ESAIA 13:7 - Jinghpaw Hanson Version Bible

⁷ Dai re ai majaw, lata yawng kya noi mat nna, minla shagu byaw mat na ra ai:

Jinghpaw Common Language Bible 2009

⁷ Masha shagu a lata ni kya gumba mat na mara ai, masha shagu a nden marai n rawng mat na ra ai.

ESAIA 13:7 ပူးပေါင်းရင်းမြစ်များ

SHAKAWN KUNGDAWN 58:7

Lwi ai hka zawn shanhte hkyet mat nna, Ndan shading yang, pala jadaw zawn rai mat mu ga.

PRU MAT 15:15

Dai shaloi Edom du ni mau mahka nga ma ai, Moba share ni hkrit gari hkrum nga ma ai: Hkanan masha ni nlang minla byaw mat masai.

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ESAIA 37:27

Dai re ai majaw mare masha ni gaw n-gun yawm wa nna, myit mak ai hte myit htum mat masai; shanhte gaw nam na tsingdu hte tsit lali ai shatmai lap zawn, nta ntsa e tu ai tsing hte garai n kaba ai nyip mat wa ai mam maku zawn, rai nga ma ai.

ESAIA 51:20

Na a shadang sha ni gaw htan mat masai; shanhte gaw mahkam hta lu ai shan zawn, mare lam mashe shagu hta taw nga ma ai: shanhte gaw Yehowa a n-yun bu ai, na a Karai Kasang a daru jet ai hte hkru nga ma ai.

YEREMIA 50:43

Babelon hkawhkam gaw shanhte a shi na nna, shi a lata kya noi mat sai; shinggyim machyi ai num zawn, shi gaw tsin-yam tsindam hkrum nga ai.

YEREMIA 51:30

Babelon mare na share ninghkrin ni gaw, hpyen n gasat hkraw ai, hpyen dap ni hta nga nga ma ai; shanhte gawng kya nna, num zawn tai mat masai; mare masha ni a shanu ai shara ni wan hkru nna, chyinghka htinggrang ni agrawp mat sai.

EZEKELA 21:12

Shing rai shanhte gaw, ‘Nang hpa majaw madai n ta?’ nga nna nang hpe san yang, nang gaw, ‘Ngai shiga na ai majaw madai nngai; dai du ra ai; minla yawng byaw mat nna, lata yawng kya mat na ra ai; yawng gawng kya nna, lahput yawng, ntsin zawn n-gun n rawng na ra ai: yu u, dai gaw du nna byin na ra ai,” nga nna Madu Yehowa tsun ai.

EZEKELA 21:7

Masha kasha e, Yerusalem mare de myi man yawng let, chyoi pra ai shara ni de ang ang tsun nna, Israela mungdan hpe hkap daw let, myihtoi htoi u:

EZEKELA 7:17

Lata shagu kya noi nga nna, lahput shagu ntsin zawn tai mat na ra ai.

NAHUM 1:6

Shi sindawng kahtet yang, kadai tsap nga lu na rai ta? shi masin pawt bu yang, kadai hkap ban lu na rai ta? shi a pawt bu kahtet ai gaw, wan zawn ru bun nga nna, shi a lata hte lunghkrung ni, agrawp mat ai hkrum nga ai.

NAHUM 2:10

Mare daju gaw hpa n rawng ai, akrin akraw, asan awan rai nga ai: shi a minla byaw mat nna, lahput gari ahkawk ai hte, nshang yawng gawng kya nna, myi man nlang hkrit ai hte chyang mat ma ai.

NAHUM 2:11

Hkanghkyi nhkun hkanghkyi uram ni tam sha ai shara, hkanghkyi la hkanghkyi yi hkalung ni hte rau hkawm nga nna, dai ni hpe n jahkrat lu ai shara gaw, ya kanang rai nga a ta?

YAWSHU 2:11

Shi ga dai na jang, anhte mung minla byaw mat ma nna, nanhte a majaw kadai wa hta mung nden ja ai myit n-gun kachyi mi muk n ngam chyawn saga ai: nanhte a Karai Kasang Yehowa chyawm gaw, lahta tang na sumsing lamu hta mung, lawu tsang na ginding aga hta mung, Karai Kasang rai nga ai.