ESAIA 17:12 - Jinghpaw Hanson Version Bible

¹² Aka, nammukdara wu kadu ai zawn, masha amyu law law wu kadu nna, amyu baw ni gaw hka rum kaba zawn, wu nga ma ai:

Jinghpaw Common Language Bible 2009

¹² Daru magam n-gun rawng ai masha amyu baw ni gaw panglai hka wu kadu ai nsen zawn, hka leng kaba ni ngoi kashaw ai nsen zawn garu gachyi nga ma ai.

ESAIA 17:12 ပူးပေါင်းရင်းမြစ်များ

SHAKAWN KUNGDAWN 18:4

Si ai sumri ni ngai hpe kawan nga nna, N hkru ai hka hpunla ni ngai hpe jahkrit mi ai.

SHAKAWN KUNGDAWN 29:3

Yehowa a nsen nammukdara ntsa e nga nga ai, Hpung shingkang dan hkung ai Karai Wa gaw ngoi wu nga ai: Yehowa gaw hka kaba ni a ntsa e anga nga ai.

SHAKAWN KUNGDAWN 83:2

Yu u, nang hpe gumlau ai ni kabrawng nga nna, Nang hpe n dawng ai ni baw sharawt ma ai.

ESAIA 13:4

Masha wunawng wuwa kaba wu ngoi ai zawn, bum ni a ntsa e wu ngoi a hka! Masha amyu ni a mungdan ni zuphpawng nga ma ai majaw, wu kadu a hka! Zaw nawng zaw wa up ai Yehowa gaw hpyen gasat na matu amyu baw ni hpe hpyen saw nga ai.

ESAIA 28:17

Dai hta kaga ngai gaw, tara ding ai hpe mahkret sumri, dinghpring ai hpe shadawn chyu shatai nna, sin laru gaw masu matsa ga a shingbyi shara jahkoi kau ai hte, hka hpungla ni gaw makoi shara hpe lim kau na ra ai.

ESAIA 54:17

Nang hpe hpyen na matu galaw ai ri nhtu, langai mi tai na n rai; nang hpe sumri dan na matu rawt ai tara agyi kadai hpe mung, nang dawdan na ra ai. Dai gaw Yehowa a shangun ma ni a sali wunli hte, ngai kaw na pru ai dinghpring ai lam rai nga ai,” nga nna Yehowa tsun ai.

ESAIA 8:9

Amyu baw ni e, kabring kabrawng nga timung, agrawp kau ai hkrum mu; sumtsan mung na ni e, madat mara nga mu; shingkyit kyit timung, agrawp kau ai hkrum mu;

ESAIA 9:5

Kaning rai nme law, anhte a matu kasha shangai nna, anhte hpe shadang sha jaw mi ai: shi a lahpa ntsa e up ai ahkang mara nga na rai nna, shi a amying hpe, “Mauhpa wa, Hpaji daw ai wa, Daru Magam Karai Wa, Htani htana Kawa, Ngwipyaw Madu,” ngu nna shamying na mu ai.

YEREMIA 6:23

Shanhte gaw ndan hte ri lang ma ai; gumshem ai amyu rai nna, matsan n chye dum ma ai; shanhte a nsen gaw, nammukdara zawn wu kadu nga ai; Ziun shayi sha e, nang hpe hpyen htim na matu, shanhte gaw gumra jawn let, langai hte langai hkyen nga ma ai.”

EZEKELA 43:2

yu u, Israela Karai Kasang a hpung shingkang gaw, sinpraw maga de na pru wa ai: shi a nsen gaw, hka law law wu kadu ai nsen hte bung nna, lamu ga gaw, shi a hpung shingkang hte htoi tu nga ai.

Daniela 7:2

Daniela gaw, “Shana aten e ngai shingran mu nna, yu u, sumsing lamu na nbung mali gaw, nammukdara kaba ntsa e bung ahpawt wa ai.

MIHKA 4:11

Ya e pyi, Ziun mare awu asin hkrum u ga, shi hta anhte a myit dik u ga, nga nna tsun ai maigan amyu ni law law, na a lam zuphpawng nga ma ai.

BU HKAWM 10:35

Ya dai sumpu sa wa jang Mawshe gaw, “Yehowa e, rawt u, nang hpe hpyen ai ni poi mat mu ga law; Nang hpe n dawng ai ni na a man e htaw mat mu ga law,” ngu nna tsun tsun rai wu ai.

LUKA 21:25

Dai shaloi e jan, shata, shagan ni hta lamik kumla dan pru na ra ai, nammukdara hte hka leng ni a wu kadu ai nsen majaw, ga ntsa e, mung masha amyu ni myit mau ai hte ru tsang hkrum na mara ai:

SHINGRAN 17:1

Dai shaloi gawm sanit lang ai lamu kasa sanit hta na langai mi gaw, “Sa sa, nang de sa rit, hka law law a ntsa e dung nga ai shawa num kaba hpe daw ai lam, ngai nang hpe madun dan de ga:

SHINGRAN 17:15

Bai, dai wa gaw, Shawa num dung nga ai hka nu ni gaw, masha baw amyu ni, wunawng wuwa ni, masha mungdan ni hte ga amyu ni, rai nga ma ai.