ESAIA 14:7 - Jinghpaw Hanson Version Bible

⁷ Mungkan ting ban sa ngwipyaw nga ai; mung masha ni nlaw mahkawn ma ai.

Jinghpaw Common Language Bible 2009

⁷ Ya chyawm gaw, hpang jahtum e, mungkan ga ting gaw bansa ai hte ngwi pyaw sim sa lam hta kabu gara nga ai, masha shagu gaw kabu gara ai hte mahkawn mangoi nga ma ai.

ESAIA 14:7 ပူးပေါင်းရင်းမြစ်များ

SHAKAWN KUNGDAWN 47:1

Masha amyu shagu ta lahpawk dum nga mu, Karai Kasang hpe awng ai nsen hte garu mu.

SHAKAWN KUNGDAWN 98:1

Yehowa hpe mahkawn ga nnan hte mahkawn mu; Shi gaw, mauhpa amu galaw nu ai: Shi a hkra lata hte chyoi pra ai lahpum, shi a matu hkye hkrang la ai lam shapraw nu ai.

GA SHAGAWP 11:10

Dinghpring ai ni ngamu ngamai yang, mare ting kabu nga ai; Tara n lang ai wa, hten byak hkrum yang chyawm gaw, garu jahtau nga ma ai.

ESAIA 21:2

Hkrithpa shingran ngai mu nngai; myit magaw ai wa gaw, magaw ai hku galaw nga ai, jahten shabyak ai wa gaw jahten shabyak nga ai; Elam masha ni e, lung wa mu; Medi masha ni e, wang tawn mu: dai mare a majaw madai ai lam yawng, ngai jasim kau we ai.

ESAIA 49:13

Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

YEREMIA 51:48

Dai shaloi e sumsing lamu, ginding aga hte dai hta rawng marawng gaw, Babelon a lam kabu gara ai hte mahkawn mangoi na mara ai: kaning rai nme law, shi hpe jahten shabyak ai ni, dingdung maga de na du na mara ai rai nna,

EZEKELA 35:14

Madu Yehowa ning nga ai: mungkan ting kabu nga lu hkra, ngai nang hpe katsi katsang shara shatai na nngai.

ZEHKARIA 1:11

Dai ni mung, “Anhte gaw ga ntsa ting jawt hkawm saga ai; yu u, ga ntsa ting asim sha nga nna, ban sa nga ai,” ngu nna murtu maling e hkring nga ai Yehowa a lamu kasa hpe htan mu ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.