ESAIA 17:7 - Jinghpaw Hanson Version Bible

⁷ Dai shani hta e, mung masha ni gaw, tinang a Hpan Madu hpe mada yu nna, shanhte a myi gaw Israela Chyoi pra ai Wa hpe hkungga lara na mara ai.

Jinghpaw Common Language Bible 2009

⁷ Dai nhtoi du ai shaloi, amyu masha ni gaw shanhte a Hpan Madu, Israela a chyoi pra ai Karai Kasang hpang de karum la na matu kayin wa na mara ai.

ESAIA 17:7 ပူးပေါင်းရင်းမြစ်များ

2 SAMUELA 22:42

Shanhte jahtau timung, hkye la ai wa n nga ai, Yehowa hpe shaga timung, shi shanhte hpe n htan ya mu ai.

2 HKAWHKAM LABAU 31:1

Ya dai amu yawng ngut wa ai hpang zuphpawng nga ai Israela masha ni nlang, Yuda mare ni de pru sa wa nhtawm, Yuda, Ben-yamin, Ehprim hte Manashe mung shara shagu hta nga ai, shadaw sumla ni hpe karan kau ai hte, tsaw ai kawng ni a tawn hkungri ni mahkra hpe shaza kau lu hkra, kahtum gadaw run kau mu ai. Shing rai Israela kashu kasha ni yang, langai hte langai tinang a mare buga de bai wa ma ai.

SHAKAWN KUNGDAWN 95:6

Sa marit, anhte a Hpan Wa Ningsang Yehowa a man e, Anhte dingnyawm let nawku nna lahput hput di nga ga!

ESAIA 19:22

Yehowa gaw Egutu mung hpe adup timung shamai na ra ai: shanhte gaw Yehowa hpang de kayin wa nna tawngban nga ma ai majaw, shi shanhte hpe shamai shatsai na ra ai.

ESAIA 22:11

Hka lawng dingsa na hka hpe shalen na matu, bunghku lahkawng a lapran e nanhte hka lawng ningnan galaw myit dai: rai timung, dai lam shabyin ai wa hpe nanhte n dum nna, moi chyaloi nhkoi kaw nna dai lam hpajang da ai wa hpe, n gawn n sawn di kau mu ai.

ESAIA 29:24

Lam dam ai ni gaw chye na lu nna, je hpre ai ni gaw sharin achyin ai ga, hkam la na mara ai,” nga ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

HOSEA 6:1

“Sa marit, Yehowa hpang de bai wa ga; shi amya kau timung, bai shamai ya na mi ai; jahpye kau timung, nma kayawp ya na mi ai.

AMO LAIKA (AMOS) 3:12

Yehowa ning nga ai: Sagu rem wa gaw hkanghkyi a n-gup na lagaw lahkawng, shing n rai, na daw mi sha gare la lu ai zawn, Samari mare hta yup ku jut e dung nna, Damasku panep ntsa e hkrawn taw nga ai Israela kashu kasha ni gaw, gare la ai hkrum na mara ai.

MIHKA 7:7

Ngai chyawm gaw, Yehowa hpe a mada nga na nngai; ngai e hkye hkrang la ai Karai Kasang hpe, ngai ala nga na nngai: nye a Karai Kasang gaw, ngai hpe madat na ra ai.