ESAIA 15:2 - Jinghpaw Hanson Version Bible

² Mung masha ni gaw hkrap ngu hkrap ngoi na matu, Bayit yan Dibon shara na, tsaw ai kawng ni de lung wa masai; Moba masha ni gaw Nebo yan Medeba shara a lam sharung shayawt nga ma ai; langai hte langai baw krin nna, nhka mun yawng doi kau hkrum masai.

Jinghpaw Common Language Bible 2009

² Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 15:2 ပူးပေါင်းရင်းမြစ်များ

2 SAMUELA 10:4

Shing rai Hanun gaw Dawi a shangun ma ni hpe rim la nna, shanhte a nmun maga mi de shangun kau ya ai hte, dangbau du hkra shanhte a hpun palawng rep kau ya nhtawm, dat dat mu ai.

1 HKAWHKAM LABAU 19:4

Dai rai nna Hanun gaw Dawi a shangun ma ni hpe rim la nna, mun shangun kau ya ai hte, dangbau du hkra shanhte a hpun palawng rep di kau ya nhtawm, dat dat mu ai.

YOBA 1:20

Shaloi Yoba gaw rawt nna, shi a hpun nba gang je kau ai hte, shi a kara shangun kau nhtawm, ga de gum dagup let nawku nna,

ESAIA 14:31

Chyinghka e, sharung shayawt nga u; mare e, hkrap ngu hkrap ngoi nga u: Hpilisti mung ting e, nang yawn du krung nga ndai: kaning rai nme law, dingdung maga de na wan hkut mawng nga ai; shi lai wa ai hku kadai mung n ngam nga ai.

ESAIA 15:3

Shanhte gaw mare lam hkan e lachyit nba lawai nna, nta ni a ntsa e mung, mare htingwang hkan e mung, yawng sharung shayawt nga nna, ja ja hkrap ngu hkrap ngoi ma ai.

ESAIA 16:12

Moba gaw dawng pru nna, tinang a tsaw ai kawng hta, tinang hkum hpe shaba kau ai hte, tinang a nawku ai shara hta akyu hpyi timung, hpa lam la ai n rai.

ESAIA 16:7

Dai re ai majaw Moba amyu gaw Moba mungdan a lam sharung shayawt na ra ai; langai hte langai sharung shayawt na mara ai; atsai awai shamyit kau hkrum ai majaw, nanhte gaw Kira-hareset mare na tsabyi si gumpye ni hpe marit na marin dai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

ESAIA 3:24

Dai shaloi e manam pyaw ai baw a malai yat manam ai, shingkyit a malai sumri, kara hkri ai a malai baw hpye kan ai, lawai ai nba a malai lachyit sumding, tsawm htap ai a malai wan hkru ai hkang pru na ra ai.

YEREMIA 3:21

Israela kashu kasha ni gaw, Krin ai kawng ni a ntsa e hkrap ngu hkrap ngoi nna, tawngban ai nsen hpe, ngai na ni ai: kaning rai nme law, shanhte gaw lam yit nna, tinang a Karai Kasang Yehowa hpe, malap mali kau masai.

YEREMIA 47:2

Yehowa ning nga ai: Yu mu, dingdung maga de na hka rawt nna, mungdan hpe lim kau ai hka nu tai na ra ai: dai gaw mungdan hte rawng marawng hpe mung, mare hte nga manga hpe mung lim kau nna, masha ni shabam na mara ai; mungdan masha ni yawng sharung shayawt na mara ai.

YEREMIA 47:5

Gaza mare gaw kara doi kau ai hkrum nga ai; Askelon hte naw ngam nga ai kadit ni gaw htenza mat sai; gaten du hkra tinang hkum shan hpe amup na rai ni?

YEREMIA 48:1

Moba hpe lakap nna, Israela Karai Kasang Zaw nawng zaw wa up ai Yehowa ning nga ai: Nebo mare gaw dingnye hkrum sai; dai gaw shingran katsi ai shara tai wa sai; Kiriahtim sum mat nna, kashun kashe hkrum sai; Misgaba sum mat nna, mak mat hkrum sai.

YEREMIA 48:18

Dibon shara e shanu nga ai shayi sha e, na a arawng sadang kaw na yu wa nna, hpang ga a hkrum let dung nga u: Moba hpe jahten shabyak ai wa gaw nang kaw du nna, na a hpyen dap ni hpe run kau na ra ai.

YEREMIA 48:31

Dai re ai majaw Moba a lam ngai sharung shayawt na nngai; Moba mung ting a matu, ngai hkrap shabam na nngai; shanhte gaw Kira-heret masha ni a lam yawn nga na mara ai.

YEREMIA 48:35

Dai hta n-ga Moba mung hta tsaw ai kawng ntsa e shagu hkungga nawng ya ai wa hte, tinang a hpara ni hpe manam pyaw ai baw nat nawng ya ai wa hpe, ngai jahtum kau na nngai, nga nna Yehowa tsun ai.

YEREMIA 49:3

Heshbon e, sharung shayawt u; Ai mare myit mat sai; Raba shayi sha ni e, hkrap shabam mu; lachyit nba bu hpun mu; sharung shayawt let, sun nhpan makau hku gat kahkrang mu: kaning rai nme law, Malhkam hpara gaw, shi a hkinjawng ni hte du salang ni hte rau, bawng rim wa ai hkrum na ra ai.

YEREMIA 7:29

Na a ga shaka kara hpe doi kabai kau u; krin ai kawng ni a ntsa e sharung shayawt hkawm u: kaning rai nme law, pawt sindawng hkrum ging ai amyu hpe, Yehowa kau da nna gang kau nu ai.

EZEKELA 27:31

dai hta n-ga shanhte gaw, na a matu kara doi kau nna, lachyit nba bu hpun let, yawn hkyen ai myit hte hkrap ngu hkrap ngoi nna, ja ja sharung shayawt na mara ai.

EZEKELA 30:2

“Masha kasha e, myihtoi htoi nna htawn tsun u, ‘Madu Yehowa ning nga ai: Du ra ai nhtoi gaw dingnye nga ai law, ngu nna shabam u.

EZEKELA 7:18

Shanhte gaw tinang hkum hpe lachyit nba lawai nna, hkrithpa shanhte hpe htinggrum na ra ai: myi man yawng sum mat nna, baw shagu kara doi kau ai hkrum na mara ai.

JAW JAU 13:40

Kara raw ai wa gaw, baw krin hkra rai timung shi san seng rai nga ai.

JAW JAU 21:5

Shanhte gaw tinang a baw shangun lu na n rai; nmun mung doi lu na n rai; tinang hkum hpe gadoi jahpye lu na n rai.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.

BU HKAWM 21:28

Hesbon hta na wan pru nna, Sihon a mare na wan shinglet poi ai hte, Moba mung na Ara mare hte hpawn, Arnon kawng ni a Madu du ni hpe hkru kau manu ai.

BU HKAWM 21:30

Anhte bai rai ra ai gaw shi hpe hkap gap nna, Hesbon gaw Dibon du hkra hten mat sai, Medeba mare hte htep na Nohpa shara du hkra, Akrin atsai di kau sagaw ai, nga nna jahta ma ai.

BU HKAWM 32:3

“Israela hpung masha ni a man na Yehowa shaza kau ai,

BU HKAWM 32:38

amying lai ai Nebo, Bala-meon hte Sibma mare ni hpe de ma ai: shanhte gaw de da ai mare ni hpe mying ningnan galai shamying mu ai.

TARA JAHPRANG 14:1

Nanhte gaw, nanhte a Karai Kasang Yehowa a kashu kasha ni rai nga myit dai; dai rai nna si ai wa a matu tinang hkum hpe gadoi jahpye lu na n rai, na a lahtan kara mung doi lu na n rai.

TARA JAHPRANG 34:1

Dai hpang Mawshe gaw Moba pa nna sa wa nhtawm, Yerihko hte tawtap na Nebo bum a Pisga kawng pungding de lung wa ai. Shaloi Yehowa gaw shi hpe Gilead mung ting hte Dan du hkra,