ESAIA 17:13 - Jinghpaw Hanson Version Bible

¹³ gaja wa amyu baw ni gaw hka kaba law law zawn wu kadu timung, shi shanhte hpe daru kau nna, shanhte tsan tsan de hprawng mat wa masai; shanhte gaw bum ntsa e, nbung ahpawt nna poi mat wa ai mahkaw hte, bungsha hta lawm ai ga nhpu zawn, hkoi mat wa na mara ai.

Jinghpaw Common Language Bible 2009

¹³ Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 17:13 ပူးပေါင်းရင်းမြစ်များ

YOBA 21:18

nbung a man e yi hku zawn shanhte tai mat ai hte, nbung laru e shapoi ai mahkaw zawn tai ai gaw, gade lang rai ta?

YOBA 38:11

“nang du hkra nang sa lu nna n lai lu ndai, na a gumrawng ai hka leng ni nang e sim mat na ra ai,” nga nna tsun ai wa kadai wa rai ta?

SHAKAWN KUNGDAWN 1:4

Tara n lang ai ni chyawm gaw, dai zawn n rai; Nbung e shapoi ai mahkaw hte bung ma ai.

SHAKAWN KUNGDAWN 35:5

Nbung e poi mat ai mahkaw zawn, shanhte rai mu ga, Yehowa a lamu kasa mung shanhte hpe ye kau mu ga.

SHAKAWN KUNGDAWN 65:7

Nammukdara a wu ngoi ai hpe mung, De a hka leng ni a kashaw ai hte, Amyu baw ni a kabring kabrawng ai hpe, Shi jasim kau mu ai.

SHAKAWN KUNGDAWN 65:8

Dai majaw lamu ga htum hkra nga ai ni gaw, Na a kumla ni hpe hkrit nga ma ai. Jahpawt pru, shana shang ai shara kabu gara nga ma ai.

SHAKAWN KUNGDAWN 9:5

Nang gaw masha amyu ni hpe daru kau nna, Tara n lang ai ni hpe jahten kau mu ai: Shanhte a amying hpe prat dingnawng, shaprai kau ya manu ai.

ESAIA 14:25

ngai gaw nye a mungdan hta Asuri wa hpe agrawp kau nna, nye a bum ni a ntsa e shi hpe kabye kau na we ai: shaloi jang, shi shanhte hpe hpai shangun ai kandang shanhte kaw na, shanhte hpe gun hpai shangun ai lit shanhte a lahpa hta na, yu kau na ra ai, nga nna Zaw nawng zaw wa up ai Yehowa dagam nga ai.

ESAIA 21:15

Shanhte gaw nhtu tsin-yam hta na mung, shaw tawn ai nhtu hta na mung, gap hkyen ai ndan hta na mung, yak la ai hpyen majan hta na mung, hprawng wa ma ai.

ESAIA 22:18

gumdin tarin nna dam lada ai mung de kabai kau na ra ai: na madu a nta ntsa e kaya kahpa shapraw ai wa e, dai mung hta nang si na ndai; dai yang e na a arawng sadang leng ni chyai na ra ai.

ESAIA 27:1

Dai shani e, Yehowa gaw, shi a ja la ai, galu kaba nna n-gun ja ai nhtu hte, lawan chye a baren lapu hte magyi magaw re ai baren lapu hpe, kawan katsan yu nna, nammukdara e, rawng ai numraw hpe sat kau na ra ai.

ESAIA 29:5

Rai timung, nang hpe hpyen ai wunawng wuwa ni gaw nbun zawn, hkrit na nsan ai wunawng wuwa ni gaw, poi mat ai mahkaw zawn, tai na mara ai: gaja wa dai gaw akajawng sha byin na ra ai.

ESAIA 30:28

shi a nsoi nsa gaw du du hkra lim ai hka hpungla hte bung nna, shi gaw masha amyu ni hpe hten byak ngu ai hking hte hking kau na ra ai: masha amyu ni a n-gup hta mung, shanhte hpe lam shadam ai runghtung htung ya na ra ai.

ESAIA 34:17

Shi gaw, shanhte a matu hpaida da let, shi a lata hte shadawn sumri gang nna, shanhte a shara hpe karan da wu ai: shanhte gaw dai mung hpe htani htana madu nna, prat mi hte prat mi shanu nga na mara ai.

ESAIA 40:15

Yu u, amyu baw ni gaw, nhtung hta hkrat ai, ntsin nsi hte bung nna, jang hta kap ai nbun zawn nawn nga ai; zunlawng ni mung shi a lata hta hpaw tsaw zawn rai nga ai.

ESAIA 40:24

Shanhte hpe hkai, shanhte hpe gat timung, ga hta ru garai n jung yang, shi shanhte a ntsa e kawut ai hte, shanhte hkraw mat na nna, bungsha gaw shanhte hpe mahkaw zawn shapoi kau na ra ai.

ESAIA 41:11

Yu u, nang hpe pawt sindawng ai ni yawng, kaya kahpa hte myi man sum na mara ai; nang hpe hpyen ai ni, lam n la ai htum mat na mara ai.

ESAIA 8:7

yu mu, Madu gaw, Asuri hkawhkam hte shi a hpung shingkang ting ngu ai, galu kaba ai hte hpungla ja la ai hkanu hpe, shanhte a ntsa e lwi shangun nna, dai gaw hka hkin-gau hte daru ni hpe lim kau ai hte,

Daniela 2:35

Shing rai, ahpri, ga kagam, magri, gumhpraw hte aja gaw, agrawp mani mat nna, nmut ta chyarang na nbun zawn tai mat ai hte, nbung e ahpawt kau nna, de a matu nga shara n nga ai: dai sumla hpe hkra ai nlung chyawm gaw, galu kaba ai bum tai wa nna, lamu ga ting kapat nga ai hpe, nang mu ndai.

HOSEA 13:3

Dai re ai majaw shanhte gaw, jahpawt manap na sumwi, jau jau e hkoi mat ai mari, bungsha hte hkoi mat ai mam chyarang na nbun, wan htung na pru ai wan hkut zawn, tai mat na mara ai.”

ZEHPANI 2:2

Yehowa a masin pawt ai nhtoi nanhte hpe garai n dep yang, tinang dai zuphpawng nna, tinang myit nem mu.