ESAIA 17:6 - Jinghpaw Hanson Version Bible

⁶ Rai timung, tsanlun hpun ashun ai hpang, hpun ndung e tsanlun si lahkawng masum, kung dam htum ai lakung ni hta mali manga naw noi nga ai hte maren, dai mungdan hta naw hti nga ai ni ngam nga na mara ai,” nga nna Israela Karai Kasang Yehowa tsun nga ai.

Jinghpaw Common Language Bible 2009

⁶ Israela gaw tsanlun hpun na asi yawng di la ngut ai hpang, hpun ndung e lahkawng masum sha hte hpun lakung ni a npu hkan loi li mi naw ngam nga ai zawn loi sha mi re ai amyu masha ni chyu sha asak hkrung nga na mara ai. Dai Madu Israela a Karai Kasang Ngai nan tsun ni ai,” ngu nna tsun ai.

ESAIA 17:6 ပူးပေါင်းရင်းမြစ်များ

1 HKAWHKAM 19:18

Rai timung, Bala man e lahput n hput di nna, shi hpe n pup yu ai, Israela masha hkying sanit hte hpe ngai naw jahti da na nme ai,” ngu wu ai.

ESAIA 1:9

Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 10:22

Israela amyu e, na a masha ni gaw nammukdara zaibru daram law nga timung, madat dingsat chyu sha nhtang wa na ra ai: dinghpring ai hte tawn da sai dawdan ai lam dik wa na ra ai.

ESAIA 24:13

Kaning rai nme law, tsanlun hpun hpe ashun ai hte, tsabyi di ai hpang nlim gut ai zawn, ga ntsa na amyu baw ni a ka-ang e byin na ra ai.

ESAIA 27:12

Dai shani e Yehowa gaw, Hka nu kaba kaw nna Egutu hka shi du hkra, shi hte seng ai nsi naisi dup la nhtawm, Israela kashu kasha ni e, nanhte langai hte langai hkauling zawn hta la ai hkrum na marin dai.

YEREMIA 4:27

Kaning rai nme law, Yehowa ning nga ai: Mung ting katsi katsang rai mat timung, ngai dai hpe htum hkra jahten na n rai.

EZEKELA 39:29

nye a myi man mung shanhte kaw na makoi kau na n rai: kaning rai nme law, ngai gaw Israela dap ntsa e nye a Wenyi ru bun ni ai,” nga nna Madu Yehowa tsun ai.

OBEDIA 1:5

Lagu lagut ni nang kaw shang nna, shana na damya ni rai yang gaw, shanhte ra ai made sha lagu na ma ai, n rai ni? Tsabyi si di ai ni nang kaw shang yang, shanhte nlim ngam da na ma ai, n rai ni? Nang chyawm gaw, gade wa byak mat hkrum nit hka!

MIHKA 7:1

Ngai dingnye lu nngai; kaning rai nme law, myin ai namsi di la kau ai hte, tsabyi si nlim gut ai hpang hti nga ai wa zawn ngai rai nga nngai: sha na matu tsabyi si sumbaw langai mi n nga ai; shawng myin ai lakum si hpe ngai marit nga nngai.

ROMA 11:26

shing rai Israela masha ni nlang hte gaw hkye hkrang la ai hkrum na ma ai: dai hte maren, “Ziun kaw na Mawai la ai wa paw pru nhtawm, Tara n hkungga ai hpe Yaku hta na lat kau na ru ai;

ROMA 9:27

Esaia mung Israela amyu a lam jahtau nna, Israela kashu kasha ni gaw nammukdara a zaibru zawn law ma timung, ngam nga ai kau chyen chyu sha hkye hkrang la ai hkrum na mara ai.

TARA JAHPRANG 4:27

Yehowa nanhte hpe tsasam amyu ni hta shabra kau dat nna, nanhte hpe woi mat wa ai amyu ni a hpawng kata e, nanhte gaw kachyi sha rai mat hkra kaji mat na myit dai.

TARA AGYI 8:2

Gidon chyawm gaw, “Nanhte di lu ai hta ngai hpa jan di lu a ta? Abiezra tsabyi si shu ai hta, Ehprim nlim gut ai mahtang grau sai n rai ni?