ESAIA 19:1 - Jinghpaw Hanson Version Bible

¹ Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

Jinghpaw Common Language Bible 2009

¹ Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 19:1 ပူးပေါင်းရင်းမြစ်များ

SHAKAWN KUNGDAWN 104:3

Shi a gawk madung gaw hka hta shi tawn da nu ai; Sumwi hpe shi a leng ni shi shatai nu ai; Nbung a singkaw hta shi hkawm nga ai.

SHAKAWN KUNGDAWN 104:34

Nye a myit htang ai ga hta, shi awng nga u ga, Ngai mahtang Yehowa hta kabu na nngai.

SHAKAWN KUNGDAWN 18:9

Shaloi shi gaw sumsing lamu hpe shanem nna yu wa ai, Shi a lagaw npu e, htat ai nsin sin nga ai.

SHAKAWN KUNGDAWN 68:4

Karai Kasang hpe mahkawn mu, Shi a amying nsang hpe mangoi mu; Nam prang e jawn ai wa a matu lam waw mu, Shi a amying Yehowa rai nga ai; Shi a man e sharawng awng nga mu.

PRU MAT 12:12

Kaning rai nme law, dai shana e Egutu mung hta ngai dinghkren mat wa nna, masha kaw nna yamnga du hkra, Egutu mung a kasha alat nlang hte hpe sat kau na mawe ai; Egutu hpara mahkra hpe mung ngai jeyang na mawe ai: ngai Yehowa rai nga nngai.”

ESAIA 13:1

Amot a kasha Esaia gaw, Babelon mare hpe sha-ang nna, shapraw ai myihtoi ga, da ndai rai nga ai:

ESAIA 13:7

Dai re ai majaw, lata yawng kya noi mat nna, minla shagu byaw mat na ra ai:

ESAIA 19:16

Dai shani e Egutu masha ni gaw num zawn tai nna, Zaw nawng zaw wa up ai Yehowa shanhte a ntsa e shada ai lata a majaw, shanhte hkrit kajawng nna gari mat na mara ai;

ESAIA 21:9

Yu u, hpyen luksuk ni hte gumra jawn ai ni man man du mara ai, nga nna hkanghkyi zawn shabam nga ai. Bai shi gaw, Babelon mare kadawng mat sai, kadawng mat sai; shi tawk da ai shi a hpara sumla ni yawng, ga hta agrawp kau ai hkrum masai,” nga ai.

YEREMIA 4:13

Yu u, sa wa ai hkawhkam gaw sumwi zawn du na ra ai; shi a leng ni gaw, bungsha zawn rai nga ai; shi a gumra ni gaw, langda hta grau laram nga ma ai; anhte gaw dingnye lu ga ai: hten byak ai hkrum saga ai.

YEREMIA 44:8

nanhte sa shingbyi nga ai Egutu mung hta, hpara kaga ni hpe manam pyaw ai baw nat nawng ya let, tinang lata galaw ai amu hte ngai hpe pawt sindawng shangun ai majaw, nanhte hta langai mi n ngam nga lu na matu, Yuda amyu lasha, numsha, ma kaji ni hte chyu chyu ai ma chyangai ni mahkra hpe shaza kau hkra, ndai yubak kaba hpe, tinang myit masin hta, hpa majaw galaw nga myit ta?

YEREMIA 50:2

“Amyu baw ni hpang de ashi tsun shana mu; dawnghkawn sharawt mu; tsun shana ya nna, hkum makoi myit: Babelon mare gasat la hkrum sai; Bela hpara kaya hkrum sai; Merodak hpara daw mat sai; de a hpara sumla ni kaya hkrum nna, nawku sumla ni mak mat masai,” ngu nna tsun mu.

YEREMIA 51:44

Babelon mare na Bela hpara hpe ngai dawdan na nngai; shi mayu kau ai hpe, bai nhpat shangun na nngai; masha amyu ni htawm hpang e shi kaw hpawng lu na n rai: gaja wa, Babelon a bunghku run mat na ra ai.

EZEKELA 30:13

“Madu Yehowa ning nga ai: Ngai gaw hpara sumla ni hpe jahten kau nna, Memhpi mare na kaman re ai arai ni hpe htawm kau na nngai; htawm hpang e Egutu mung na du nga lu sa na, n rai; ngai gaw Egutu mung hpe jahkrit shama na nngai.

YOELA 3:19

Yuda mung na kashu kasha ni hpe zingri zingrat nna, shanhte a mungdan hta mara n kap ai sai jahkaw kau mu ai majaw, Egutu mung katsi katsang shara, Edom mung shingran katsi ai zaibru jang, tai na ra ai.

NAHUM 1:1

Ninewe mare hpe lakap nna tsun ai myihtoi ga: Elkosha masha Nahum a shingran laika da ndai rai nga ai.

NAHUM 1:3

Yehowa gaw myit galu kaba nna, n-gun atsam ja nga ai: shi gaw mara kap ai wa hpe shalawt dat na n rai: Yehowa gaw bungsha hte laru marang hta yu wa nna, sumwi ni gaw shi a lagaw npu na ga nhpu rai nga ai.

ZEHKARIA 10:11

Shi gaw kyin dut ngu ai nawng hta rap lu nna, ngai gaw nammukdara hka leng ni hpe kayat kau na hte, Nila hka hpungla ni yawng, hkyet mat na mara ai: shing rai Asuri mung a gumrawng gumtawng shara yu mat nna, Egutu mung na hkawhkam sumdoi, htawm kau ai hkrum na ra ai.

ZEHKARIA 14:18

Egutu amyu masha ni, n sa, n lung wa ma yang, shanhte a ntsa e mung, marang n htu na ra ai: dai hta n-ga, sum poi hta lawm na matu, n lung wa ai amyu ni hpe, Yehowa jaw ai ari zinli, shanhte a ntsa e du na ra ai.

BU HKAWM 33:4

Egutu masha ni chyawm gaw, Yehowa sat kau ya ai shanhte a kasha alat ni hpe lup makoi nga ma ai: shanhte a hpara ni hpe mung Yehowa dawdan wu ai.

TARA JAHPRANG 33:26

Yeshurun e, Karai Kasang hte bung ai kadai n nga ai; Nang hpe karum na nga, sumsing lamu hta yawn, Shi a hpung shingkang hte sumwi hta jawn nga ai.

YAWSHU 2:11

Shi ga dai na jang, anhte mung minla byaw mat ma nna, nanhte a majaw kadai wa hta mung nden ja ai myit n-gun kachyi mi muk n ngam chyawn saga ai: nanhte a Karai Kasang Yehowa chyawm gaw, lahta tang na sumsing lamu hta mung, lawu tsang na ginding aga hta mung, Karai Kasang rai nga ai.

YAWSHU 2:24

Gaja wa teng teng, Yehowa gaw wora mung ting anhte hpe ap ya ma ni ai: anhte a man e mung, mung masha ni nlang yaw mat masai, ngu nna Yawshu hpe wa tsun dan mu ai.

YAWSHU 2:9

“Yehowa ndai mungdan nanhte hpe jaw kau sai mung, nanhte hpe anhte hkrit mak mat nna, nanhte a majaw mung masha ni nlang minla byaw mat masai mung, ngai chye ni ai.

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.