ESAIA 18:1 - Jinghpaw Hanson Version Bible

¹ Aka, Hkusha hka wora hkran na, ngoi ai singkaw tu nna, mai-aw li hte nammukdara hka hku kasa shangun dat let,

Jinghpaw Common Language Bible 2009

¹ Ehtiopi mung na hka nu ni a wora hkran maga mi de, singkaw ni kahprup ai nsen na lu ai mungdan langai nga nga ai.

ESAIA 18:1 ပူးပေါင်းရင်းမြစ်များ

2 HKAWHKAM 19:9

Bai, Ehtiopi hkawhkam Tirhaka nang hpe gasat na lung wa ra ai, nga ai ga na wu yang, shi gaw Hezekia hpang de kasa bai shangun dat nna,

SHAKAWN KUNGDAWN 17:8

Ngai hpe zingri nga ai tara n lang ai ni hte, Nye a asak hpe grup grup kawan nga ai gumlau ni kaw na,

SHAKAWN KUNGDAWN 36:7

Karai Kasang e, na a chyeju gade wa hpu nga lit hka! Masha kasha ni, na singkaw a shingnip hta shingbyi nga ma ai.

SHAKAWN KUNGDAWN 57:1

Karai Kasang e, ngai hpe matsan dum la e. Nye a myit masin nang hta shingbyi nga ai majaw, ngai hpe matsan dum la e. Dai jahten shabyak ai amu lai mat wa hkra, Na a singkaw a shingnip hta ngai shawung nga na nngai.

SHAKAWN KUNGDAWN 61:4

Na a Sum hta ngai tutnawng e anga nga na nngai, Na a singkaw pawt ai kaw e ngai makoi na nngai. [Selah.]

SHAKAWN KUNGDAWN 63:7

Ngai hpe karum ai wa nang rai nga ndai: Na a singkaw a shingnip hta e ngai awng nga nngai.

SHAKAWN KUNGDAWN 91:4

Shi a singkaw mun hte shi nang hpe magap da nna, Shi a singkaw npu e, nang shim nga lu na ndai: Shi a sadi sahka gaw, n-gang hte hpyen palawng rai nga ai.

ESAIA 31:1

Israela a Chyoi pra ai wa hpe n mada ai hte, Yehowa hpe n tam ai sha, hpyen karum la na matu, Egutu mung de yu wa nna, law la ai gumra ni hte hpyen leng ni hpe mung, n-gun grai ja ai gumra jawn ai ni hpe mung, shamyet shanat nga ai ni gaw, dingnye lu ma ai.

ESAIA 37:9

Bai, Ehtiopi hkawhkam Tirhaka nang hpe gasat na lung wa ra ai, nga ai ga na wu yang, shi gaw Hezekia hpang de kasa bai shangun dat nna,

ESAIA 45:14

Bai Yehowa gaw ning nga ai: Egutu mung na arung arai, hkum shing-yan galu ai Hkusha masha ni hte Sabea masha ni a hpaga kun rai, nang hpang de du nna, na a kun rai tai na ra ai. Shanhte gaw nang hpang de hkan nang na mara ai: hpri sumri gyit hkang ai hte shanhte sa du nna, na a man e gum dagup let, Gaja wa, Karai Wa nang hte rau rai nga ai; dai Karai Kasang hta kaga kadai n nga ai:

EZEKELA 30:9

Dai shani e, hpa n nawn ai Hkusha masha ni hpe jahkrit shama na matu, ngai shangun dat ai kasa ni gaw, sanghpaw li hte pru sa wa nna, Egutu mung ari hkrum ai shani na zawn, Hkusha masha ni myit ru na mara ai: gaja wa, dai gaw du ra ai,” nga ai.

ZEHPANI 2:12

“Hkusha masha ni e, nanhte mung nye a nhtu hte si na marin dai.

ZEHPANI 3:10

Hkusha mung na hka nu ni a wora hkran e, bra nga ai, nye a amyu shayi sha hta na, ngai npe tawngban ai ni gaw, nye a matu kumhpa sak jaw na mara ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.