ESAIA 19:3 - Jinghpaw Hanson Version Bible

³ Egutu a myit gaw, shi a kraw e run wa nna, ngai gaw shi a hpaji daw ai hpe jahten na we ai; shaloi shanhte gaw, hpara sumla ni, mandan bau ai ni, nat shung ai ni hte shaba wawt ai ni hpe tam na mara ai.

Jinghpaw Common Language Bible 2009

³ Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 19:3 ပူးပေါင်းရင်းမြစ်များ

2 SAMUELA 15:31

masha langai mi mung Dawi hpe, “Absalom hte gumlau lawm ai hpung hta Ahihtohpela mung lawm ai,” ngu nna shana ya wu yang, Dawi gaw, “Yehowa e, Ahihtohpela daw ya ai hpaji hpe shangawk kau ya u,” ngu nna hpyi wu ai.

2 SAMUELA 17:14

Dai na jang, Absalom hte Israela masha ni nlang hte gaw, Arhki masha Hushai daw ai hpaji mahtang, Ahihtohpela daw ai hpaji hta grau htuk nga ai, nga ma ai. Kaning rai nme law, Absalom hpe jasum na matu, Ahihtopela daw ai hpaji kaja hpe jahten lu hkra, Yehowa hpajang ai rai nga ai.

2 SAMUELA 17:23

Ahihtohpela chyawm gaw, shi daw ya ai hpaji hku n hkan ai mu jang, shi a lawze byau nna, shi nga ai mare, shi a nta de wa nhtawm, dinghku amu hpajang da ngut jang, shi dai dau si mat ai; shi kawa lup hta e, shi hpe makoi mayang di mu ai.

2 HKAWHKAM 1:2

Ya Ahazia gaw, Samari mare hta e nga ai, shi a ntsa gawk na hkuwawt hku kaw nna di hkrat ai majaw machyi nga ai; shaloi shi gaw kasa shaga la nna shanhte hpe, “Ngai ndai machyi ai kaw na mai wa lu na kun? Ekron mare e nga ai Balazebu hpara hpe sa san yu ma su,” ngu dat mu ai.

1 HKAWHKAM LABAU 10:13

Shing rai Shawlu gaw Yehowa a ga hpe n madat ai hte, Yehowa hpe shut hpyit kau ai majaw mung, Yehowa hpe n san yu ai sha, nat shung ai num hpe tam san yu ai majaw mung si ai hkrum wu ai.

SHAKAWN KUNGDAWN 107:27

Chyaru nang ai wa zawn, shanhte ndi nda rai hkawm nna, shanhte a hpaji nlang mak mat malu ai.

SHAKAWN KUNGDAWN 33:10

Masha amyu ni a hpaji daw ai hpe, Yehowa shanut kau ya mu ai: Amyu baw ni a myit ai hku hpe, shi hkum da mu ai.

SHAKAWN KUNGDAWN 76:12

Wa zep ai du ni a nsa hpe, shi jahtum kau ya mu ai. Ga ntsa hkawhkam ni a matu shi hkrithpa rai nga ai.

GA SHAGAWP 21:30

Hpaji gade, chye chyang ai myit gade, hpaji daw ai lam gade rai timung, Yehowa hpe dang lu na lam n nga ai.

ESAIA 14:27

Kaning rai nme law, Zaw nawng zaw wa up ai Yehowa myit shatawng da ai hpe, kadai hkum lu na rai ta? shi ladawn da ai lata hpe, kadai dawm kau lu na rai ta?

ESAIA 15:2

Mung masha ni gaw hkrap ngu hkrap ngoi na matu, Bayit yan Dibon shara na, tsaw ai kawng ni de lung wa masai; Moba masha ni gaw Nebo yan Medeba shara a lam sharung shayawt nga ma ai; langai hte langai baw krin nna, nhka mun yawng doi kau hkrum masai.

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

ESAIA 47:12

Ram prat kaw nna nang galaw ai mandan lakle amu hte law la ai shaba wawt ai amu ni hta ya machyu nga u: nang akyu lu la na nhten; nang dang wa lu dam nhten.

ESAIA 57:16

Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

ESAIA 8:19

Nat shung ai ni hte, mandan bau jawp kahte ai ni hpe tam mu, nga nna nanhte hpe tsun myit yang, masha amyu gaw tinang a Karai Kasang hpe tam mai na, n rai ni? hkrung nga ai ni a amu, si mat ai ni hpe mai san na rai ni?

YEREMIA 46:15

Na a n-gun ja ai usu, hpa majaw shaza kau ai hkrum a ta? Yehowa shi hpe gawt kau ai majaw, shi n tsap nga lu ai.

EZEKELA 21:7

Masha kasha e, Yerusalem mare de myi man yawng let, chyoi pra ai shara ni de ang ang tsun nna, Israela mungdan hpe hkap daw let, myihtoi htoi u:

EZEKELA 22:14

Ngai nang hpe jeyang ai shani e, na a myit sharang lu nna, na lata n-gun ja lu na lit ni? Ngai Yehowa nan tsun ai hte maren shabyin na nngai.

Daniela 1:20

Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 2:2

Yup mang htai ya na matu, hkawhkam wa gaw, lakle sara ni, mandan bau ai ni, gumhpan hpan ai ni hte Hkalde sara ni hpe shaga la na, hkang da wu ai: shing rai shanhte sa shang nna, hkawhkam wa man e tsap nga ma ai.

Daniela 5:7

Bai hkawhkam wa gaw, “mandan bau ai ni, Hkalde sara ni, gumhpan hpan ai ni hpe shaga mu,” ngu nna shabam dat wu ai: shing rai hkawhkam wa gaw, “Ndai ka da ai lam hte, de a ga lachyum ngai hpe htai dan lu ai wa kadai mung, hkyeng sawm ai hpun palawng bu hpun nna, ja hkachyi gali let ndai mungdan hta masum ngu na du tai na ra ai,” ngu nna Babelon hpaji rawng ai ni hpe tsun wu ai.

1 SAMUELA 25:37

Ya nhtoi htoi nna Nabala tsabyi nang ai bran yang, madu jan dai lam mahkra shi e tsun dan wu ai; shaloi shi a masin chyat si nna, nlung zawn ja mat lu ai.