ESAIA 2:2 - Jinghpaw Hanson Version Bible

² Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

Jinghpaw Common Language Bible 2009

² Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 2:2 ပူးပေါင်းရင်းမြစ်များ

NINGPAWT NINGHPANG 49:1

Dai hpawa e Yaku gaw shi a shadang sha ni hpe shaga nna, Htawm hpang e nanhte hta byin pru na ra ai lam, ngai nanhte hpe tsun da made ga, nang e wa hpawng marit:

YOBA 19:25

Ngai hpe hkye hkrang la ai wa hkrung nga ai gaw, ngai nan chye nngai, Shi gaw hpang jahtum e ga nhpu ntsa e dawng pru na ra ai.

SHAKAWN KUNGDAWN 102:23

Shi gaw nye a n-gun hpe, lam hkan e shayawm nna, Nye a nhtoi ni hpe shagying ya ni ai.

SHAKAWN KUNGDAWN 2:8

Ngai e hpyi nna, masha amyu myu na a sali wunli matu, Nang madu na arung arai, lamu ga htum hkra, ngai nang hpe jaw na de ai.

SHAKAWN KUNGDAWN 22:27

Ga ting na yawng mayawng hte gaw Yehowa hpe dum nna, shi hpang de kayin na mara ai. Masha amyu baw nlang hte gaw, na a man e nawku na mara ai.

SHAKAWN KUNGDAWN 22:28

Dai mungdan gaw Yehowa a mungdan rai nga ai; Masha amyu baw shagu ni hpe shi Madu nga mu ai.

SHAKAWN KUNGDAWN 48:2

Ngoi rai nna tsaw lung wa ai, Dingdung maga e nga ai Ziun bum gaw, Mungkan ting na ngwipyaw shara rai nga ai: Hkawhkam kaba a mare mung, dai rai nga ai.

SHAKAWN KUNGDAWN 68:17

Karai Kasang a hpyen leng ni mun lahkawng hte, hkying mi hte hkying mi rai nga lu ai; Dai Madu gaw dai ni hte rau rai nga ai: Chyoi pra ai Sina bum e zawn, bai rai nga ai.

SHAKAWN KUNGDAWN 72:8

Nammukdara kaw nna nammukdara du hkra, Uhprat hka nu kaw nna lamu ga htum hkra, shi up nga u ga.

SHAKAWN KUNGDAWN 86:9

Madu e, nang hpan tawn da ai amyu nlang hte gaw, Na a man e shang nna nawku na mara ai: Na a amying hpe mung, shagrau na mara ai.

SHAKAWN KUNGDAWN 87:1

Shi a npawt nhpang gaw chyoi pra ai bum ni a ntsa e jung nga ai.

SHAKAWN KUNGDAWN 87:2

Yehowa gaw Yaku a htingra ni nlang hte hta, Ziun bum na chyinghka ni hpe, grau tsawra wu ai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 25:6

Zaw nawng zaw wa up ai Yehowa gaw ndai bum ntsa e amyu baw yawng a matu sau ai lusha hte tsabyi machyan poi galaw na ra ai; dai poi hta laswi hpring ai sau ai baw hte, jet ai tsabyi machyan dingsa lusha na mara ai.

ESAIA 27:13

Dai shani e, pahtau kaba dum dat nna, Asuri mung e si mat magang ai ni hte, Egutu mung hta kau da hkrum ai ni gaw, sa du nna, shanhte gaw Yerusalem mare na chyoi pra ai bum ntsa e, Yehowa hpe nawku na mara ai.

ESAIA 30:29

Chyoi pra ai poi galaw ai shana e zawn, nanhte mahkawn mangoi na marin dai; Israela lunghkrung ngu ai, Yehowa a bum de sumpyi dum let lung wa ai zawn, kabu gara na myit dai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 56:5

Ngai gaw nye a nta nhku e mung, nye a bunghku ni a kata e mung, kashu kasha hta grau hpu nna dum mai ai amying shingteng, shanhte hpe jaw na nngai; n hten n run ai, htani htana amying shingteng ngai shanhte hpe jaw na nngai.

ESAIA 56:7

ngai gaw nye a chyoi pra ai bum de woi jashawn nna, nye a akyu hpyi ai nta hta kabu gara shangun na nngai: shanhte wan nat hkungga hte mayu hkungga hpe nye hkungri ntsa e hkap la na nngai; kaning rai nme law, nye a nta gaw amyu baw shagu baw shagu a matu akyu hpyi ai nta ngu na mu ai.

ESAIA 60:3

Maigan amyu ni gaw na a nhtoi de, hkawhkam ni gaw na a dan hkung kabrim ai de, du na mara ai.

ESAIA 65:11

Yehowa hpe kau da nna, nye a chyoi pra ai bum hpe malap kau ai hte, Gam ngu ai hpara a man e sha ku lajang nna, Auba ngu ai hpara a man e dumhpung ru jaw ai ni e,

ESAIA 66:20

Dai hta kaga, Israela masha ni gaw, tinang a lusha hkungga hpe san seng ai wan hta Yehowa a nta de la sa ai hte maren, shanhte gaw, nanhte a kahpu kanau ni mahkra hpe, gumra hta mung, leng hta mung, krau ntsa e mung, lawze hte gawla-uk ntsa e mung htaw nna, Yehowa a lusha hkungga tai na matu, mung mi hte mung mi kaw na, nye a chyoi pra ai bum Yerusalem mare de woi wa na mara ai,” nga nna Yehowa tsun ai.

ESAIA 66:23

“Shing rai shata praw shagu, laban nhtoi shagu, hkrung mahkrung yawng, nye a man e nawku na matu, du na mara ai,” nga nna Yehowa tsun ai.

YEREMIA 16:19

Nye a n-gun atsam, nye a hpyen dap, ru tsang ai shani e nye a shingbyi shara Yehowa e, lamu ga htum ai de na masha amyu ni nang hpang de du nna, Anhte a ji wa ni gaw, masu ai hte kaman lila, lam n la ai sali wunli hkrai hkam la masai, nga nna tsun na mara ai.

YEREMIA 23:20

Yehowa pawt bu ai gaw, shi myit mamyit hte maren, garai n ngut n dik dingsa, sim wa na n rai: nanhte gaw htawm hpang e dai lam leng leng chye lu na myit dai.

YEREMIA 3:17

Dai aten e shanhte gaw Yerusalem mare hpe, Yehowa a tingnyang, ngu nna shamying na maru ai: amyu baw ni yawng, Yehowa amying hpe hpa let, Yerusalem mare de zuphpawng na mara ai; shanhte gaw htawm hpang de tinang a myit masin a je hpre ai hta hkawm na n rai.

YEREMIA 30:24

Yehowa pawt bu kahtet ai gaw, shi myit mamyit hte maren, garai n ngut n dik dingsa sim wa na n rai: nanhte gaw htawm hpang e dai lam chye lu na myit dai.

YEREMIA 31:12

Shing rai shanhte gaw, Ziun bum pungding e sa mahkawn mangoi nna, Yehowa chyeju ngu ai, nai man, tsabyi jahku, sau, sagu kasha hte dumsu kasha lu la na matu zuphpawng na mara ai: shanhte a myit masin gaw, ntsin jaw ai sun zawn rai nga nna, shanhte htawm hpang de hpa yawn hkyen hkrum na n rai.

YEREMIA 48:47

Rai timung, hpang jahtum ai aten e ngai gaw, Moba bawng dung ai ni hpe, bai nhtang wa shangun na nngai, nga nna Yehowa tsun ai. Ndai yang du hkra, Moba dawdan hkrum ai ga rai nga ai.

YEREMIA 49:39

Rai timung, bawng dung hkrum ai Elam masha ni hpe, hpang jahtum ai aten e ngai bai nhtang wa shangun na nngai,” nga nna Yehowa tsun ai.

YEREMIA 51:44

Babelon mare na Bela hpara hpe ngai dawdan na nngai; shi mayu kau ai hpe, bai nhpat shangun na nngai; masha amyu ni htawm hpang e shi kaw hpawng lu na n rai: gaja wa, Babelon a bunghku run mat na ra ai.

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

EZEKELA 40:2

Karai Kasang a shingran hte shi ngai hpe Israela mung de woi wa nna, grai tsaw ai bum ntsa e tawn da nngai; dai bum a dingda maga de mare nsan ai hkrang dan pru nga ai.

Daniela 10:14

Ya chyawm gaw, na a amyu masha ni hta htawm hpang e byin na ra ai amu a lam ni hpe, nang hpe chye na shangun na matu, ngai du ni ai; ndai shingran gaw naw na ai aten hte seng nga ai,” nga nna ngai hpe tsun ai.

Daniela 2:28

rai timung, makoi magap lam shapraw shadan lu ai Karai Kasang gaw, sumsing lamu e dung nga ai; shi gaw, htawm hpang e byin na ra ai lam, hkawhkam Nebuhkadneza hpe madun dan nu ai. Na a yup mang hte, na a yup ku ntsa e nang mu ai shingran gaw, da ndai rai nga ai:

Daniela 2:35

Shing rai, ahpri, ga kagam, magri, gumhpraw hte aja gaw, agrawp mani mat nna, nmut ta chyarang na nbun zawn tai mat ai hte, nbung e ahpawt kau nna, de a matu nga shara n nga ai: dai sumla hpe hkra ai nlung chyawm gaw, galu kaba ai bum tai wa nna, lamu ga ting kapat nga ai hpe, nang mu ndai.

Daniela 2:45

Lata hte n tawk ai nlung langai mi gaw, bum ga de na chyai hkrat wa nna, ahpri, magri, ga kagam, gumhpraw hte aja hpe agrawp mani kau ai, nang mu ai majaw, galu kaba ai Karai Kasang gaw htawm hpang e byin na ra ai lam hkawhkam wa hpe madun dan nu ai: yup mang gaw grin nga ai, ga lachyum gaw teng nga ai,” ngu nna hkawhkam wa hpe tsun dan wu ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

ZEHKARIA 14:10

Mungdan ting, Geba kawng kaw nna, Yerusalem a dingda maga na Rimon shara du hkra, layang ga tai na ra ai: dai mare daju chyawm gaw, sharawt shatsaw ai hkrum nna, Ben-yamin chyinghka kaw nna, shawng na chyinghka hte njut chyinghka du hkra, Hanaela langchyi kaw nna, hkawhkam a tsabyi htumbyen du hkra, de a htingra hta e, de nga na ra ai.

ZEHKARIA 14:9

Shaloi Yehowa gaw mungkan ting a Hkawhkam tai na ra ai: dai shani e, Yehowa gaw langai sha rai nga nna, shi a amying langai sha, tai na ra ai.

ZEHKARIA 8:22

Gaja wa, masha amyu ga daga hte, n-gun ja ai amyu baw ni gaw, Yerusalem mare hta, Zaw nawng zaw wa up ai Yehowa hpe hkan tam nna, Yehowa man e tawngban na matu, sa du na mara ai.”

ZEHKARIA 8:3

Yehowa ning nga ai: “Ziun bum de ngai nhtang wa nna, Yerusalem mare ka-ang e shanu nga na nngai: Yerusalem mare hpe, Tengman ai mare, ngu nna mung, Zaw nawng zaw wa up ai Yehowa a bum hpe, Chyoi pra ai bum, ngu nna mung, shamying na mara ai,” nga ai.

MALAHKI 3:12

Maigan amyu ni yawng, nanhte hpe shagrau sha-a na mara ai: kaning rai nme law, nanhte a mungdan, ra sharawng mai ai mungdan tai na ra ai, nga nna Zaw nawng zaw wa up ai Yehowa tsun ai.

BU HKAWM 24:14

Ya chyawm gaw nye a amyu hpang de ngai wa na ni ai; madat la, ndai amyu masha ni htawm hpang de na a amyu hpe kaning di na maru ai gaw ngai madun de ga,” ngu nna Balak hpe htan wu ai.

KASA 2:17

‘Karai Kasang ning nga ai: Hpang jahtum na nhtoi ni hta, Nye a Wenyi, ashan yawng a ntsa e ngai ru jaw nna, Nanhte a shayi shadang sha ni myihtoi htoi na mara ai. Nanhte a brang ram ni shingran mu nna, Nanhte a dingla ni yup mang mu na mara ai.

2 TIMOHTI 3:1

Dai hta kaga, hpang jahtum na nhtoi ni hta e, yak la ai aten du na ra ai, chye nga u,

HEBRE 1:2

ndai nhtoi ladaw na hpang jahtum ai hta, Kasha a n-gup hte anhte hpe ga matsun jaw da mani ai; dai Kasha hpe yawng mayawng a sali wunli hkam la ai wa tai na shi san da nu ai rai nna, shi hte mung nga yawng nga pra galaw da nu ai;

2 PETRU 3:3

Kaning rai nme law, hpang jahtum na nhtoi hte hta, tinang a myit kayut ai hku hkan nna, asawng asang rai let, Dai Madu bai du na ra ai, nga ai ga ndat gaw, kanang rai nga a ta?

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai: