ESAIA 19:2 - Jinghpaw Hanson Version Bible

² “Ngai gaw Egutu masha ni hpe dumbru dumbra shangun nna, langai hte langai tinang a kahpu kanau wa hte, tinang a htingbu wa hpe gasat na hte, mare mi hte mare mi, mung mi hte mung mi, shada gasat na mara ai.

Jinghpaw Common Language Bible 2009

² Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 19:2 ပူးပေါင်းရင်းမြစ်များ

1 HKAWHKAM 16:21

Dai shaloi e Israela masha ni gaw hpung lahakwng bra wa nna, hpung mi gaw Ginat a kasha Tibni hpe hkan nna hkawhkam shatai mayu ma ai: hpung mi chyawm gaw Omri kaw hkan nang ma ai.

2 HKAWHKAM LABAU 15:6

Karai Kasang gaw tsin-yam tsindam amyu myu hte shanhte hpe sharu shatsang ai majaw, amyu mi hte amyu mi, mare mi hte mare mi shada gasat agrawp hkat ma ai.

ESAIA 3:5

Mung masha ni langai hte langai, htingbu ni langai hte langai shada da adip arip na mara ai: ma kaji gaw dingla wa hpe, hpa n hkaw ai wa gaw, arawng lu ai wa hpe, gumrawng gumtawng di na ra ai.

YEREMIA 46:12

Nang kaya kahpa hkrum ai lam hpe masha amyu ni na masai; na a sharung shayawt ai nsen gaw mungkan ting hpring sai: share ninghkrin shada ahtu nna, shan rau kadawng taw masai, nga ai.

YEREMIA 51:46

Dai mung hta na lu ai ashi majaw, myit hkum hten myit, hkum hkrit nga myit; laning hte laning ashi pru na ra ai: mungdan hta kashun kashe hkrai rai nga nna, du langai mi du kaga hpe hkap daw nga ai.

EZEKELA 38:21

Madu Yehowa ning nga ai: Nye a bum ni yawng hta na, shi hpe gasat na nhtu ngai htet da nna, langai hte langai tinang manang wa hpe pyi, kahtam na mara ai.

ZEHKARIA 8:10

Kaning rai nme law, ndai nhtoi ni a shawng e nchyang shabrai n nga, Nga ugun mung n nga ai; hpyen ni a majaw, pru wa shang wa ai ni a matu mung, pyaw shara n nga ai: hpa majaw nga yang, ngai gaw masha langai hte langai hpe, tinang a htingbu wa hte hpyen shatai nngai.

MAHTE 10:21

Kahpu gaw kanau wa hpe, kawa gaw kasha hpe nsa dan hkra ap kau na ra ai; kasha ni mung gumlau maga de rawt nna, kanu yan kawa hpe sat shangun na maru ai.

MAHTE 10:36

tinang hpe n dawng n yawt na ni gaw, tinang a nta na ni tai wa na mara ai.

MAHTE 12:25

Shanhte a myit mang ai hku chye ya mu ai majaw, shi shanhte hpe tsun mu ai gaw, “Dinghku brun ai mungdan shagu gaw hten bya mat na ra ai: gara mare, gara nta rai timung, dinghku bra mat wa yang, hking nga lu na n rai.

MAHTE 24:7

Bai, amyu mi hte amyu mi, mung mi hte mung mi shada da gumlau hkat na mara ai: hku hku ai hte nnang nawn, shara kaga kaga hta e byin wa na ra ai:

MARKU 3:24

Mungdan langai mi dinghku brun mat wa yang, dai mungdan gaw grin nga lu na n rai;

TARA AGYI 7:22

Dai pahtau masum tsa dum dat jang, Yehowa gaw dai dap na hpyen laba ni nlang hte hpe shada da sat hkat shagun mu ai rai nna, shanhte gaw, Zerera shara na Bet-shita mare hte Tabat makau na Abel-me-hola du hkra hprawng wa ma ai.

TARA AGYI 9:23

Karai Kasang gaw, Abimelek hte Shehkem masha ni a lapran e n hkru ai wenyi dat dat wu ai rai nna, Shehkem masha ni gaw Abimelek hpe n sun n ang ai hku galaw mu ai:

1 SAMUELA 14:16

Ya Ben-yamin ga, Gibea mare da ai Shawlu a sin langa ni yu yu mu yang, yu mu, Hpilisti masha wunawng wuwa yawm mat nna, dumbru dumbra rai mat wa ma ai, mu mu ai.

1 SAMUELA 14:20

nga nna tsun ai lata, Shi hte shi a masha ni nlang, shada da ginrawn la nna, hpyen de htim sa wa ma ai: shanhte du jang, Hpilisti masha ni gaw shada da kahtam hkat nna, grai bra mat masai.