ESAIA 16:1 - Jinghpaw Hanson Version Bible

¹ Dai mungdan hpe up ai wa a matu, Sela mare kaw na sagu kasha ni hpe, nam mali lam hku, Ziun bum na shayi sha hpang de, sak jaw dat mu.

Jinghpaw Common Language Bible 2009

¹ Moba masha ni gaw nam mali na Sela mare kaw na sagu kasha langai hpe kumhpa hku nna Yerusalem up ai wa hpang de sak jaw dat ma ai.

ESAIA 16:1 ပူးပေါင်းရင်းမြစ်များ

2 SAMUELA 8:2

Moba mung hpe mung shi gasat nna, mung masha ni hpe ga e kaleng tawn nhtawm sumri hte shadawn jahka nna, htam masum na htam lahkawng sat kau wu ai; htammi sha jahkrung da wu ai. Shing rai Moba masha ni mung Dawi kaw yam nna, hkanse bang ma ai.

2 HKAWHKAM 14:7

Bai shi gaw hpyen gasat ai hte, jum kadit hta e Edom masha mun mi hpe sat kau nhtawm, Sela mare hpe kashun la wu ai rai nna, dai mare a amying hpe, dai ni du hkra, Yokhtela ngu nna shamying da wu ai.

2 HKAWHKAM 3:4

Ya Moba hkawhkam Mesha gaw, sagu rem ai wa rai nga nna, Israela hkawhkam hpe sagu kasha sen mi hte sagu la sen mi amun sak jaw wu ai.

EZRA 7:17

dai gumhpraw hte usu, sagu la sagu kasha hte hpawn, dai hta lawm ai lusha hkungga, dumhpung hkungga ni hpe alawan mari nna, Yerusalem mare e nga ai nanhte a Karai Kasang a nta na tawn hkungri ntsa e nawng ya lu na myit dai.

ESAIA 10:32

Dai ni e pyi Noba mare e shi but na ra ai: Ziun shayi sha a bum ngu ai, Yerusalem kawng hpe sha-ang nna, shi a lata shada nga ai.

ESAIA 42:11

Nam mali hte de a mare ni, Kedara masha ni shanu ai kahtawng ni, nsen sharawt mu ga; lung rawk e shanu ai ni mahkawn mangoi mu ga, bum pungding kaw nna garu mu ga.

EZEKELA 45:16

“Mung masha ni yawng, Israela du hpe ndai lahkawn sak jaw na mara ai.

MIHKA 4:8

Sagu hpung a langchyi ngu ai, Ziun shayi sha a Ohpela bum e, nang up lu na ndai; gaja wa, shawoi na ahkang aya ngu ai, Yerusalem shayi sha a mungdan gaw, na a lata hta bai du na ra ai.