ESAIA 14:1 - Jinghpaw Hanson Version Bible

¹ Kaning rai nme law, Yehowa gaw Yaku hpe matsan dum nna, Israela amyu hpe naw lata la nhtawm, shanhte hpe tinang a buga hta nga shangun na ra ai: malet nhprang manam ni mung, shanhte hte rau kanawn nga nna, Yaku a dap hta manoi nga na mara ai.

Jinghpaw Common Language Bible 2009

¹ Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 14:1 ပူးပေါင်းရင်းမြစ်များ

ESHTA 8:17

Dai hta kaga, hkawhkam a dawdan ai ga hte hkang dat ai ga du ai mungdaw shagu hte mare shagu hta, Yuda masha ni gaw kabu gara ai hte sharawng awng nna, poi galaw ai hte nhtoi kaja mu lu masai. Mung masha ni gaw Yuda masha ni a lam hkrit ma ai majaw, mung masha law law wa Yuda masha tai wa masai.

SHAKAWN KUNGDAWN 102:13

Nang rawt wa nna Ziun hpe matsan dum na ndai: Rai sa, shi hpe yu lahku na aten du ra ai rai nna, Shi a ladaw langa da ai, ya e rai sai.

SHAKAWN KUNGDAWN 102:14

Na a mayam ni shi a nlung ni hpe sharawng nga nna, Shi a nhpu hpe pyi, ra la nga ma ai.

SHAKAWN KUNGDAWN 143:12

Na a chyeju hte, ngai hpe gumlau ai ni hpe atsai awai di mu: Na a mayam wa ngai rai nga nngai majaw, Nye a myit masin hpe zingri ya ai ni nlang hte hpe, jahten kau mu.

SHAKAWN KUNGDAWN 98:3

Shi a chyeju hte sadi sahka, Israela a nta a matu shi dum nu ai: Lamu ga makau shagu hkan e mung, Anhte a Karai Kasang a hkye hkrang la ai lam mu lu masai.

ESAIA 19:18

Dai shani e Egutu mung na mare manga hta, Hkanan ga hku tsun nna, Zaw nawng zaw wa up ai Yehowa hpe hpa let, dagam na mara ai; mare langai mi a amying gaw, Agrawp kau hkrum ai mare rai na ra ai.

ESAIA 21:1

Nammukdara makau na, zaibru jang hta ang ai myihtoi ga: Dingda laru ru wa ai zawn, hkrit na nsan ai zaibru jang de na laru ru wa ai.

ESAIA 27:6

Yaku gaw htawm hpang prat e aru jung na ra ai; Israela gaw tsit lali nna pu majawm na ra ai: shan gaw mungkan ga hpe nsi naisi hte jahpring na mara ai.

ESAIA 41:8

Rai timung, lamu ga jahtum de na ngai lata la ai hte, de a njut maga de na ngai shaga la ai, nye a jinghku wa Abraham a aru arat ngu ai, nye a mayam Israela e, ngai lata la ai Yaku e,

ESAIA 41:9

Nang gaw nye a shangun ma rai nga ndai; ngai nang hpe lata la ni ai; nang hpe gang kau na n rai:

ESAIA 44:1

Ya chyawm gaw nye a shangun ma Yaku e, ngai lata la ai Israela e, madat mara nga u:

ESAIA 45:14

Bai Yehowa gaw ning nga ai: Egutu mung na arung arai, hkum shing-yan galu ai Hkusha masha ni hte Sabea masha ni a hpaga kun rai, nang hpang de du nna, na a kun rai tai na ra ai. Shanhte gaw nang hpang de hkan nang na mara ai: hpri sumri gyit hkang ai hte shanhte sa du nna, na a man e gum dagup let, Gaja wa, Karai Wa nang hte rau rai nga ai; dai Karai Kasang hta kaga kadai n nga ai:

ESAIA 47:1

Babelon shayi hkawnsek e, yu wa nna ga nhpu hta dung u; Hkalde a shayi sha e, tingnyang hta n re ai sha, ga hta dung u: htawm hpang de nang hpe, Nu nu nai nai re ai jan, n ngu na masai.

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

ESAIA 49:13

Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

ESAIA 49:15

Numsha gaw tinang shangai ai kasha hpe matsan n dum ai hte, chyu chyu ai ma hpe malap kau lu na rai ni? gaja wa malap kau timung, ngai nang hpe malap kau lu na n rai.

ESAIA 49:25

Yehowa chyawm gaw ning nga ai: “Gaja wa, share ni rim la ai ni gaw lawt lu na mara ai rai nna, gumshem ni kashun la lu ai lanep hpe shaw la lu na mara ai: kaning rai nme law, nang hte dangrang hkat ai ni hpe ngai dangrang hkat nna, na a kashu kasha ni hpe hkye hkrang la na nngai.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

ESAIA 54:3

kaning rai nme law, nang gaw hkra de pai de maden jat wa na rin dai; na a kashu kasha ni gaw maigan amyu ni hpe madu nna, katsi katsang re ai mare ni hta shanu nga na mara ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

ESAIA 56:3

Yehowa hta manoi manat ai tsasam wa gaw, “Teng teng gaja wa, Yehowa ngai hpe shi a amyu masha ni hte jahka kau ni ai,” nga nna mung, unuk wa gaw, “Ngai hkum hpun chyahkraw rai nga nngai,” nga nna mung, hkum tsun mu ga.

ESAIA 60:10

Tsasam masha ni a kashu kasha ni gaw, na a bunghku ni hpe dè da nna, shanhte a hkawhkam ni nang hpe daw jau na mara ai: kaning rai nme law, ngai myit kahtet nna, nang hpe kayat timung, n-gaw nwai myit hte nang hpe matsan naw dum na nngai.

ESAIA 60:14

Nang hpe zingri zingrat ai ni a kashu kasha ni gaw, sa nna na a man e gum dagup na mara ai; nang hpe n kaw n law di ai ni yawng, na a lagaw nhpang e dingnyawm na mara ai; dai hta kaga shanhte gaw, nang hpe, Yehowa a mare, Israela Chyoi pra ai wa a Ziun mare, nga nna shamying na mara ai.

ESAIA 66:20

Dai hta kaga, Israela masha ni gaw, tinang a lusha hkungga hpe san seng ai wan hta Yehowa a nta de la sa ai hte maren, shanhte gaw, nanhte a kahpu kanau ni mahkra hpe, gumra hta mung, leng hta mung, krau ntsa e mung, lawze hte gawla-uk ntsa e mung htaw nna, Yehowa a lusha hkungga tai na matu, mung mi hte mung mi kaw na, nye a chyoi pra ai bum Yerusalem mare de woi wa na mara ai,” nga nna Yehowa tsun ai.

YEREMIA 29:14

Ngai mung nanhte hpe mu shangun na nngai; nanhte hkrum ai bawng dung ai hpe ngai shabai kau nna, nanhte hpe shaden shabra kau dat ai mung shagu hte shara shagu hta na, nanhte hpe shinggyin la nhtawm, moi shawng de nanhte hpe shaden shabra kau ai mung de, ngai nanhte hpe bai woi wa na nngai, nga nna Yehowa tsun ai.

YEREMIA 30:8

Zaw nawng zaw wa up ai Yehowa ning nga ai: Dai shani e, shi a du hta mara da ai kandang hpe, ngai gang daw kau nna, shi e gyit ai sumri ni hpe, gang dut kau na nngai; tsasam amyu ni gaw htawm hpang de shanhte hpe mayam yam na n rai:

YEREMIA 31:4

Israela shayi sha e, ngai nang hpe bai dè da nna, nang dè da ai hkrum na ndai. Nang gaw chying hte mawn sumli nna, poi galaw ai ni hte rau bai ka manawt na ndai;

YEREMIA 50:33

Zaw nawng zaw wa up ai Yehowa ning nga ai: “Israela kashu kasha ni hte Yuda kashu kasha ni gaw, zingri zingrat ai rau hkrum masai; shanhte hpe rim la ai ni yawng, shanhte hpe sharen da nna, n dat dat hkraw ma ai.

YEREMIA 51:51

Anhte shatan nhkan ai ga na ai majaw, anhte mak mat saga ai; kashuk kashak ai, anhte a myi man hpe htinggrum nga ai: kaning rai nme law, tsasam masha ni gaw Yehowa nta a chyoi pra ai shara ni hta shang wa masai.

EZEKELA 16:60

Rai timung, na a ram prat e ngai nang hte tawn da ai ga shaka hpe ngai naw dum nna, htani htana ga shaka nang hte tawn da na nngai.

EZEKELA 47:22

Nanhte mung, nanhte hta shingbyi nga nna, nanhte hte rau htinggaw rawn ai tsasam masha ni mung, dai mungdan hta sali wunli lu la hkra, nanhte gaw hpaida da ai hte, dai hpe karan la na myit dai; tsasam masha ni gaw, dai mungdan hta shangai wa ai Israela kashu kasha majing zawn, rai na mara ai: shanhte gaw Israela amyu masha ni hte rau, sali wunli hkam la na mara ai.

ZEHKARIA 1:17

“Bai tsun jahtau u, Zaw nawng zaw wa up ai Yehowa ning nga ai: Nye a mare kahtawng ni gaw, ngamu ngamai naw hpring kabrat na ra ai: Yehowa gaw Ziun bum hpe naw shalan shabran nna, Yerusalem mare hpe, naw lata la na ra ai,” nga ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

LUKA 1:54

Anhte a ji wa ni hpe tsun da sai hte maren, Abraham hte shi a kashu kasha ni hpe,

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.