ESAIA 16:2 - Jinghpaw Hanson Version Bible

² Kaning rai nme law, tinang tsip run nna, nwan hkawm ai u shingtai zawn, Moba shayi sha ni gaw Arnon hka kau hkan e nga nga na mara ai.

Jinghpaw Common Language Bible 2009

² Shanhte gaw tsip run nna nwan hkawm ai u ni zawn Arnon hka nu hkin-gau ntsa hkan e ala nga nna shatawng shada ai lam n nga ai sha shawng de, hpang de kahkrang hkawm nga ma ai.

ESAIA 16:2 ပူးပေါင်းရင်းမြစ်များ

2 HKAWHKAM 3:4

Ya Moba hkawhkam Mesha gaw, sagu rem ai wa rai nga nna, Israela hkawhkam hpe sagu kasha sen mi hte sagu la sen mi amun sak jaw wu ai.

GA SHAGAWP 26:2

U tsa gaw pyau hkawm nna, pilan gaw pyen mat wa ai zawn, Kaman e dagam ai ga gaw, byin lu na n rai.

GA SHAGAWP 27:8

Tinang shara hpe kau da nna, le hkawm ai wa gaw, Tinang tsip kau da ai u hte maren rai nga ai.

ESAIA 13:14

Shing rai mung masha ni gaw, mai jawm na shan nga hte, kadai n rem ai sagu zawn, langai hte langai tinang htingbu wa hpang de myi man yawng nna, tinang buga de hprawng wa na mara ai.

YEREMIA 48:20

Moba gaw mak mat nna, kaya kahpa hkrum nga ai: sharung shayawt nna hkrap ngu hkrap ngoi mu: Moba gaw katsi katsang rai nga ai hpe, Arnon shara hta tsun shana ya mu.

YEREMIA 48:46

Moba mung e, nang gaw dingnye lu ndai! Hkemosha amyu gaw htum mat sai: na a shayi shadang sha ni gaw bawng rim wa hkrum masai.

YEREMIA 48:9

Moba hprawng lawt lu hkra, shi hpe singkaw shatut mu; de a mare ni gaw, masha kata, shingran katsi ai shara tai na ra ai.

BU HKAWM 21:29

Moba e, nang hta dingnye nga nga ai, Hkemosha amyu e, nang hten mat nit dai; Shi a hprawng htaw wa ai shadang sha ni hte, Bawng dung nga ai shayi sha ni hpe, Amori hkawhkam Sihon a lata hta ap ya nu hka:

TARA JAHPRANG 2:36

Shing rai, Arnon hkaraw makau na Aroera hte dai hkaraw kata na mare kaw nna, Gilead ga du hkra anhte n dang lu ai mare langai mi muk n nga ai; anhte a Karai Kasang Yehowa gaw yawng mayawng anhte hpe ap kau ma ni ai:

TARA JAHPRANG 3:12

Rai sa, lamu ga dai hte gaw dai shaloi e anhte madu la lu sagaw ai: dai hpe Arnon hkaraw makau na Aroera mare kaw nna, Gilead bum ga ka-ang hprut hte dai hta lawm ai mare ni gaw, Rubin matu ni hte Gad matu ni hpe ngai jaw mase ai:

TARA JAHPRANG 3:8

Dai shaloi e Arnon hkaraw kaw nna Hermon bum du hkra re ai, Yawdan hta wora hkran na Amori hkawhkam lahkawng a mungdan hpe anhte madu la ga ai:

YAWSHU 13:16

Shanhte a lamu ga gaw: Amon hkaraw hkin-gau e de ai Aroera mare hte hkaraw ka-ang e nga ai mare kaw nna Medeba layang ga ting;

TARA AGYI 11:18

Dai hpang, nam mali lam ga sa wa let, Edom mung hte Moba mung hpe kawai nna, Moba mung a sinpraw maga garet wa nhtawm, Arnon hka wora hkran e dap jung ma ai: dai shaloi, Arnon hka gaw Moba mung a lamu ga jarit rai nga ai majaw, Moba mung de shanhte n kabye ma ai.