ESAIA 14:8 - Jinghpaw Hanson Version Bible

⁸ Gaja wa, marau hpun ni hte, Lebanon arit hpun ni gaw, “Nang kataw hkrum ai hpang, anhte hpe kran kau ai wa n lung n sa na sai, nga nna nang hpe sha-ang let kabu gara ai hte tsun ma ai.

Jinghpaw Common Language Bible 2009

⁸ Marau hpun ni hte Lebanon arit hpun ni mung hkrat sum mat sai hkawhkam wa a matu kabu ma ai, hpa majaw nga yang, shanhte hpe kran kadang na kadai n nga nga sai, ya chyawm gaw shi n nga mat sahka!

ESAIA 14:8 ပူးပေါင်းရင်းမြစ်များ

SHAKAWN KUNGDAWN 29:5

Yehowa a nsen arit hpun ni hpe daw kau lu ai, Rai sa, Yehowa gaw Lebanon arit maling hpe agrawp kau wu ai.

ESAIA 37:24

Nang gaw, na a mayam ni a n-gup hte dai Madu hpe shatan nhkan nna, Ngai gaw nye a law la ai hpyen leng ni hte bum pungding ni a ntsa de lung wa lu nna, Lebanon maling ka-ang de shang lu na nngai: ngai gaw de a tsaw htum ai arit hpun ni hte, hpu htum ai marau hpun ni hpe kran kau nna, de a tsan htum ai maling na nga pyaw ai shara de pyi shang wa na nngai.

EZEKELA 31:16

Shi kadawng taw nna, nsung hku hta shang ai ni hte rau, katsan ga de yu wa mat yang, shi a ngoi kadu ai majaw, amyu baw ni yawng hpe, ngai hkrit gari shangun nngai: shing rai, Lebanon bum e tu nna, hka law ai majaw Eden sun hta tsawm la ai hte kaba wa ai hpun ni yawng, lamu ga a lawu tsang e myit shalan ai hkrum ma ai.

ZEHKARIA 11:2

Marau hpun e, arit hpun gaw kadawng mat nna, daru magam rawng ai ni hten mat hkrum ai majaw, sharung shayawt u; Bashan wamyi hpun e, htat ai maling dinggram hpe gru kau ai majaw, sharung shayawt u.