ESAIA 15:7 - Jinghpaw Hanson Version Bible

⁷ Dai re ai majaw shanhte gaw tinang lu ai sutgan hte, mahkawng da ai arung arai ni hpe, mu mahka hpun hkaraw lai hkra la mat wa na mara ai.

Jinghpaw Common Language Bible 2009

⁷ Masha ni gaw shanhte lu ai sut gan yawng hte hprawng shakut lu na matu Mu Mahka Kadit hpe lai di ma ai.

ESAIA 15:7 ပူးပေါင်းရင်းမြစ်များ

ESAIA 10:14

U tsip mu ai zawn, nye a lata gaw amyu masha ni a aja gumhpraw hpe mu hkrup sai: kau da ai udi magawn la ai zawn, ngai gaw mungkan ting hpe magawn la nngai: singkaw shamu ai mung, n-gup mahka nna jawp ai mung, langai mi muk n nga ai,” nga ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 15:8

Shanhte hkrap ai nsen gaw, Moba mung ting pri rai nga ai; sharung shayawt ai nsen gaw, Eglim hte Beraelim du hkra, du nga ai.

ESAIA 30:6

Dingda mung na numraw hpe ang ai myihtoi ga: Hkanghkyi yi hte hkanghkyi, pu htum hte pyen chye ai wan lapu sawng nna, yak la ai hte kyin dut ai mungdan hku shanhte ga sa wa nna, shanhte a matu hpa asung n shang ai amyu hpang de, lawze dinghkung hta sutgan, gawla-uk ni a dabu ntsa e aja gumhpraw, htaw sa ma hka.

ESAIA 5:29

shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

YEREMIA 48:36

Dai re ai majaw, Moba a matu nye a myit masin gaw sumpyi zawn, Kira-heret masha ni a matu nye a myit masin gaw sumpyi ni zawn, yawn ngoi na ra ai: shanhte mahkawng da ai sutgan gaw htum mat sai.

JAW JAU 23:40

Nnan shani e tsawm ai hpun hta na namsi si ai lakung lakying, namhtan hpun, lap wum htat ai hpun, hka numri hpun re ai ni a lakung lakying nanhte dan lang nna, nanhte a Karai Kasang Yehowa man e sanit ya tup kabu gara nga na rai myit dai.