ESAIA 2:18 - Jinghpaw Hanson Version Bible

¹⁸ Hpara sumla ni yawng hte gaw atsai awai mat mat na ra ai.

ESAIA 2:18 ပူးပေါင်းရင်းမြစ်များ

ESAIA 2:17

Dai shaloi gumrawng gumtawng dum ai wa gaw shagrit kau ai, myit kaba ai wa gaw shanem kau ai hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 21:9

Yu u, hpyen luksuk ni hte gumra jawn ai ni man man du mara ai, nga nna hkanghkyi zawn shabam nga ai. Bai shi gaw, Babelon mare kadawng mat sai, kadawng mat sai; shi tawk da ai shi a hpara sumla ni yawng, ga hta agrawp kau ai hkrum masai,” nga ai.

ESAIA 27:9

Dai rai nna Yaku amyu gaw yubak raw dat kau ai hkrum nna, Asherum sumla ni hte jan sumla ni htawm hpang e n nga lu hkra, shi gaw tawn hkungri ni a nlung ni mahkra hpe namhtun lung zawn agrawp kau ai gaw, shi a yubak raw dat kau ai akyu rai na ra ai.

ESAIA 46:1

Bela gaw gum dagup nga ai. Nebo gaw agrawp mat sai! De a sumla ni gaw matse labye ni hte yamnga ni a ntsa e mara nga ma ai: nanhte hpai hkawm ai arai ni gaw hki ba ai yamnga ni a matu lit tai wa sai.

YEREMIA 10:11

“Sumsing lamu hte ginding aga hpe n hpan da ai hpara ni gaw, sumsing lamu npu, gingding aga ntsa na hkoi mat na mara ai,” ngu nna shanhte hpe sa tsun dan mu.

YEREMIA 51:18

Dai sumla ni gaw kaman lila hte hkalem ai arai hkrai rai nga ai; shanhte hpe kawan katsan yu ai aten e, shanhte hten mat na mara ai.

EZEKELA 30:13

“Madu Yehowa ning nga ai: Ngai gaw hpara sumla ni hpe jahten kau nna, Memhpi mare na kaman re ai arai ni hpe htawm kau na nngai; htawm hpang e Egutu mung na du nga lu sa na, n rai; ngai gaw Egutu mung hpe jahkrit shama na nngai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

EZEKELA 37:23

tinang a hpara sumla ni, matsat shabat arai ni, shut hpyit ai htung hking hte tinang hkum hpe awu asin di kau na n rai; shanhte tawt lai ai yubak yawng hta na ngai shanhte hpe hkye hkrang la nna, jasan jaseng na nngai: shing rai shanhte gaw nye a amyu, ngai gaw shanhte a Karai Kasang tai na nngai.

EZEKELA 6:6

Nanhte a tawn hkungri ni shaza kau ai hte, shingran katsi mat nna, nanhte a hpara sumla ni agrawp kau ai hkrum nna n nga lu hkra, nanhte a jan sumla ni kran kau hkrum nna, nanhte a lata amu htum mat hkra, nanhte shanu nga ai shara shagu hkan e, nanhte a mare ni marawng marang tai mat nna, tsaw ai kawng ni a shara ni, katsi katsang rai mat na ra ai.

HOSEA 14:8

Ehprim gaw, ‘Hpara sumla ni htawm hpang de, ngai hte hpa seng a ta?’ nga nna tsun na ra ai. Ngai shi a ga madat nna, shi hpe yu na nngai: ngai gaw tsit lali ai marau hpun zawn rai nga nngai; na a si, ngai kaw na pru na ra ai.

MIHKA 1:7

Shi a tawk la ai sumla ni yawng agrawp kau ai hkrum nna, shawa num jahpu hte lu la ai arai ni, hkru mat na ra ai; shi a hpara sumla ni yawng hpe, ngai shaza kau na nngai: kaning rai nme law, dai ni hpe shawa num jahpu hte mahkawng da ai rai nna, shawa num jahpu bai tai na ra ai.

MIHKA 5:13

na a tawk ai sumla ni hte, na a shadaw ni hpe, na a ka-ang na ngai jahtum kau nna, nang gaw htawm hpang e, na a lata hte galaw ai arai ni hpe, nawku lu na n rai;

ZEHPANI 1:3

“Shinggyim masha hte yamnga hpe ngai shamyit kau na n ngai; ntsa malen u ni, nammukdara nga ni hte, tara n lang ai ni hpawn, ahtu kataw shara ni hpe, shamyit kau na nngai; ga ntsa de na, shinggyim masha hpe, ngai jahtum kau na nngai,” nga nna Yehowa tsun ai.

ZEHPANI 2:11

Yehowa shanhte hpe nhtum nni di na ra ai; kaning rai nme law, shi gaw ga ntsa hpara ni mahkra hpe kawsi shakyet nna, maigan amyu ni a zunlawng masha ni yawng, langai hte langai tinang a shara kaw nna shi hpe nawku na mara ai.

ZEHKARIA 13:2

“Zaw nawng zaw wa up ai Yehowa ning nga ai: Dai shani e ngai gaw, Hpara sumla ni a amying hpe dai mungdan hta na jahtum kau nna, htawm hpang de dai ni hpe, kadai dum na n rai; dai hta n-ga, myihtoi ni hpe mung, n san n seng ai wenyi ni hpe mung, ndai mungdan kaw na ngai shapraw kau na nngai.