ESAIA 17:14 - Jinghpaw Hanson Version Bible

¹⁴ Shana aten e rai yang shanhte hkrit kajawng nna, jahpawt manap garai n du yang, shanhte n nga masai. Dai gaw anhte hpe jahten shabyak ai ni a kumhtaw, anhte hpe hpya lu hpya sha ai ni a sali wunli rai nga ai.

Jinghpaw Common Language Bible 2009

¹⁴ Shanhte gaw shana de e hkrit kajawng hpa shabyin dat ma ai, rai ti mung jahpawt manap e, shanhte hkoi mat ma ai. Dai gaw anhte a mung hpe hpya lu hpya sha ai masha shagu hte a hpang jahtum na lam rai nga ai.

ESAIA 17:14 ပူးပေါင်းရင်းမြစ်များ

2 HKAWHKAM 19:3

Shanhte gaw shi hpe, Hezekia ning nga ai: “Dai ni gaw nni nkri, shatan nhkan, asawng asang hkrum ai nhtoi rai nga ai: ma shangai nhtoi gu timung, shangai lu na n-gun n nga ai.

2 HKAWHKAM 19:35

Dai shana jang Yehowa a lamu kasa pru sa nna, Asuri masha ni a hpyen dap hta, marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni, nlang si mang rai nga ma ai.

YOBA 20:29

Dai gaw Karai Kasang tara n lang ai wa hpe jaw da ai kumhpa, shi a matu Karai Wa san da ai sali wunli rai nga ai.”

SHAKAWN KUNGDAWN 37:36

Marai mi lai wa yang, yu u, shi n nga ai, Ngai shi hpe tam we timung, n mu we ai.

GA SHAGAWP 22:23

Kaning rai nme law, amu sa tsun yang, Yehowa shanhte hpe maga nna, Shanhte hpe dip sha ai ni a asak hpe, dip jahtum na ra ai.

ESAIA 10:25

Kaning rai nme law, gade n na yang nang hpe sha-ang ai pawt bu ai gaw sim mat nna, shanhte hpe jahten na nga pawt bu na ra ai,” nga ai.

ESAIA 21:12

Sin ai wa gaw, Jahpawt manap du ra ai; shana mung bai du ra ai; nanhte bai san mayu yang, jasan mu; nhtang wa manu, bai sa marit,” nga ai.

ESAIA 29:2

shaloi ngai gaw Ariela hpe sharu shatsang nna, sharung shayawt ai hte myit yawn ai pru na ra ai; rai timung shi gaw nye a man e Ariela zawn naw rai nga na ra ai.

ESAIA 29:5

Rai timung, nang hpe hpyen ai wunawng wuwa ni gaw nbun zawn, hkrit na nsan ai wunawng wuwa ni gaw, poi mat ai mahkaw zawn, tai na mara ai: gaja wa dai gaw akajawng sha byin na ra ai.

ESAIA 29:7

Dai rai nna, Ariela hpe hpyen gasat ai hte, de a hpyen dap ni hpe wang tawn let, shi hpe sharu shatsang ai masha amyu ni a wunawng wuwa ni yawng, yup mang hte shana na shingran zawn tai na mara ai.

ESAIA 30:28

shi a nsoi nsa gaw du du hkra lim ai hka hpungla hte bung nna, shi gaw masha amyu ni hpe hten byak ngu ai hking hte hking kau na ra ai: masha amyu ni a n-gup hta mung, shanhte hpe lam shadam ai runghtung htung ya na ra ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

ESAIA 33:18

Nang hkrithpa dum yang, Jahpan la ai wa gaw, kanang, kang shen ai wa gaw, kanang, langchyi ni hti yu ai wa gaw, kanang rai nga a ta? nga nna nang myit sumru yu na ndai.

ESAIA 34:17

Shi gaw, shanhte a matu hpaida da let, shi a lata hte shadawn sumri gang nna, shanhte a shara hpe karan da wu ai: shanhte gaw dai mung hpe htani htana madu nna, prat mi hte prat mi shanu nga na mara ai.

ESAIA 41:12

Nang hte nhtan shai ai ni hpe, nang tam timung, mu na n rai; nang hpe hpyen gasat ai ni gaw, lam n la ai kaman lila tai mat na mara ai.

YEREMIA 13:25

Nang ngai hpe malap kau nna, masu magaw ga hta shamyet shanat ndai majaw, ndai gaw na a daw mi, na a matu ngai shadang da ai kamhtaw rai nga ai.

YEREMIA 2:3

Dai shaloi e Israela gaw Yehowa a matu chyoi pra nga ai hte, shawng si ai nsi naisi rai nga ai; shi hpe map sha maw sha ai ni yawng mara kap nga ma ai; shanhte a ntsa e shoihpa shoirang du na ra ai,” nga nna Yehowa tsun ai.

YEREMIA 49:10

Ngai chyawm gaw Esaw hpe singgu krin di kau nngai; shi n makoi nga lu hkra, shi a shim ai shara ni hpe ngai shadawng da nngai: shi a aru arat ni, kahpu kanau ni, htingbu htingpyen ni htum mat ma ai rai nna, shi n nga lu ai.

EZEKELA 39:10

dai laman e shanhte gaw nam na hpun n hta, maling na hpun n hkran ra na mara ai; hpyen rai ni hte wan ju na mara ai: hpya lu hpya sha ai ni hpe, shanhte hpya lu hpya sha nna, kashun kashe sha ai ni hpe, kashun kashe sha na mara ai,” nga nna Madu Yehowa tsun ai.

ZEHKARIA 2:12

Yehowa gaw, dai chyoi pra ai mungdan hta, shi a sali kamhtaw matu Yuda mung hpe lu la nna, Yerusalem mare hpe naw lata la na ra ai.

TARA AGYI 5:31

“Yehowa e, nang hpe hpyen ai ni nlang, dai zawn hten bya ga du mu ga law, Yehowa hpe tsawra ai ni, hpung shingkang hte rawt pru a Ningju jan zawn, kang nga manu ga law,” nga nna shakawn kungdawn nga ma ai. Dai kaw nna mali shi ning tup mung ting majan sim mat ai.