ESAIA 17:10 - Jinghpaw Hanson Version Bible

¹⁰ Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:

Jinghpaw Common Language Bible 2009

¹⁰ Israela e, nang gaw nang hpe hkye mawai la ai hte ja ai lunghkrung zawn nang hpe makawp maga ai Karai Kasang hpe malap kau nga nit dai. Shing rai na malai, nang gaw maigan karai hpe nawku na nga, chyoi pra ai sun ni hpe hkai da nga ndai.

ESAIA 17:10 ပူးပေါင်းရင်းမြစ်များ

1 HKAWHKAM LABAU 16:35

Nanhte gaw, Anhte hpe hkye hkrang la ai Karai Kasang e, anhte hpe hkye hkrang la mi. Na a chyoi pra ai amying hpe shakawn kungdawn nna, Nang hpe shakawn ai hta nlaw nga lu hkra, Masha amyu ni hta na anhte hpe shinggyin la nna, mawai la mi law, ngu nna tsun mu.

SHAKAWN KUNGDAWN 106:13

Gade n na yang shanhte gaw shi a amu hpe malap kau ya mu ai, Shi hpaji daw ai lam hpe, n myit yu ma ai.

SHAKAWN KUNGDAWN 106:21

Egutu mung hta e, amu kaba galaw ai, Ham a shara e, mauhpa bungli shapraw ai,

SHAKAWN KUNGDAWN 18:2

Yehowa gaw nye a lunghkrung, nye a hpyen dap, nye a hkye hkrang la ai Wa, Nye a Karai Wa, ngai shingbyi nga ai nye a lungpu, Nye a n-gang, nye a hkye la ai nrung, nye a langchyi, rai nga li ai.

SHAKAWN KUNGDAWN 31:2

Na a na ngai hpang de kayin dat u. Alawan ngai hpe hkye hkrang la e: Nye a matu grin ai lunghkrung tai nga u, Ngai hpe makawp maga na wahpang nta tai nga u.

SHAKAWN KUNGDAWN 65:5

Anhte hpe hkye hkrang la ai Karai Kasang e, Dingman ai hku hkan nna hkrithpa amu hte, Nang anhte hpe htan ya nga ndai; Aga ting hte tsan tsan e nga ai nammukdara a hpa shara nang rai nga ndai.

SHAKAWN KUNGDAWN 79:9

Anhte hpe hkye hkrang la ai Karai Kasang e, Na amying a arawng majaw, anhte hpe karum la mi; Na amying nsang a gawp e, Anhte hpe mawai la nna, yubak magap kau ya mi.

SHAKAWN KUNGDAWN 85:4

Anhte hpe hkye hkrang la ai Karai Kasang e, Anhte hpe bai wa shangun nna, Anhte hpe n dawng n yawt ai myit jasim kau u.

SHAKAWN KUNGDAWN 9:17

Tara n lang ai ni hte, Karai Kasang hpe malap mali kau ai amyu yawng mayawng hte gaw, Le katsan ga de di hkrat na mara ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 17:9

Dai shani e shanhte a ngang ai mare ni gaw, nam mali hte kawng pungding hkan e, Israela kashu kasha ni a man e kau tawn da ai mare ni hte bung nna, dai mung gaw katsi katsang rai nga ai.

ESAIA 18:5

Pu an nna, tsabyi si shingchyaw magang wa timung, di la ai aten garai n du yang, shi gaw makrung ni hpe nhkyau hte dan kau nhtawm, kung dam ai lakung lakying ni hpe, kran htawm kau na ra ai.

ESAIA 25:4

Kaning rai nme law, nang gaw matsan mayan ni a shingbyi shara, nni nkri hkrum ai ni a shingwung shara, nbung laru ru yang makoi magap shara, gumshem ai ni gaw, shakum hpe adawt ai nbung laru zawn pawt kahtet bu yang, jan n-gang hte shingnip nang rai nga ndai.

ESAIA 26:4

Yehowa hpe prat tup jaw lup kamsham nga mu: Madu Yehowa gaw htani htana lunghkrung rai nga ai.

ESAIA 30:29

Chyoi pra ai poi galaw ai shana e zawn, nanhte mahkawn mangoi na marin dai; Israela lunghkrung ngu ai, Yehowa a bum de sumpyi dum let lung wa ai zawn, kabu gara na myit dai.

ESAIA 33:2

Yehowa e, anhte hpe matsan dum mi; anhte nang hpe ala nga ga ai; jahpawt shagu anhte hpe n-gun jaw mi, ru tsang hkrum ai aten e, hkye hkrang la mi.

ESAIA 44:8

Nanhte hkum tsang myit, hkum hkrit myit; moi shawng kaw nna ngai nang hpe tsun madun da ni ai, n rai ni? nanhte nan nye a sakse ni rai nga myit dai. Ngai hta shaje Karai Kasang nga a ni? Gaja wa, Lunghkrung shaje nga ai gaw, ngai n chye nngai.

ESAIA 51:13

sumsing lamu hpe hpyan da ai hte, ginding aga npawt ni gaw da ai, nang hpe Hpan da ai wa Yehowa hpe malap kau ai hte, jahten shabyak maw ai wa a n-yun bu ai hpe shani shagu tutnawng hkrit ai wa, nang gaw, hpa wa rai nga nta? jahten shabyak maw ai wa a n-yun bu ai mung, ya kanang rai nga a ta?

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 62:11

Yehowa gaw, mungkan htum hkra ning nga ai, “Yu u, nang hpe hkye hkrang la ai wa du ra ai; hkam ging ai shabrai shi a lata hta shi lang nna, karan jaw na kumhpa shi a man e rai nga ai,” ngu nna, Ziun shayi sha hpe tsun mu.

YEREMIA 12:13

Shanhte hkaulan mam gat nna, ju hpun dan la ma ai; tinang hkum hpe jahki shaba timung, hpa akyu n pru nga ai; Yehowa n-yun bu ai myit majaw, nanhte gaw tinang shapraw ai amu hpe tau yu let, kaya kahpa dum na marin dai.

YEREMIA 17:13

Israela myit mada shara Yehowa e, nang hpe kau da ai ni yawng kaya kahpa hkrum na mara ai: ngai kaw na pru mat wa ai ni gaw, asak hka hpawk ngu ai Yehowa hpe kau da ai majaw, zaibru hta ka da ai hkrum na mara ai.

YEREMIA 2:32

Mahkawn gaw, tinang mawn sumli ai gali lakai hpe, num ningnan gaw tinang a shingkyit hpe, malap kau lu a ni? nye a amyu masha ni chyawm gaw, n dang hti hkra law ai nhtoi tup, ngai hpe malap mali kau ma ni ai.

YEREMIA 3:21

Israela kashu kasha ni gaw, Krin ai kawng ni a ntsa e hkrap ngu hkrap ngoi nna, tawngban ai nsen hpe, ngai na ni ai: kaning rai nme law, shanhte gaw lam yit nna, tinang a Karai Kasang Yehowa hpe, malap mali kau masai.

EZEKELA 22:12

Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

EZEKELA 23:35

“Dai rai nna, Nang ngai hpe malap kau nna, na a shingdu de ngai hpe dat kau ai majaw, na n se n sa ai hte na shawa num amu a mara hpe hkam sha u,” nga nna Madu Yehowa tsun ai.

HOSEA 4:6

Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

HOSEA 8:14

Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.

YOELA 1:17

Nli ni gaw ga kata e krau mat sai; nai mam ni kan mat ai majaw, mamdum ni man mat nna, ulawng ni daw mat ma ai.

JAW JAU 26:16

nanhte hpe ngai di na lam gaw, nanhte a myi man jasum na hte minla byaw mat ai jahkrum na, hkrit kajawng ai, mang shakrwi krawi ai, a li awaw waw ai ana ngai nanhte a ntsa e dat dat na we ai: nanhte dat ai nli mung kaman rai mat na malit dai; hpyen ni gaw nanhte a nsi naisi shu sha na maru ai.

JAW JAU 26:20

nanhte kaman lila n-gun dat na myit dai; kaning rai nme law, nanhte a lamu ga gaw nsi naisi shakat ya na ra ai n rai; namsi hpun ni mung asi si jaw na n rai.

AMO LAIKA (AMOS) 5:11

Nanhte gaw matsan mayan ni hpe adip arip di nna, mam hkaulaw hpyi ai majaw, tawk ai nlung hte wahpang gaw da timung, dai hta rawng lu na myit dai n rai; tsawm ai tsabyi sun hkai sharing da timung, tsabyi jahku lu lu na myit dai, n rai.

HABAKU 3:18

Ngai gaw Yehowa hta kabu gara nga na nngai; Ngai hpe hkye hkrang la ai Karai Kasang hta sharawng awng nga na nngai.

ZEHPANI 1:13

Shanhte a arung arai lanep tai nna, shanhte a nta ni gaw, shingran katsi ai shara tai mat na ra ai: gaja wa shanhte gaw, nta galaw timung, dai hta rawng lu na n rai; tsabyi sun hkai sharing da timung, tsabyi jahku lu lu na n rai.

TARA JAHPRANG 28:30

Nang num mahtan tawn timung, masha wa la kau na ra ai; nta gap tawn timung, nang nan rawng lu na n rai; tsabyi sun hkai tawn timung, nang nan di sha lu na n rai.

TARA JAHPRANG 32:15

Yeshurun chyawm ga hpum sau nna lahkat wu ai: Hpum sau ai hte shing-yan bawng nna di di tawng tawng nang rai nga ndai; Dai rai ti, hpan wa Karai hpe shi kau da nna, Shi e hkrang la ai Lunghkrung hpe n sawn wu ai.

TARA JAHPRANG 32:18

Nang hpe sharat ai lunghkrung hpe n dum nit dai, Nang hpe shangai ai Karai Wa hpe malap nu ai.

TARA JAHPRANG 32:31

Anhte e hpyen ai ni shanhte nan pyi, Anhte a Lunghkrung gaw shanhte a Lunghkrung hte dang bung ai n rai, nga nna tsun lu ma ai.

TARA JAHPRANG 32:4

Dai Lunghkrung, shi a magam hkum tsup nga ai. Shi a lam shagu dinghpring ai lam rai nga ai; Kangka re ai hte mara n rawng ai Karai Kasang, Dinghpring ai hte tengman, shi rai nga ai.

TARA JAHPRANG 6:12

Egutu mung hte mayam nta na nang hpe shaw woi wa ai Yehowa hpe nang n malap kau n ga, sadi nga u.

TARA JAHPRANG 8:11

Dai ni ngai nang hpe htawn tsun ai hkang da ai ga, dawdan ai tara hte matsun maroi ga hpe n hkan kau nna, na a Karai Kasang Yehowa hpe malap kau ai kaw n du lit ga, sadi nga u:

TARA JAHPRANG 8:14

na a myit gumrawng wa nna, Egutu mung mayan tai ai nta na nang hpe shaw woi wa ai wa;

TARA JAHPRANG 8:19

Na a Karai Kasang Yehowa hpe nang malap kau nhtawm, hpara shaje ni kaw kasawt nna nawku jaw jau rai wa nit yang gaw, nanhte teng teng hten bya ai kaw du na manit dai, nga nna dai ni nanhte a lam ngai sakse hkam da se ai.