ESAIA 15:5 - Jinghpaw Hanson Version Bible

⁵ Nye a myit masin mung Moba matu hkrap nga ai; hprawng gat ai ni gaw Zoara hte Eglat-shelishe de hprawng wa ma ai, shanhte myi prwi pru let, Luhit lam de lung wa ma ai; hten byak hkrum ai majaw, hkrap shabam let, Horona-im lam de hkawm wa ma ai.

Jinghpaw Common Language Bible 2009

⁵ Nye a myit masin gaw Moba a matu hkrap nga a hka! Masha ni gaw Zoara hte Eglat Shelishiya kahtawng de hprawng mat wa masai. Nkau mi gaw hkrap let Luhit mare lam de lung wa ma ai; nkau mi gaw Horonaim de ja ja yawn ai hte hprawng mat wa ma ai.

ESAIA 15:5 ပူးပေါင်းရင်းမြစ်များ

NINGPAWT NINGHPANG 13:10

Dai prat e, Yehowa gaw Sodom hte Gomora mare hpe garai n jahten yang, Zora mare du hkra Yawdan hka a grup yin ginwang hkan e hka law nga ai rai nna Yehowa a sun zawn mung, Egutu mung zawn mung, rai nga ai gaw, Lawt mada yu nna mu wu ai.

NINGPAWT NINGHPANG 14:2

Sodom hkawhkam Bera, Gomora hkawhkam Birsha, Adama hkawhkam Shinap, Zebuim hkawhkam Shemeba, Zora ngu ai Bela a hkawhkam hte hte hpyen gasat ma ai.

NINGPAWT NINGHPANG 19:22

Dai de lau hprawng wa u; nang dai de garai n du yang ngai hpa mung n galaw lu nngai,” ngu wu ai. Dai re ai majaw mare dai hpe Zora ngu nna shamying mu ai.

2 SAMUELA 15:23

Mung masha ni nlang hte gaw grai hkrap sharung ma ai; shi kaw hkan nang ai ni nlang sa wa nna, Hkawhkam wa nan Kidron hkaraw rap wu yang, masha nlang hkan rap wa nna, nam lam hku bawp mat wa ma ai.

2 SAMUELA 15:30

Dawi mung, hkrap let, baw htinggrum nna kyepdin raw kau nhtawm Tsanlun bum de lung wa nga ai; shi kaw hkan nang ai ni nlang hte mung, baw htinggrum nna hkrap let hkan lung wa ma ai;

ESAIA 16:14

Ya Yehowa bai tsun ai gaw, “Shabrai sha ai wa hti ai hte maren, masum ning lai jang, Moba arawng sadang hte hpawn, de a wunawng wuwa ni gaw, jahpoi kau ai hkrum nna, naw ngam nga ai ni gaw, n law ai hte, hpa n tai mat na mara ai,” nga ai.

ESAIA 22:5

Kaning rai nme law, Zaw nawng zaw wa up ai Madu Yehowa a majaw, dai shani gaw, Shingran kadit hta e, kaming kamawng, kabye kau da nna, shoihpa shoirang hkrum ai hte, mare bunghku ni hpe run kau nna, bum ni hpe jahtat ai shani, rai na ra ai.

ESAIA 59:7

Shanhte a lagaw n kaja ai amu galaw na matu gat nna, mara n kap ai asai ru kau na, larau nga ai: shanhte myit mang ai hku n hkru n hkra ai hku rai nga nna, shanhte a nmaw lam ni gaw, nni nkri hte hten byak ai hkrai rai nga ai.

YEREMIA 13:17

Nanhte dai ga hpe n madat mara nga ai rai yang, nanhte a gumrawng gumtawng ai majaw, nye a myit masin n dan n leng ai shara e hkrap nga na ra ai; Yehowa sagu hpung hpe rim la ai majaw, nye a myi grai hkrap nna, myi prwi lwi na ra ai.

YEREMIA 17:16

Ngai chyawm gaw, na a malai sagu rem wa tai na, n hkan shachyut nngai; dai n kaja ai nhtoi hpe n marit nngai: nang chye nga ndai; nye a n-gup na pru ai ga gaw na a man e rai nga ai.

YEREMIA 4:19

Myit htum nngai law, myit htum nngai law! Nye a kraw lawang machyi nga ai law; nye a myit masin aru ara rai nga ai; ngai atsin sha nga lu ai n rai: nye a wenyi e, nang gaw pahtau dum ai hte hpyen htim garu ai hpe na lu n hka.

YEREMIA 4:20

Hten mat sai, hten mat sai, nga nna kajai gara ma ai; mung ting katsi katsang rai nga ai: nye a sum ni jahkring sha, nye a nba grang ni akajawng sha, hten mat sai.

YEREMIA 48:3

Horona-im mare mung shamyit kau ai hte run kau ai hkrum nna hkrap shabam nga ai.

YEREMIA 48:5

Shanhte gaw myi prwi tut tut pru let Luhit lam de lung wa ma ai; Horona-im kadawng e yu wa ma yang, hten byak hkrum ai hkrap ngu hkrap ngoi ai nsen hpe shanhte na ma ai.

YEREMIA 50:46

Babelon mare hpe gasat la ai nsen majaw, lamu ga gari nga ai; de a ngoi kadu ai nsen hpe, masha amyu ni na lu ma ai.

YEREMIA 9:10

Bum ni a lam ngai hkrap ngu hkrap ngoi nna, shabam na nngai; nam mali na udat shara ni a lam, ngai sharung shayawt na nngai: kaning rai nme law, kadai n lai lu hkra, dai shara ni wan hkru mat sai; sagu dumsu hpung ni a nsen mung, kadai n na lu ai; ntsa malen u ni mung, yamnga ni mung, hprawng mat nna n nga masai.

BU HKAWM 21:29

Moba e, nang hta dingnye nga nga ai, Hkemosha amyu e, nang hten mat nit dai; Shi a hprawng htaw wa ai shadang sha ni hte, Bawng dung nga ai shayi sha ni hpe, Amori hkawhkam Sihon a lata hta ap ya nu hka: