ESAIA 2:19 - Jinghpaw Hanson Version Bible

¹⁹ Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

Jinghpaw Common Language Bible 2009

¹⁹ Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 2:19 ပူးပေါင်းရင်းမြစ်များ

2 SAMUELA 22:46

Tsasam masha ni nyip mat ma ai rai nna, Shanhte a shingbyi shara na, gari let pru wa ma ai.

YOBA 9:6

Shi gaw lamu ga hpe de a shara na kanawng sit kau nna, de a shadaw ni gari awam nga ma ai.

SHAKAWN KUNGDAWN 7:6

Yehowa e, masin pawt let rawt u; Nye a gumlau ni n-yun bu ma ai hpe, shabai ya mu. Nye a lam dum u; dawdan ai hku nang hkang da ngut sai.

ESAIA 13:13

Dai re ai majaw, Zaw nawng zaw wa up ai Yehowa a pawt sindawng ai hte shi n-yun bu ai nhtoi hta e, ngai gaw sumsing lamu hpe ashun awam dat nna, ginding aga gaw de a shara na gari htawt mat na ra ai.

ESAIA 2:10

Yehowa a daru magam hte shi a hpung shingkang dan hkung ai a majaw, lungpu de shang nna, ga nhpu hta makoi nga u.

ESAIA 2:21

gaja wa, ginding aga hpe ashun awam dat na nga, Yehowa rawt wa yang, shi a hkrithpa hte dan hkung nga ai hpung shingkang majaw, masha ni gaw sharut n-gam hte lungbra re ai shara de shang na mara ai.

ESAIA 24:1

Yu u, Yehowa gaw lamu ga hpe shakram kau nna, katsi katsang re ai shara shatai wu ai; shi dai hpe galau ka-up kau ai hte, mung masha ni hpe shabra kau mu ai.

ESAIA 24:18

Shing rai, hkrit kajawng ai nsen kaw na hprawng lawt ai wa gaw, nhkun hta hkrat na ra ai; nhkun hta na lawt pru ai wa gaw, mahkam hta lu na ra ai: kaning rai nme law, matsaw ntsang na hkuwawt hku ni hpaw malang nga nna, ginding aga npawt ni gari nga ai.

ESAIA 24:19

Ginding aga gaw atsai awai grawp mat sai; ginding aga gaw ga mahka mat sai; ginding aga gaw ja ja gari nga ai.

ESAIA 30:32

Yehowa gaw san da ai hkawn hte, shi hpe kayat hkra shagu, shupsheng, tingse mahku ngoi na ra ai; hpyen shani e, shada ai lahpum hte, shi hpe hpyen gasat na ra ai.

ESAIA 33:10

Yehowa chyawm gaw, “Ya ngai rawt na nngai; ya ngai dan pru na nngai; ya ngai shagrau shatsaw hkrum na nngai,” nga ai.

ESAIA 7:19

shanhte nlang sa du nna, mahkra gaw shingran katsi ai kadit ni hta mung, lungbra shara ni hta mung, ju hpun nhpan ni yawng hta mung, udat shara ni yawng hta mung, shanu nga na mara ai.

YEREMIA 16:16

Yehowa ning nga ai, Yu u; ngai gaw nga hkwi ai ni law law hpe shaga la nna, shanhte hpe hkwi shangun na nngai; dai hpang jaugawng law law hpe ngai shaga la nna, shanhte hpe bum shagu, kawng shagu hte bum ga na lungpu ni hta tam shangun na nngai.

YEREMIA 4:29

Gumra jawn ai ni hte ndan lang ai ni a wu ngoi ai nsen majaw, mare masha ni yawng hprawng wa ma ai: shanhte gaw nam mali e makoi nna, lunghkrung ni a ntsa de lung wa ma ai: mare yawng hpe kau da nna, masha langai mi muk n hti nga ai.

YEREMIA 48:28

Moba mung e shanu ai ni e, mare ni hpe kau da nna, lungpu hkan e rawng nga mu: n-gam mahka e tsip tsip ai hkrudu zawn tai nga mu.

EZEKELA 33:27

Shanhte hpe ning ngu tsun u, ‘Madu Yehowa ning nga ai: Ngai hkrung nga ai hte maren, marawng marang tai wa ai shara ni hta naw shanu nga ai ni gaw, nhtu hte teng teng si na mara ai; pa ga e shanu nga ai wa hpe, matse labye hkrum na matu, ap kau nu ai; hpyen dap hte ginlawng hku ni hta rawng nga ai ni gaw, ana zinli hte si na mara ai.

HOSEA 10:8

Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”

MIHKA 7:17

Shanhte gaw lapu zawn ga nhpu mata na mara ai: ga ntsa gumrawt hkawm ai baw zawn, tinang a nhkun de na hkrit gari let pru na mara ai: shanhte gaw anhte a Karai Kasang Yehowa hpang de hkrit gari let du nna, na a majaw hkrit kamyin nga na mara ai.

NAHUM 3:11

Nang mung mak mat nna, hprawng makoi na ndai: hpyen wa a lata na lawt lu hkra, hpyen dap hpe tam na ndai.

HAGI 2:6

Dai hta kaga, Zaw nawng zaw wa up ai Yehowa ning nga ai: Gade n na yang, sumsing lamu hte ginding aga hpe, nammukdara hte hkarang hpe, ngai bai ashun na nngai:

HAGI 2:7

maigan amyu ni mahkra hpe mung, ngai ashun na nngai; maigan amyu ni mahkra a hpu htum ai baw sa du nna, ngai gaw ndai Nta hpe hpung shingkang hte jahpring na nngai, nga nna Zaw nawng zaw wa up ai Yehowa tsun ai.

LUKA 23:30

Dai nhtoi e, bum ni hpe, Anhte a ntsa e daw kamyet mi, nga nna mung, kawng ni hpe, Anhte a ntsa e ka-up mi, nga nna mung, shanhte shaga shajang na mara ai:

2 HTESALONI 1:9

Yesu gaw shi a chyoi pra ai ni hta dan hkung nga ai hte, nanhte gaw anhte a sakse ga hpe kamsham nga myit dai majaw, dai shani hta e kamsham nga ai ni mahkra hta shi mau mahka hkrum ai shaloi e,

HEBRE 11:38

nam mali hkan e, bum alang, ga na ginlawng hku hte lungpu hkan e, shanhte let hkawm ma ai: rai timung, mungkan ga gaw shanhte hte n ging n dan nga malu ai.

HEBRE 12:26

dai shadum jahprang ai wa a nsen gaw, dai shaloi e ginding aga hpe a shun dat wu ai; ya tawn da ai ga ndat chyawm gaw, Ginding aga hpe sha n rai, sumsing lamu hpe mung ngai lang mi naw anawn shangun dat na we ai, nga nna tawn da nu ai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 11:19

Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 16:18

dai hta kaga, myihprap kala ai, nsen kadu ai hte mu ngoi ai byin wa ai; nnang nawn kaba mung byin wa ai; ga ntsa e masha nnan lat kaw nna dai zawn kaba ai hte ja la ai nnang nawn gaw, galoi mung n byin yu ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.

SHINGRAN 9:6

Dai nhtoi hte hta masha ni gaw si nhpang tam timung n mu na mu ai; nachying si mayu ma timung, si hkrung si htan gaw, shanhte kaw na hprawng mat na ra ai.

1 SAMUELA 13:6

Ya Israela masha ni ruyak hkrum nna, nau wa kyin dut dum wa jang, mung masha ni gaw lunghpu hku, nam maling kata, lunggrawp lungwawp, langhkyi hte ga nhkun hkan e hprawng makoi nga ma ai.

1 SAMUELA 14:11

Shing rai shan lahkawng, Hpilisti dap de shan a hkum pru dawng dan mu yang, Hpilisti masha ni gaw, “Yu mu, Hebre masha ni tinang makoi nga ai nhkun kaw na pru mara hka,” nga shajang ma ai.