ESAIA 14:5 - Jinghpaw Hanson Version Bible

⁵ Yehowa gaw tara n lang ai ni a dawhkrawng hpe mung, up hkang ai ni a sumdoi hpe mung, gang daw kau nu ai:

Jinghpaw Common Language Bible 2009

^5-6 Dai Madu gaw shanhte gasat dang la ai masha amyu baw ni hpe nhtum nni zingri ai hte sin pawt lahtet hte amyu masha ni hpe dip gamyet sha lai wa sai n hkru ai up hkang du ni a daru magam n-gun hpe jahtum kau ya nu ai.

ESAIA 14:5 ပူးပေါင်းရင်းမြစ်များ

SHAKAWN KUNGDAWN 125:3

Dingman ai ni, n hkru ai amu hpe, tinang a lata hte n galaw lu mu ga, Tara n lang ai ni a up ai sumdoi, Dingman ai ni a sali wunli a ntsa e, mara lu na n rai.

GA SHAGAWP 28:15

Matsan mayan ni ntsa e up ai, tara n lang ai du wa gaw, Shabam ai hkanghkyi hte nwan hkawm ai tsap rai nga ai.

ESAIA 10:5

Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 14:29

Hpilisti mung ting e, nang hpe kayat ai ri tawng daw mat ai majaw, hkum kabu et; kaning rai nme law, dai lapu amyu hta na pu htum pru nna, de a hkalung ni gaw pyen chye ai wan lapu tai na mara ai.

ESAIA 14:4

nang gaw Babelon hkawhkam hpe sha-ang let, ndai ga shagawp ning nga tsun na ndai: Adip arip re ai wa gaw htum mat sahka! Ja mare gaw nyawp mat sahka!

ESAIA 14:6

masin pawt ai hte masha amyu ni hpe n sim n sa kayat nna, pawt bu ai hte amyu baw ni hpe up hkang ai wa gaw, ya zingri zingrat ai hkrum nna, shi hpe maga ai wa n nga a hka!

ESAIA 9:3

Kaning rai nme law, shi shanhte hpe hpai shangun ai kandang, shanhte hpe adup ai hkawn hte, hpareng wa a ri hpe, Midian lakhtak e byin ai zawn, nang agrawp kau nu ai.

ESAIA 9:4

Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

SHARUNG SHAYAWT 1:21

Ngai madai ai hpe shanhte na timung ngai hpe shalan shabran ai wa n nga ai; Ngai hkrum ai ruyak hpe hpyen ni yawng na lu nna, ndai lam nang shabyin ai majaw, shanhte kabu nga ma ai. Nang ndat da ai nhtoi nang shadu nna, shanhte gaw ngai zawn tai mu ga.

HABAKU 1:17

Dai rai yang, dai wa gaw, shi a sumgawn hta lu ai nga ni hpe htawk kau nna, masha amyu ni hpe, lahpawt n dum ai, tutnawng e sat kau na a ni?