ESAIA 14:3 - Jinghpaw Hanson Version Bible

³ Ya Yehowa gaw, nang hkrum ai yawn hkyen ai, tsin-yam tsindam hte yak la ai mayam amu hta na, nang hpe sa ban shangun ai shaloi jang,

Jinghpaw Common Language Bible 2009

³ Dai Madu gaw Israela amyu masha ni hpe shanhte a nchyi nmu re ai tsin-yam tsindam, nni nkri shoihpa shoirang hte laja lana re ai amu hta shadut galaw hkrum ai kaw na hkyamsa lam jaw ya na ra ai.

ESAIA 14:3 ပူးပေါင်းရင်းမြစ်များ

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 32:18

Nye a amyu masha ni gaw ngwipyaw ai buga, shim ai dum nta, asim sha re ai dabang e, shanu nga na mara ai.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

YEREMIA 17:4

Ngai nang hpe jaw ai sali wunli hta na, nang hkum nan htawt mat na ndai; nang n chye ai mung hta, nang hpe hpyen ai ni a mayam, ngai nang hpe shatai na de ai: kaning rai nme law, nye a pawt sindawng ai hte tutnawng hkru ai wan hpe, nanhte shachyi manu ai.

YEREMIA 30:10

Dai re ai majaw, nye a shangun ma Yaku e, hkum hkrit et; Israela amyu e, masin hkum kahpra et, nga nna Yehowa tsun ai: kaning rai nme law, yu u, ngai nang hpe sumtsan mung de na, na a aru arat hpe bawng dung ai shara kaw na, hkye hkrang la na nngai; Yaku gaw bai wa nna, kadai mung shi hpe n jahkrit ai, ngwipyaw ai hte ban sa nga na ra ai.

YEREMIA 30:8

Zaw nawng zaw wa up ai Yehowa ning nga ai: Dai shani e, shi a du hta mara da ai kandang hpe, ngai gang daw kau nna, shi e gyit ai sumri ni hpe, gang dut kau na nngai; tsasam amyu ni gaw htawm hpang de shanhte hpe mayam yam na n rai:

YEREMIA 50:34

Rai timung shanhte hpe Hkye hkrang la ai wa gaw, n-gun lagaw rawng ai wa rai nga ai; shi a mying Zaw nawng zaw wa up ai Yehowa rai nga ai: shi gaw gaja wa shanhte a amu hpe maga let, mungkan ting hpe asan apan di shangun nna, Babelon mare masha ni hpe sharu shatsang na ra ai.

EZEKELA 28:24

Shing rai, Israela amyu grup yin e dè nga nna, shanhte hpe n kaw n law di ai ni hta na, ju chye ai ju hpun, zingri zingrat ai masawn, htawm hpang de n nga lu nna, ngai Yehowa rai nga ai hpe, shanhte chye lu na mara ai.”

ZEHKARIA 8:2

“Ngai gaw Ziun bum hpe grai wa nja nhpra rai nga nngai: grai wa myit kahtet nna shi a matu nja nhpra nga nngai,” nga nna Zaw nawng zaw wa up ai Yehowa tsun ai, nga ai.

ZEHKARIA 8:8

ngai shanhte hpe woi wa nna, shanhte gaw Yerusalem mare kata e shanu nga na mara ai; shing rai shanhte gaw nye a amyu tai nna, ngai gaw shanhte a tengman ai hte dinghpring ai Karai Kasang tai na nngai,” nga ai.

TARA JAHPRANG 28:48

Yehowa nang hpang de shangun dat ai masha hpyen wa hpe, kawsi hpang kara, singgu krin, matsan tsin-yam hkrum let daw jau lu na ndai: nang hpe jahtum kau lu ai du hkra, dai wa gaw na a du hta hpri kandang jahpai na ra ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.