ESAIA 14:6 - Jinghpaw Hanson Version Bible

⁶ masin pawt ai hte masha amyu ni hpe n sim n sa kayat nna, pawt bu ai hte amyu baw ni hpe up hkang ai wa gaw, ya zingri zingrat ai hkrum nna, shi hpe maga ai wa n nga a hka!

ESAIA 14:6 ပူးပေါင်းရင်းမြစ်များ

2 HKAWHKAM LABAU 36:17

Dai re ai majaw shi gaw Hkalde a hkawhkam hpe shanhte hpang de shangun dat nna, dai wa gaw, shanhte a chyoi pra ai nta kata e shanhte a shabrang ni hpe sat kau nna, brang ram ni hte mahkawn ni hpe mung, aprat kaba ai hte gumgai dingla ni hpe pyi matsan n dum nga ai: shi gaw yawng mayawng hpe shi a lata hta ap kau mu ai.

YOBA 9:13

Karai Wa gaw myit kawp wa na, n rai; Rahab a shingtau ni pyi shi a npu e dagum nga ma ai.

GA SHAGAWP 21:30

Hpaji gade, chye chyang ai myit gade, hpaji daw ai lam gade rai timung, Yehowa hpe dang lu na lam n nga ai.

GA SHAGAWP 28:15

Matsan mayan ni ntsa e up ai, tara n lang ai du wa gaw, Shabam ai hkanghkyi hte nwan hkawm ai tsap rai nga ai.

ESAIA 10:14

U tsip mu ai zawn, nye a lata gaw amyu masha ni a aja gumhpraw hpe mu hkrup sai: kau da ai udi magawn la ai zawn, ngai gaw mungkan ting hpe magawn la nngai: singkaw shamu ai mung, n-gup mahka nna jawp ai mung, langai mi muk n nga ai,” nga ai.

ESAIA 14:5

Yehowa gaw tara n lang ai ni a dawhkrawng hpe mung, up hkang ai ni a sumdoi hpe mung, gang daw kau nu ai:

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

YEREMIA 48:17

Shi a grup yin e nga nna, shi a amying chye ai ni yawng, shi a lam sharung shayawt mu: Ngang ai sumdoi, tsawm la ai dawhkrawng kaning rai daw mat a hka! Ngu nna tsun mu.

YEREMIA 50:31

Zaw nawng zaw wa up ai Yehowa ning nga ai: Myit kaba ai wa e, “yu u, ngai nang hpe hkap daw na nngai; gaja wa, na a nhtoi, nang hpe shari ai aten du ra ai.

SHARUNG SHAYAWT 1:21

Ngai madai ai hpe shanhte na timung ngai hpe shalan shabran ai wa n nga ai; Ngai hkrum ai ruyak hpe hpyen ni yawng na lu nna, ndai lam nang shabyin ai majaw, shanhte kabu nga ma ai. Nang ndat da ai nhtoi nang shadu nna, shanhte gaw ngai zawn tai mu ga.

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

HABAKU 1:17

Dai rai yang, dai wa gaw, shi a sumgawn hta lu ai nga ni hpe htawk kau nna, masha amyu ni hpe, lahpawt n dum ai, tutnawng e sat kau na a ni?

HABAKU 2:5

Dai hta n-ga, tsabyi jahku hkalem hkalau chye ai majaw, shi gaw myit kaba ai wa rai nga nna, tinang a buga hta n zim nga ai. shi gaw shi a lawhpa ai myit, katsan ga zawn maden dat nna, si du hte maren, myit n dik hkraw ai, maigan amyu ni mahkra hpe shi hpawng shangun nna, amyu baw ni hpe, shi a matu shinggyin la mu ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.