ESAIA 15:1 - Jinghpaw Hanson Version Bible

¹ Moba mung hta ang ai Myihtoi ga: kaning rai nme law, lana mi hta sha Moba mung na Ara mare gaw shaza kau ai hkrum nna, marawng marang tai wa sai; lana mi hta sha Moba mung na Kira mare gaw shaza kau ai hkrum nna, marawng marang tai wa sai.

Jinghpaw Common Language Bible 2009

¹ Ndai gaw Moba hte seng ai mungga rai nga ai. Ara hte Kira mare ni gaw lana mi hta sha jahten kau hkrum nga ai, Moba mung hta katsi katsang shara tai nga ai.

ESAIA 15:1 ပူးပေါင်းရင်းမြစ်များ

2 HKAWHKAM 3:25

Shing rai shanhte gaw mare ni hpe shaza kau mu ai; ga dachyawk kaja shagu hta langai hte langai tinang a nlung hte kabai jahpring da mu ai: hka hpawk shagu mung shanhte pat kau nna, hpun kaja mahkra hpe kran kau mu ai: shing rai Kira-harreset du hkra nlung hkrai jawng nga ai rai nna, laili nwat kabai ai ni gaw dai mare hpe wang tawn ai hte gasat mu ai.

ESAIA 11:14

Shanhte gaw sinna maga de nga ai Hpilisti masha ni hpe htim gasat na mara ai; sinpraw maga na kashu kasha ni a sutgan hpe, rau kashun la na mara ai: Edom hte Moba hpe, shanhte gasat dang kau nna, Ammon a kashu kasha ni gaw, shanhte hpe madat mara na mara ai.

ESAIA 13:1

Amot a kasha Esaia gaw, Babelon mare hpe sha-ang nna, shapraw ai myihtoi ga, da ndai rai nga ai:

ESAIA 14:28

Hkawhkam Ahaza si ai shaning hta e, ndai myihtoi ga pru nga ai:

ESAIA 16:11

Dai re ai majaw, Moba a matu nye a myi masin gaw, Kira-heret a matu, nye a kraw lawang gaw, tingse zawn yawn ngoi nga ai.

ESAIA 16:6

Moba amyu a myit kaba ai lam anhte na yu sagaw ai; grai kaba ai myit rai nga ai: shi a gumrawng gumtawng ai, myit kaba ai hte pawt sindawng ai gaw kaba nga timung, shi grang ai ga kaman sha rai nga ai.

ESAIA 16:7

Dai re ai majaw Moba amyu gaw Moba mungdan a lam sharung shayawt na ra ai; langai hte langai sharung shayawt na mara ai; atsai awai shamyit kau hkrum ai majaw, nanhte gaw Kira-hareset mare na tsabyi si gumpye ni hpe marit na marin dai.

ESAIA 25:10

Kaning rai nme law, Yehowa a lata gaw ndai bum ntsa e ban sa na ra ai: yi hku hpe nga hkyi hte kabye kayau kau ai zawn, Moba mung gaw kabye kau ai hkrum na ra ai.

ESAIA 25:12

Na a tsaw ai hpyen dap bunghku ni hpe, shi ga du hkra run kau nna, ga nhpu hta shayu agrawp kau nu ai.

YEREMIA 9:26

Egutu, Yuda, Edom, Ammon, Moba amyu ni hte, tinang a na labying kara doi ai, zaibru jang na amyu ni mahkra hte hpe ari jaw na aten du na ra ai: kaning rai nme law, amyu ni yawng nye a man e matu gadoi n hkam ai ni rai nga nna, Israela dap na ni yawng, tinang a myit masin matu n gadoi ai amyu rai nga ma ai.”

BU HKAWM 21:28

Hesbon hta na wan pru nna, Sihon a mare na wan shinglet poi ai hte, Moba mung na Ara mare hte hpawn, Arnon kawng ni a Madu du ni hpe hkru kau manu ai.

TARA JAHPRANG 2:18

‘Nang dai ni Moba lamu ga jarit na Ara ginwang hku ga lai wa na rai ndai.

TARA JAHPRANG 2:19

Ammon masha ni nga ai de du wa jang shanhte hpe hkum shatsang myit, shanhte hte hkum gasat myit: Ammon a kashu kasha ni a lamu ga hta na ngai nang hpe madu shangun na n rai: dai gaw Lawt a matu ni hpe ngai jaw ka mase ai, nga ai.

TARA JAHPRANG 2:9

Shaloi Yehowa gaw, Moba masha ni hpe hkum shatsang mu; shanhte hte majan hkum galaw myit: Ara mare hpe gaw Lawt a kashu kasha ni hpe ngai ap ya mase ai re ai majaw, shanhte a mung hta na ngai nanhte hpe madu shangun na made ai n rai,’ nga nna ngai hpe tsun ai.