ESAIA 16:9 - Jinghpaw Hanson Version Bible

⁹ Dai re ai majaw, Sibma tsabyi ru a lam, Yazera ni hkrap ai zawn, ngai mung hkrap na nngai; Heshbon yan Eleale e, nye myi prwi hte nan hpe ntsin jaw na nngai: kaning rai nme law, mangai ta e ngai ai asi hte, nmut ta e shu ai nsi naisi ni gaw, hpyen garu ai nsen hkrum masai.

Jinghpaw Common Language Bible 2009

⁹ Ya chyawm gaw, ngai gaw Yazera a matu hkrap ai zawn Sibma a sabyi ru ni a matu hkrap na nngai. Amyu masha ni hpe kabu gara shangun na matu dai shara ni hta mangai n ngai nga ai majaw, nye a myi prwi ni gaw Heshbon hte Eleale a matu hkrat nga li ai.

ESAIA 16:9 ပူးပေါင်းရင်းမြစ်များ

ESAIA 9:3

Kaning rai nme law, shi shanhte hpe hpai shangun ai kandang, shanhte hpe adup ai hkawn hte, hpareng wa a ri hpe, Midian lakhtak e byin ai zawn, nang agrawp kau nu ai.

YEREMIA 40:10

Ngai chyawm gaw, Mizpa mare e nga nga nna anhte hpang de du na ra ai Hkalde masha ni a man e tsap nga na nngai: nanhte mahtang, tsabyi jahku mung, nlum ta namsi hte asau hpe mung, shu la nna tinang a dibu ni hta mahkawng da mu; ya shang wa lu ai mare kahtawng ni hta shanu nga mu, ngu nna shanhte hpe ga shaka tawn da mu ai.

EZEKELA 27:31

dai hta n-ga shanhte gaw, na a matu kara doi kau nna, lachyit nba bu hpun let, yawn hkyen ai myit hte hkrap ngu hkrap ngoi nna, ja ja sharung shayawt na mara ai.

EZEKELA 32:18

“Masha kasha e, Egutu wunawng wuwa ni a matu sharung shayawt nna, shanhte hpe shayu dat u: nsung hku de yu wa ai ni hte hpawn, shi hpe mung, daru magam rawng ai maigan amyu ni a shayi sha ni hpe mung, lamu ga a lawu tsang de shayu dat u.

TARA AGYI 9:27

Shanhte mung yi hkauna de sa nna, tsabyi sun shu la, tsabyi si hpe kabye, poi galaw let tinang Hpara jawng de sa nna, lu let sha let Abimelek hpe matsa kau ma ai.