ESAIA 18:7 - Jinghpaw Hanson Version Bible

⁷ Dai aten e, hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu jahka kau ai mungdan a amyu kaw na, Zaw nawng zaw wa up ai Yehowa a matu, kumhpaw kumhpa langai mi, Zaw nawng zaw wa up ai Yehowa amying ningsang nga ai Ziun bum de, la sa na mara ai.

Jinghpaw Common Language Bible 2009

⁷ Chyahtum Chyalai N-gun rawng ai dai Madu gaw mungkan ting jawm hkrit ai hte hkum shingyan galu nna hkum shan pri tsawm ai amyu masha ni, n-gun ja nhtawm daru magam n-gun hte hpring nga ai amyu hte hka nu hku hkan nna garan da ya sai dai mungdan kaw nna sak jaw ai shagu hkungga hpe hkap la na aten gaw du wa nga sai. Shanhte gaw Chyahtum Chyalai N-gun rawng ai dai Madu hpe nawku ai shara ngu ai Ziun Bum de sa wa na mara ai.

ESAIA 18:7 ပူးပေါင်းရင်းမြစ်များ

2 HKAWHKAM LABAU 32:23

Masha law law wa, Yehowa a matu, Yerusalem de kumhpaw kumhpa la sa nna, Yuda hkawhkam Hezekia hpe manu hpu ai baw sak jaw mu ai: dai rai nna shi gaw, dai aten kaw nna, masha amyu mahkra a man e daru magam rawng nga ai.

SHAKAWN KUNGDAWN 68:32

Dinghta ga na mungdan ni e, Karai Kasang hpe mahkawn mu, dai Madu hpe mahkawn mangoi mu. [Selah.]

ESAIA 16:1

Dai mungdan hpe up ai wa a matu, Sela mare kaw na sagu kasha ni hpe, nam mali lam hku, Ziun bum na shayi sha hpang de, sak jaw dat mu.

ESAIA 18:2

Larau ladau re ai shangun ma ni e, sa ma su; hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu ni jahka kau ai mungdan a amyu hpang de sa ma su, nga nna tsun ai mungdan e, madat u!

ESAIA 18:4

Kaning rai nme law, Yehowa ngai hpe ning nga ai: Jan a majaw kaning rai kahtet ai, sumwi majaw nmut ta e kaning rai mari hkrat ai hpe, nye a nga shara ngai mada yu nna, atsin sha naw nga na nngai.

ESAIA 45:14

Bai Yehowa gaw ning nga ai: Egutu mung na arung arai, hkum shing-yan galu ai Hkusha masha ni hte Sabea masha ni a hpaga kun rai, nang hpang de du nna, na a kun rai tai na ra ai. Shanhte gaw nang hpang de hkan nang na mara ai: hpri sumri gyit hkang ai hte shanhte sa du nna, na a man e gum dagup let, Gaja wa, Karai Wa nang hte rau rai nga ai; dai Karai Kasang hta kaga kadai n nga ai:

MIHKA 4:13

Ziun shayi sha e, rawt nna kabye u; na a nrung hpe, hpri, na lahkru hpe, magri, ngai shatai nna, nang gaw amyu baw law law hpe dup mani kau na mu ai: shanhte a sutgan hpe Yehowa a matu, shanhte a arung arai hpe, ginding aga ting a Madu ngu ai wa a matu, ngai majai kau na nngai.

HABAKU 1:7

Dai gaw sheng mareng hte hkrit mai ai amyu rai nga ai; shanhte a tara, shanhte a arawng sadang, tinang ra ai hku hkrai rai nga ai.

ZEHPANI 3:10

Hkusha mung na hka nu ni a wora hkran e, bra nga ai, nye a amyu shayi sha hta na, ngai npe tawngban ai ni gaw, nye a matu kumhpa sak jaw na mara ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

MAHTE 2:11

Dai nta hta e shang bang wa ma yang, dai ma kaji hte shi a kanu Mari hpe, shanhte mu mu ai rai nna, lahput hput di let shi hpe nawku mu ai: tinang a sut sumpu hpaw nhtawm, shi hpe aja, lawban hte mura ngu ai kumhpa hpe sak mu ai.