ESAIA 18:4 - Jinghpaw Hanson Version Bible

⁴ Kaning rai nme law, Yehowa ngai hpe ning nga ai: Jan a majaw kaning rai kahtet ai, sumwi majaw nmut ta e kaning rai mari hkrat ai hpe, nye a nga shara ngai mada yu nna, atsin sha naw nga na nngai.

Jinghpaw Common Language Bible 2009

⁴ Dai Madu gaw ngai hpe, “Mangai aten lum ai shana ni hta atsin sha hkrat ai numri zawn, kahtet kang ai shani hta asim sha jan katen ai zawn sumsing lamu kaw nna ngai gum yu na nngai.

ESAIA 18:4 ပူးပေါင်းရင်းမြစ်များ

2 SAMUELA 23:4

Marang hpawng ai hpang na ahtoi mahpaw hta, Ga na tsit lali ai tsingdu hpe shaprut ai, Lamu n mung ai jahpawt manap na Jan praw a tu kabrim ai ahtoi hte bung nga ai.

2 HKAWHKAM LABAU 6:21

Na a mayam wa, na a amyu Israela gaw dai shara de yawng let akyu hpyi nga ma yang, anhte a hpyi nem ai ga hpe madat mara ya mi; sumsing lamu e nga ai na a shanu shara hta madat mara ya mi; madat mara nga yang, yubak raw dat kau u law.

SHAKAWN KUNGDAWN 72:6

Udat shara e, marang htu ai zawn, Aga hta marang n yit yang na zawn, shi yu wa ru ga.

GA SHAGAWP 19:12

Hkawhkam a pawt sindawng ai gaw, hkanghkyi shabam ai zawn rai nga ai; Shi a chyeju chyawm gaw, tsingdu ntsa e hkrat ai mari zawn rai nga ai.

ESAIA 12:6

Ziun bum hta shanu ai jan e, na a ka-ang e Israela Chyoi pra ai Wa gaw galu kaba nga ai majaw, garu jahtau u, kabu ninglaw u,” nga nna tsun na ra ai.

ESAIA 14:32

Dai re ai majaw, sumtsan mung na kasa ni hpe, kaning ngu htan na rai ta? Yehowa gaw, Ziun mare hpe gaw da ai rai nna, shi a amyu hta nni nkri hkrum ai ni gaw, dai hta e shingbyi nga na mara ai.

ESAIA 18:7

Dai aten e, hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu jahka kau ai mungdan a amyu kaw na, Zaw nawng zaw wa up ai Yehowa a matu, kumhpaw kumhpa langai mi, Zaw nawng zaw wa up ai Yehowa amying ningsang nga ai Ziun bum de, la sa na mara ai.

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

ESAIA 26:21

Kaning rai nme law, ga ntsa masha ni hpe, tinang a yubak majaw, ari jaw na matu, Yehowa gaw shi a shara kaw na pru wa ai; lamu ga gaw shi chyup ai asai bai shapraw dan nna, htawm hpang e sat kau hkrum ai ni hpe makoi magap na n rai.

ESAIA 31:9

Shi a lunghkrung gaw hkrit kajawng ai hte hten mat nna, dawnghkawn hpe mu ai majaw, shi a hpyen du ni myit htum na mara ai,” nga nna Ziun bum e wan shagrung nna, Yerusalem mare hta wan htung tawn da ai Yehowa tsun nga ai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

HOSEA 14:5

Ngai gaw Israela ntsa e mari zawn tai na nngai: shi gaw hkalaw pan zawn pu nna Lebanon zawn ru jung na ra ai.

HOSEA 5:15

Shanhte gaw tinang a yubak hpe yin la nna, nye a myi man hpe hkan tam ai du hkra, ngai pru nna, nye a shara de bai wa na nngai: ru tsang hkrum yang, shanhte ngai hpe tsam mari hkan tam na mara ai.

YOELA 3:17

Shing rai, nye a chyoi pra ai Ziun bum ntsa e shanu nga ai, nanhte a Karai Kasang Yehowa, ngai rai nga ai hpe, nanhte chye lu na marin dai: dai shaloi e Yerusalem mare chyoi pra ai shara tai nna, tsasam masha ni dai mare hpe htawm hpang de kabye lu na, n rai.

AMO LAIKA (AMOS) 3:7

Gaja wa, Madu Yehowa gaw, shi myit maw ai lam, shi a shangun ma myihtoi ni hpe garai n shapraw dan yang, hpa mung galaw na n rai.