang layung hte galaw ai Asherim sumla ni hte jan sumla ni hpe hkungga lara na n rai.

ESAIA 30:22

bai nanhte gaw, gumhpraw hte sup ai tawk la ai sumla ni hpe mung, ja sup ai jaw la ai sumla ni hpe mung, awu asin di kau nna, matsat shabat re ai rai zawn kabai kau let, Pru wa mu,” nga nna tsun na myit dai.

ESAIA 31:7

Gaja wa, yubak galaw na matu, masha langai hte langai tinang a lata hte galaw ai gumhpraw sumla hte, aja sumla ni hpe, dai shani e shanhte kabai kau da na mara ai.

ESAIA 40:19

Sumla rai yang, chye galaw ai wa gaw dai hpe jaw nhtawm, janghkam wa aja sup nna, de a matu gumhpraw saidawng jaw nga ai.

ESAIA 46:1

Bela gaw gum dagup nga ai. Nebo gaw agrawp mat sai! De a sumla ni gaw matse labye ni hte yamnga ni a ntsa e mara nga ma ai: nanhte hpai hkawm ai arai ni gaw hki ba ai yamnga ni a matu lit tai wa sai.

ESAIA 46:6

Tingsan hta na aja law law shaw la nna, joi hte gumhpraw shen yu ai ni gaw, janghkam shaga nna, shi gaw hpara galaw da jang, shanhte gum dagup nna, nawku nga ma hka!

EZEKELA 14:6

Dai re ai majaw Israela dap hpe tsun u, ‘Madu Yehowa ning nga ai: Kayin wa marit; hpara sumla ni kaw na kayin wa marit; nanhte a matsat shabat amu nlang hte hpe kau da manu.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

EZEKELA 7:19

Shanhte gaw tinang a gumhpraw hpe mare lam ni hta kabai kau nna, tinang a aja hpe n san n seng ai arai zawn, nawn na maru ai; Yehowa n-yun bu ai shani e, shanhte a aja gumhpraw shanhte hpe mawai la lu ai n rai: dai gaw, shut hpyit ai amu galaw hkra, shanhte a myit kataw shara rai nga ai majaw, shanhte a myit masin hpe jahkru shakat lu na n rai, tinang kan hpe mung, jahpring lu na n rai.

HOSEA 14:8

Ehprim gaw, ‘Hpara sumla ni htawm hpang de, ngai hte hpa seng a ta?’ nga nna tsun na ra ai. Ngai shi a ga madat nna, shi hpe yu na nngai: ngai gaw tsit lali ai marau hpun zawn rai nga nngai; na a si, ngai kaw na pru na ra ai.

JAW JAU 11:19

u langang, wunpu u, urum lang da, gawn, u-gaw amyu myu, mu-u hte patsip re ai ni rai nga ai.

ZEHPANI 2:11

Yehowa shanhte hpe nhtum nni di na ra ai; kaning rai nme law, shi gaw ga ntsa hpara ni mahkra hpe kawsi shakyet nna, maigan amyu ni a zunlawng masha ni yawng, langai hte langai tinang a shara kaw nna shi hpe nawku na mara ai.

LUKA 23:30

Dai nhtoi e, bum ni hpe, Anhte a ntsa e daw kamyet mi, nga nna mung, kawng ni hpe, Anhte a ntsa e ka-up mi, nga nna mung, shanhte shaga shajang na mara ai: