ESAIA 2:10 - Jinghpaw Hanson Version Bible

¹⁰ Yehowa a daru magam hte shi a hpung shingkang dan hkung ai a majaw, lungpu de shang nna, ga nhpu hta makoi nga u.

Jinghpaw Common Language Bible 2009

¹⁰ Shanhte gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw na makoi lu na matu mung, lungrawk lunghkrung bum na lungpu hku ni hta mung, ga e nhkun htu nna mung, makoi gyem nga na mara ai.

ESAIA 2:10 ပူးပေါင်းရင်းမြစ်များ

YOBA 31:23

Kaning rai nme law, Karai Wa shoihpa shoirang hpe ngai hkrit nna, shi daru magam man e hpa mung n galaw lu nngai.

YOBA 40:13

Shanhte hpe ga nhpu hta rau makoi kau mu; shanhte a myi man hpe nsin hta e ka-up da mu:

SHAKAWN KUNGDAWN 145:12

Na a mungdan a arawng sadang hpe, shanhte kajai gara nna, Na a atsam rawng ai bungli hpe tsun dan na mu ai.

SHAKAWN KUNGDAWN 90:11

Na a ja la ai pawt sindawng ai hte, hkrit mai ai n-yun bu ai hpe, Kadai wa chye ya lu na rai nga a ta?

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

ESAIA 25:11

Hka hpung-yawt ai wa gaw hpung-yawt na matu, shi a lata ladawn ai hte maren, Yehowa gaw Moba mung ka-ang e shi a lata ladawn nna, dai mung a gumrawng gumtawng ai hte hpawn, de a lata marai hpe shagrit kau na ra ai.

ESAIA 42:22

Rai timung ndai amyu gaw hpya lu hpya sha hkrum ai amyu rai nga ai; shanhte nlang nhkun hta hkang da ai hkrum nna, htawng ni hta bawng dung nga ma ai: shanhte hten byak hkrum yang, hkrang la ai wa n nga ai; kashun kashe hkrum yang, “Nhtang ya mu,” nga nna tsun ai wa n nga ai.

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.

YEREMIA 10:7

Amyu baw ni a hkawhkam wa e, nang hpe hkrit hkungga mai ai rai nna, nang hpe n hkrit hkungga na kadai wa rai ta? amyu baw ni a hpaji rawng ai ni mahkra hta mung, shanhte a daru magam rawng ai ni mahkra hta mung, nang hte bung ai wa n nga ai.

YEREMIA 13:9

Dai hte maren Yuda mung na gumrawng gumtawng hpe mung, Yerusalem mare na kaba la ai gumrawng gumtawng hpe mung, ngai shatsam kau na we ai.

HOSEA 10:8

Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”

NAHUM 3:11

Nang mung mak mat nna, hprawng makoi na ndai: hpyen wa a lata na lawt lu hkra, hpyen dap hpe tam na ndai.

LUKA 12:5

Kadai hpe sha hkrit mai ai gaw, ngai nanhte hpe shadum made ga; Hkum tsawp hpe sat kau ngut jang, ngarai kata de jahkrat kau na ahkang lu ai wa hpe chyawm gaw, hkrit nga mu: rai sa, ngai nanhte hpe tsun made ai gaw, Dai wa hpe hkrit nga mu.

LUKA 23:30

Dai nhtoi e, bum ni hpe, Anhte a ntsa e daw kamyet mi, nga nna mung, kawng ni hpe, Anhte a ntsa e ka-up mi, nga nna mung, shanhte shaga shajang na mara ai:

2 HTESALONI 1:9

Yesu gaw shi a chyoi pra ai ni hta dan hkung nga ai hte, nanhte gaw anhte a sakse ga hpe kamsham nga myit dai majaw, dai shani hta e kamsham nga ai ni mahkra hta shi mau mahka hkrum ai shaloi e,