ESAIA 14:4 - Jinghpaw Hanson Version Bible

⁴ nang gaw Babelon hkawhkam hpe sha-ang let, ndai ga shagawp ning nga tsun na ndai: Adip arip re ai wa gaw htum mat sahka! Ja mare gaw nyawp mat sahka!

Jinghpaw Common Language Bible 2009

⁴ Shi dai amu galaw ai shaloi, shanhte gaw Babelon hkawhkam wa hpe ashu let ning ngu tsun ma ai: “Gumshem ai hkawhkam gaw di hkrat mat nu hka! Shi gaw kadai hpe mung galoi mung bai dip gamyet sana ra ai n rai!

ESAIA 14:4 ပူးပေါင်းရင်းမြစ်များ

2 HKAWHKAM LABAU 36:18

Karai Kasang a nta na wan ni kaji kaba mahkra hpe mung, Yehowa nta na sutgan, hkawhkam wa hte shi a agyi salang ni a sutgan mahkra hpe mung, Babelon mare de la wa mu ai.

ESAIA 13:1

Amot a kasha Esaia gaw, Babelon mare hpe sha-ang nna, shapraw ai myihtoi ga, da ndai rai nga ai:

ESAIA 13:19

Shing rai, mungdan ni a baw, Hkalde masha ni a dan hkung ai hpung shingkang ngu ai, Babelon mare gaw, Karai Kasang jahten kau ai Sodom yan Gomora zawn rai na ra ai.

ESAIA 14:17

Mungkan ga hpe nam shatai kau ai hte, de a mare ni hpe run shabyak kau nhtawm, bawng dung ai ni hpe, tinang nta de wa na ahkang n jaw ai wa gaw, ndai wa rai ni?

ESAIA 14:5

Yehowa gaw tara n lang ai ni a dawhkrawng hpe mung, up hkang ai ni a sumdoi hpe mung, gang daw kau nu ai:

ESAIA 14:6

masin pawt ai hte masha amyu ni hpe n sim n sa kayat nna, pawt bu ai hte amyu baw ni hpe up hkang ai wa gaw, ya zingri zingrat ai hkrum nna, shi hpe maga ai wa n nga a hka!

ESAIA 16:4

Ngai hte seng ai shapraw kau hkrum ai ni gaw, nang hte rau anga nga mu ga; nang gaw, Moba hpe zingri zingrat ai ni a man e shingbyi shingwung shara tai u ga; kaning rai nme law, Kashun kashe re ai wa gaw kaman sha rai nga nna, hten byak ai lam sim wa sai; adip arip re ai ni gaw dai mungdan hta shaza kau ai hkrum ma ai:

ESAIA 21:2

Hkrithpa shingran ngai mu nngai; myit magaw ai wa gaw, magaw ai hku galaw nga ai, jahten shabyak ai wa gaw jahten shabyak nga ai; Elam masha ni e, lung wa mu; Medi masha ni e, wang tawn mu: dai mare a majaw madai ai lam yawng, ngai jasim kau we ai.

ESAIA 47:5

Hkalde a shayi sha e, nsin sin ai shara e shang nna, atsin sha dung nga u: ya kaw nna nang hpe, Mungdan ni a du jan, n nga na masai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 51:13

sumsing lamu hpe hpyan da ai hte, ginding aga npawt ni gaw da ai, nang hpe Hpan da ai wa Yehowa hpe malap kau ai hte, jahten shabyak maw ai wa a n-yun bu ai hpe shani shagu tutnawng hkrit ai wa, nang gaw, hpa wa rai nga nta? jahten shabyak maw ai wa a n-yun bu ai mung, ya kanang rai nga a ta?

ESAIA 51:23

nang gaw na a shingma hpe lam lai ai ni a matu hkrun lam zawn shatai nna, Anhte lai lu hkra, ga e gum-yan taw nga u,” nga nna nang hpe zingri zingrat let, tsun ai ni a lata hta, ndai gawm hpe ngai tawn da na nngai.

ESAIA 54:14

Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

ESAIA 9:4

Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YEREMIA 48:17

Shi a grup yin e nga nna, shi a amying chye ai ni yawng, shi a lam sharung shayawt mu: Ngang ai sumdoi, tsawm la ai dawhkrawng kaning rai daw mat a hka! Ngu nna tsun mu.

SHARUNG SHAYAWT 4:1

Aja gaw kaning rai sum mat sahka! Jet ai ja gaw kaning rai galai mat sahka! Chyoi pra ai nta na nlung ni gaw, mare lam njut nnaw hkan e jawng nga ma ai.

EZEKELA 5:15

Shing rai, pawt bu ai, myit kahtet nna daru sharin ai myit hte, ngai nang hpe dawdan yang, dai gaw na a grup yin e dè nga ai amyu baw ni a matu, shatan nhkan, asawng asang, sharin achyin ai hte mauhpa shara tai na ra ai: ngai Yehowa nan dai ga tsun ni ai:

Daniela 2:38

shinggyim masha rawng ai, shara shagu bra nga ai pa ga na ashu ashan ni hte, ntsa malen u ni hpe, na a lata hta shi ap ya nna, dai ni mahkra a ntsa e up shangun ndai: nang gaw aja baw rai nga ndai.

HABAKU 2:17

Lebanon bum hpe arip adip di ai mara, de a ashu ashan ni hpe jahkrit shama nna, shaza kau ai mara a matu mung, masha sai jahkaw ai mara, mungdan hta kashun kashe re ai mara, mare hte dai hta shanu nga ai ni mahkra ntsa e galaw dan ai mara matu mung, matsat shabat nhpat gaw, na a arawng sadang hpe ka-up na ra ai.

SHINGRAN 17:6

Bai, dai numsha gaw chyoi pra ai ni a asai hte mung, Yesu a sakse ni a asai hte mung, nang nga ai hpe, ngai mu nngai. Shi hpe mu yang mau kaba hte ngai mau mahka mat nngai.

SHINGRAN 18:16

ahkying mi hta sha dai hte wa law ai sutgan jahkoi kau ai hkrum sahka gaw!” nga nna hkrap ngu hkrap ngoi ai hte sharung shayawt let tsun na mara ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.