ESAIA 17:8 - Jinghpaw Hanson Version Bible

⁸ Tinang a lata hte galaw da ai, tawn hkungri ni hpe mada yu na n rai; tinang layung hte galaw ai Asherim sumla ni hte jan sumla ni hpe hkungga lara na n rai.

Jinghpaw Common Language Bible 2009

⁸ Shanhte gaw shanhte a lata ni hte galaw da sai tawn hkungri ni hpe galoi mung shamyet shanat na ma ai n rai, shanhte a lata amu ngu ai Ashera karai num a masat dingsat ni hte manam pyaw ai baw nat nawng na tawn hkungri ni hpe kam na ma ai n rai.

ESAIA 17:8 ပူးပေါင်းရင်းမြစ်များ

2 SAMUELA 22:42

Shanhte jahtau timung, hkye la ai wa n nga ai, Yehowa hpe shaga timung, shi shanhte hpe n htan ya mu ai.

2 HKAWHKAM LABAU 14:5

Bai Yehowa gaw shi hpe asan aban di ya nna, hpyen majan n pru ai hte mungdan ting ngwipyaw wa ai majaw, shi gaw Yuda mung hta bunghku kum ai mare ni hpe de da wu ai.

2 HKAWHKAM LABAU 31:1

Ya dai amu yawng ngut wa ai hpang zuphpawng nga ai Israela masha ni nlang, Yuda mare ni de pru sa wa nhtawm, Yuda, Ben-yamin, Ehprim hte Manashe mung shara shagu hta nga ai, shadaw sumla ni hpe karan kau ai hte, tsaw ai kawng ni a tawn hkungri ni mahkra hpe shaza kau lu hkra, kahtum gadaw run kau mu ai. Shing rai Israela kashu kasha ni yang, langai hte langai tinang a mare buga de bai wa ma ai.

2 HKAWHKAM LABAU 34:4

Bala hpara ni a hkungri ni hpe shi a man e run kau nna, htaw ntsa e nga ai jan sumla ni hpe shi kran kau ai hte, Asherim sumla ni, tawk ka ai sumla ni hte jaw ai sumla ni hpe kahtum gadaw agrawp kau nna, ayun ayaw di kau nhtawm, shanhte hpe nawng ya ai ni a lup ntsa e ayai kau mu ai.

PRU MAT 34:13

shanhte a tawn hkungri ni hpe nang run kau ya na rai ndai; shanhte a sumla shadaw ni hpe nang agrawp kau ya nna, shanhte a Asherim sumla ni hpe kran daw kau ya na rai myit dai:

ESAIA 1:29

Kaning rai nme law, nanhte ra yu ai wamyi hpun ni a majaw, shanhte kaya dum nna, nanhte lata la ai sun ni a majaw, myi man sum mat na marin dai.

ESAIA 10:20

Dai shani kaw nna naw ngam nga ai Israela masha ni hte, lawt lu ai Yaku a masha ni gaw shanhte hpe zingri ai wa hta bai n shamyet nga ai sha, kangka re ai myit hte, Israela Chyoi pra ai Wa Yehowa hta shamyet shanat nga na mara ai.

ESAIA 17:9

Dai shani e shanhte a ngang ai mare ni gaw, nam mali hte kawng pungding hkan e, Israela kashu kasha ni a man e kau tawn da ai mare ni hte bung nna, dai mung gaw katsi katsang rai nga ai.

ESAIA 2:8

Bai shanhte a mungdan gaw hpara sumla ni hte hpring nga ai; shanhte gaw tinang lata a amu hte, tinang layung ni shachyen ai amu hpe, nawku ma ai.

ESAIA 27:9

Dai rai nna Yaku amyu gaw yubak raw dat kau ai hkrum nna, Asherum sumla ni hte jan sumla ni htawm hpang e n nga lu hkra, shi gaw tawn hkungri ni a nlung ni mahkra hpe namhtun lung zawn agrawp kau ai gaw, shi a yubak raw dat kau ai akyu rai na ra ai.

ESAIA 30:22

bai nanhte gaw, gumhpraw hte sup ai tawk la ai sumla ni hpe mung, ja sup ai jaw la ai sumla ni hpe mung, awu asin di kau nna, matsat shabat re ai rai zawn kabai kau let, Pru wa mu,” nga nna tsun na myit dai.

ESAIA 37:19

shanhte a Hpara ni hpe wan hta kabai bang kau mu ai; shanhte chyawm gaw Karai Kasang n rai; masha a lata hte galaw da ai hpun hte nlung sumla hkrai rai ma ai majaw, dai ni hpe jahten shabya kau mu ai.

ESAIA 41:29

Yu mu, shanhte nlang hte a amu bungli gaw kaman lila hte be lagya hkrai rai nga ai; shanhte jaw ai sumla ni mung, nbung hte tuk shamak hkrai rai nga ai.

ESAIA 44:15

Shing rai dai gaw ju na hpun tai nga ai; masha mung dai hpe ju nna wan kra nga ai: gaja wa, shi wan wut nna, muk kabaw nga ai; bai, shi gaw Hpara galaw nna dai hpe nawku nga ai; gaja wa, Hpara sumla shi tawk ka nna, de a man e gum dagup nga ai.

YEREMIA 17:2

shanhte a ma kaji ni pyi, tsaw ai kawng ni a tsit lali ai hpun makau e nga ai, tawn hkungri ni hte Asherim sumla ni hpe dum ma ai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

HOSEA 14:8

Ehprim gaw, ‘Hpara sumla ni htawm hpang de, ngai hte hpa seng a ta?’ nga nna tsun na ra ai. Ngai shi a ga madat nna, shi hpe yu na nngai: ngai gaw tsit lali ai marau hpun zawn rai nga nngai; na a si, ngai kaw na pru na ra ai.

HOSEA 14:9

Da ndai hte hpe chye na lu hkra, hpaji rawng ai wa, kadai rai ta? dai lam ni hpe chye lu hkra, nyan rawng ai wa, kadai rai ta? kaning rai nme law, Yehowa a lam ni malang nga nna dinghpring ai ni dai hta hkan hkawm na mara ai: tara tawt lai ai ni chyawm gaw, dai lam ni hta ahtu kataw na mara ai law.”

ZEHPANI 1:3

“Shinggyim masha hte yamnga hpe ngai shamyit kau na n ngai; ntsa malen u ni, nammukdara nga ni hte, tara n lang ai ni hpawn, ahtu kataw shara ni hpe, shamyit kau na nngai; ga ntsa de na, shinggyim masha hpe, ngai jahtum kau na nngai,” nga nna Yehowa tsun ai.

ZEHKARIA 13:2

“Zaw nawng zaw wa up ai Yehowa ning nga ai: Dai shani e ngai gaw, Hpara sumla ni a amying hpe dai mungdan hta na jahtum kau nna, htawm hpang de dai ni hpe, kadai dum na n rai; dai hta n-ga, myihtoi ni hpe mung, n san n seng ai wenyi ni hpe mung, ndai mungdan kaw na ngai shapraw kau na nngai.

TARA JAHPRANG 7:5

Dai re ai majaw shanhte hpe ning di mu: shanhte a tawn hkungri ni hpe agrawp kau ya mu; shanhte a sumla shadaw ni hpe adawt daw kau ya mu; shanhte a Asherim sumla ni hpe kran daw kau ya mu; tawk la ai sumla ni hpe mung nat kau ya mu.