ESAIA 2:12 - Jinghpaw Hanson Version Bible

¹² Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

Jinghpaw Common Language Bible 2009

¹² Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 2:12 ပူးပေါင်းရင်းမြစ်များ

2 SAMUELA 22:28

Ru tsang hkrum ai amyu hpe nang hkye la ndai; Gumrawng ai ni hpe shagrit kau na nga, nang shanhte hpe mada nga ndai.

YOBA 24:1

N-gun chyalai rawng ai wa gaw, hpa majaw aten ladaw n madat da a ta? Shi hpe chye chyang ai ni, hpa majaw shi a nhtoi ni hpe n chye ginhka ma ta?

SHAKAWN KUNGDAWN 131:1

Yehowa e, nye a myit kaba nga ai n rai, nye a myi man mung dap nga ai n rai. Ngai hte n ging ai amu hpe ngai n bawng nna, Ngai hta grau ai mauhpa bungli ngai n tam nngai.

SHAKAWN KUNGDAWN 18:28

Gaja wa, nang nye a pyengdin shatu ya ndai: Nye a Karai Kasang Yehowa, nye a nsin hpe jahtoi ya ai.

SHAKAWN KUNGDAWN 37:13

Shi a nhtoi du na ra ai, dai Madu chye nga nna, shi hpe mani kau da wu ai.

SHAKAWN KUNGDAWN 94:2

Lamu ga a tara agyi wa e, rawt pru u: Gumrawng ai ni hpe amu hte maren bai tai mu.

GA SHAGAWP 16:5

Myit kaba ai ni yawng mayawng hpe, Yehowa matsat nga ai; Shanhte shada matut timung, mara lawt lu na, n rai.

ESAIA 10:12

Dai re ai majaw, Madu gaw, Ziun bum hte Yerusalem ntsa e, shi a magam bungli mahkra hpe shangut nhtawm, Asuri hkawhkam a gumrawng gumtawng ai myit hte, grang nna dap mada ai myi man hpe, ngai kawan katsan yu na we ai.

ESAIA 10:33

Yu mu, Zaw nawng zaw wa up ai Madu Yehowa gaw hkrithpa atsam hte lakung lakying ni hpe krum kau na ra ai; tsaw la ai ni hpe kran kau nna, kaba ai ni hpe shanem kau na ra ai.

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 13:6

Yehowa a nhtoi ni wa ai majaw, sharung shayawt nga mu; dai gaw, N-gun Chyalai rawng ai wa kaw na shoihpa shoirang zawn, du na ra ai.

ESAIA 13:9

Yu u, dai mungdan hpe katsi katsang shakram kau nna, dai hta nga ai yubak kap ai ni hpe shamyit kau na matu, yak la ai Yehowa a nhtoi gaw, pawt sindawng nna n-yun bu ai hte, du na ra ai.

ESAIA 14:15

Rai timung, Katsan ga na sung htum ai nhkun de jahkrat kau ai, nang hkrum nit dai.

ESAIA 23:9

Gumrawng gumtawng re ai arawng sadang yawng hpe awu asin di kau na hte, ga ntsa arawng lu ai ni yawng hpe jahpoi kau na matu, Zaw nawng zaw wa up ai Yehowa ndai lam myit shatawng da nu ai.

ESAIA 24:21

Dai shani e Yehowa gaw, matsaw ntsang na zaw nawng zaw wa hpe, tsaw ai shara hta, ga ntsa hkawhkam ni hpe, ga ntsa e, kawan katsan yu na ra ai.

ESAIA 24:4

Lamu ga gaw yawn nga ai hte, nyui mat nga ai; mungkan ga gaw n-gun yawm ai hte, nyui mat nga ai; ga ntsa na dap tsaw ai amyu gaw, n-gun yawm nga ai.

ESAIA 40:23

shi gaw du ni hpe shayu kau nna, ga ntsa na tara agyi ni hpe shabu ladawng shatai kau mu ai.

ESAIA 42:15

Ngai gaw bum ni hte kawng ni hpe shakrin kau nna, tu matu yawng hpe jahkraw kau na nngai: hka nu ni hpe zunlawng ngai shatai nna, hka lawng ni hpe shahkyet kau na we ai.

ESAIA 5:15

Shing rai hpa n hkaw ai ni gum dagup ai, arawng lu ai ni shagrit kau ai, myit kaba ai ni myi man sum ai, hkrum na ma ai.

ESAIA 61:2

Yehowa sharawng awng ai shaning hte, anhte a Karai Kasang matai dawp ai shani hpe, hkaw dan na matu mung, yawn hkyen hkrum ai ni hpe shalan shabran na matu mung,

YEREMIA 12:9

Nye a sali wunli gaw ka ka re ai u matse tai wa sai I? u matse ni shi a grup yin e wang tawn nga ma ni? gaja wa, shan sha na matu pa ga na matse labye ni yawng, zuphpawng mu ga.

YEREMIA 13:9

Dai hte maren Yuda mung na gumrawng gumtawng hpe mung, Yerusalem mare na kaba la ai gumrawng gumtawng hpe mung, ngai shatsam kau na we ai.

YEREMIA 30:7

Ala, dai gaw kaba ai nhtoi rai nga ai; dai hte bung ai n nga ai; dai gaw Yaku amyu tsin-yam tsindam hkrum ai aten rai nga ai; rai timung shi gaw hkye hkrang la ai, hkrum na ra ai.

YEREMIA 46:10

Kaning rai nme law, dai shani gaw, Zaw nawng zaw wa up ai Madu Yehowa gaw shi e hpyen ai ni hpe matai dawp ai shani rai nga ai: nhtu gaw hkru hkra kawa sha nna, shanhte a sai hpe nang hkra lu na ra ai; Zaw nawng zaw wa up ai Madu Yehowa matu, dingdung mung na Uhprat hka kau e, shagu hkungga nawng ya shara rai nga ai.

YEREMIA 50:31

Zaw nawng zaw wa up ai Yehowa ning nga ai: Myit kaba ai wa e, “yu u, ngai nang hpe hkap daw na nngai; gaja wa, na a nhtoi, nang hpe shari ai aten du ra ai.

EZEKELA 13:5

Yehowa a hpyen gasat ai nhtoi hta, Israela nta a bunghku ngang nga lu hkra, de a waw ai shara ni de nanhte n lung, dai hpe mung n kum shangut myit dai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

AMO LAIKA (AMOS) 5:18

Yehowa a nhtoi hpe marit ai ni, dingnye lu ma ai; Yehowa a nhtoi du na, nanhte a matu hpa akyu nga a ta? dai nhtoi gaw, htoi na n rai, nsin tai na ra ai.

MIHKA 2:3

Dai rai nna, Yehowa ning nga ai: Yu u, ndai aten n hkru ai aten rai nga ai majaw, nanhte a du n lawt lu nna, gumrawng gumtawng let n hkawm lu hkra, ndai htinggaw a lam, n hkru ai hku ngai maw nga nngai.

MIHKA 5:11

na a mung na mare ni hpe ngai run kau nna, na a hpyen dap ni yawng hpe hpya kau na nngai;

ZEHPANI 1:16

bunghku kum ai mare ni hte, tsaw ai hpyen dap ni hpe htim let, pahtau dum nna, garu jahtau ai nhtoi, rai na ra ai.

ZEHPANI 3:11

Shing rai, nang ngai hpe tawt lai ai amu majaw, dai shani hta e nang kaya kahpa hkrum na, n rai; kaning rai nme law, dai shaloi e gumrawng gumtawng grang ai ni hpe, na a ka-ang na ngai yeng kau nna, nye a chyoi pra ai bum hta e myit kaba ai masha, htawm hpang de nga lu na n rai.

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MALAHKI 4:5

Yu mu, galu kaba ai hte, hkrithpa re ai, Yehowa a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 23:12

Kadai rai timung tinang hkum hpe shagrau ai wa gaw, grit mat wa na ra ai: tinang hkum hpe shagrit ai wa chyawm gaw, grau wa lu na ra ai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

1 KORINHTU 5:5

shing re ai wa Satan hpe ap ya na, ngu nna rau nga ai zawn, ndai amu galaw ai wa hpe anhte a Madu Yesu a mying ningsang hte, ya e pyi ngai jeyang ngut se ai.

1 HTESALONI 5:2

kaning rai nme law, shana na lagu lagut shang ai zawn, dai Madu a shani mung du na ra ai hpe, nanhte nan azin ayang chye nga myit dai.

YAKU 4:6

Shi mahtang gaw grau kaba ai chyeju a jaw nga ai. Dai rai nna, Karai Kasang gaw gumrawng gumtawng ai ni hpe gang hkum kau nna, myit nem ai ni hpe chyeju jaw ya wu ai, nga nna laika tsun nga ai.