ESAIA 18:3 - Jinghpaw Hanson Version Bible

³ Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

Jinghpaw Common Language Bible 2009

³ Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 18:3 ပူးပေါင်းရင်းမြစ်များ

SHAKAWN KUNGDAWN 50:1

N-gawn tawa Karai Kasang Yehowa gaw, Mungga jaw dat wu ai rai nna, Jan pru ai maga kaw nna, shang ai maga du hkra lamu ga hpe shaga wu ai.

ESAIA 1:2

Yehowa ga tsun nga ai majaw, sumsing lamu e, na la u, ginding aga e, madat u: “ngai gaw kashu kasha hpe lanu lahku nna, kaba wa shangun timung, shanhte ngai hpe gumlau ma ai.

ESAIA 11:12

Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

ESAIA 13:2

Krin ai bum ntsa e dawnghkawn sharawt mu; nsen kaba hte shanhte hpe jahtau mu; shanhte gaw du magam ni a chyinghka ni hta shang lu hkra, lata wak mu.

ESAIA 13:4

Masha wunawng wuwa kaba wu ngoi ai zawn, bum ni a ntsa e wu ngoi a hka! Masha amyu ni a mungdan ni zuphpawng nga ma ai majaw, wu kadu a hka! Zaw nawng zaw wa up ai Yehowa gaw hpyen gasat na matu amyu baw ni hpe hpyen saw nga ai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 31:9

Shi a lunghkrung gaw hkrit kajawng ai hte hten mat nna, dawnghkawn hpe mu ai majaw, shi a hpyen du ni myit htum na mara ai,” nga nna Ziun bum e wan shagrung nna, Yerusalem mare hta wan htung tawn da ai Yehowa tsun nga ai.

ESAIA 49:22

Madu Yehowa ning nga ai: “Yu u, ngai gaw maigan amyu ni hpe nye a lata ladawn nna, amyu baw ni a man e nye a dawnghkawn sharawt na we ai: shaloi shanhte gaw na a shadang sha ni hpe pawn let, na a shayi sha ni hpe lahpa hta hpai let, woi wa na mara ai.

ESAIA 5:26

Bai shi gaw sumtsan mung na amyu ni a matu dawnghkawn sharawt nhtawm, lamu ga htum ai kaw na ni hpe lahpyaw shaga nna, yu mu, shanhte gaw alawan du bang na mara ai:

ESAIA 7:18

Dai shani e Yehowa gaw, Egutu hka gai ni htum ai maga de nga ai jinu hte, Asuri mung e nga ai lagat hpe lahpyaw shaga ai majaw,

YEREMIA 22:29

Lamu ga e, lamu ga e, lamu ga e, lamu ga e, Yehowa a ga madat mara u.

YEREMIA 51:27

Dai mung hta dawnghkawn sharawt mu; amyu baw ni hta pahtau dum mu; shi hpe gasat na, masha amyu ni hpe hkyen tawn mu; shi hpe wang tawn na matu, Ararat, Minni, Ashkena mungdan ni hpe jahpawng mu; shi a ntsa e hpyen agyi san da mu: dinggam-yaw zawn kamawng ai gumra hpyen ni gaw, shi hpe gasat na matu lung wa mu ga.

MIHKA 1:2

Amyu baw ni yawng hte e, madat mara mu; dinghta ga hte, dai hta rawng marawng ni e, na la mu: Madu Yehowa ngu ai Madu gaw, shi a chyoi pra ai nawku Htingnu hta na, nanhte a lam sakse hkam ya u ga.

MIHKA 6:2

Bum ni hte dinggrin anga nga ai, lamu ga npawt nhpang ni e, Yehowa a dangrang hkat ai amu na la mu; kaning rai nme law, Yehowa gaw shi a amyu hte dangrang hkat ai lam nga nna, shi gaw Israela amyu hte ndang kalang hkat na ra ai.

MIHKA 6:9

Yehowa a nsen gaw dai mare hpe shaga nna, zai byeng-ya rawng ai wa gaw, na a amying ningsang hpe hkrit hkungga nga ai: sharin ai shingna hpe mung, dai hpe hparan ai wa hpe mung, matsing mu.

ZEHKARIA 9:14

Yehowa gaw, shanhte a ntsa e dan pru nna, shi a pala gaw, myihprap zawn pru na ra ai: Madu Yehowa gaw pahtau dum nna, dingda mung na bungsha hte, sa wa na ra ai.

MAHTE 13:16

Nanhte a myi mu lu ai hte, nanhte a na, na lu nga malit dai majaw, a nga myit dai.

MAHTE 13:9

na tu ai wa gaw na la u ga,” ngu mu ai.