ESAIA 13:6 - Jinghpaw Hanson Version Bible

⁶ Yehowa a nhtoi ni wa ai majaw, sharung shayawt nga mu; dai gaw, N-gun Chyalai rawng ai wa kaw na shoihpa shoirang zawn, du na ra ai.

Jinghpaw Common Language Bible 2009

⁶ Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 13:6 ပူးပေါင်းရင်းမြစ်များ

YOBA 31:23

Kaning rai nme law, Karai Wa shoihpa shoirang hpe ngai hkrit nna, shi daru magam man e hpa mung n galaw lu nngai.

ESAIA 10:25

Kaning rai nme law, gade n na yang nang hpe sha-ang ai pawt bu ai gaw sim mat nna, shanhte hpe jahten na nga pawt bu na ra ai,” nga ai.

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

ESAIA 13:9

Yu u, dai mungdan hpe katsi katsang shakram kau nna, dai hta nga ai yubak kap ai ni hpe shamyit kau na matu, yak la ai Yehowa a nhtoi gaw, pawt sindawng nna n-yun bu ai hte, du na ra ai.

ESAIA 14:23

Bai ngai gaw dai mare hpe dumsi ni a nga shara hte, hka ing ai shara shatai na we ai. Ngai gaw hten byak ai ding-ye hte dai mare hpe ye kau na we ai,” nga nna Zaw nawng zaw wa up ai Yehowa tsun ai.

ESAIA 14:31

Chyinghka e, sharung shayawt nga u; mare e, hkrap ngu hkrap ngoi nga u: Hpilisti mung ting e, nang yawn du krung nga ndai: kaning rai nme law, dingdung maga de na wan hkut mawng nga ai; shi lai wa ai hku kadai mung n ngam nga ai.

ESAIA 2:12

Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 23:1

Turu mare hta ang ai myihtoi ga: Tarshi sanghpaw li ni e, sharung shayawt mu; nta mung n nga, mashang mung n nga hkra, Turu mare atsai awai hten mat sai; Kihtim mung kaw nna, dai shi na ma ai.

ESAIA 34:2

Kaning rai nme law; Yehowa gaw amyu baw ni mahkra hpe pawt sindawng nna, shanhte a wunawng wuwa yawng hpe myit kahtet bu nga ai: shi shanhte hpe shamyit kau ai hte, sat kau hkrum na matu ap kau wu ai.

ESAIA 34:8

Kaning rai nme law, Ziun a lam majaw matai htang na shani hte, ari jaw na shaning, Yehowa tawn da sai.

ESAIA 47:11

Dai re ai majaw, tsin-yam tsindam na a ntsa e du nna, dai kanang na pru ai gaw, nang n chye ndai: shoihpa shoirang na ntsa e hkrat bun nna, nang dai hpe gang kau lu na n rai: nang n dum shami e, hten byak ai gaw na a ntsa e akajawng sha du na ra ai.

ESAIA 52:5

Dai rai nna Yehowa ning nga ai: “Nye amyu masha ni hpe mayu la dik e rim mat wa nna, shanhte a ntsa e up ai ni gaw shabam let, nye a mying nsang hpe tutnawng e jahpoi ma ai majaw, ya ngai kaning mai di na rai ta?

ESAIA 61:2

Yehowa sharawng awng ai shaning hte, anhte a Karai Kasang matai dawp ai shani hpe, hkaw dan na matu mung, yawn hkyen hkrum ai ni hpe shalan shabran na matu mung,

ESAIA 63:4

Kaning rai nme law, ngai matai dawp ai shani hpe ngai myit dum nna, ngai mawai la ai ni a shaning, du ra ai.

ESAIA 65:14

yu mu, nye a shangun ma ni gaw kabu gara ai myit hte mahkawn mangoi na mara ai, nanhte chyawm gaw myit yawn ai hte jahtau hkrap nna, myit htum ai hte sharung shayawt na myit dai.

YEREMIA 25:34

Sagu rem ni e, hkrap shabam mu; grau reng ai sagu ni e, dap hta galu nga mu: nanhte hpe sat kau na hte shabra kau na aten du ra ai rai nna, nanhte gaw hpu ai arai zawn, tai na marin dai.

YEREMIA 49:3

Heshbon e, sharung shayawt u; Ai mare myit mat sai; Raba shayi sha ni e, hkrap shabam mu; lachyit nba bu hpun mu; sharung shayawt let, sun nhpan makau hku gat kahkrang mu: kaning rai nme law, Malhkam hpara gaw, shi a hkinjawng ni hte du salang ni hte rau, bawng rim wa ai hkrum na ra ai.

YEREMIA 51:8

Babelon mare gaw akajawng sha kadawng nna, hten mat sai; shi a matu sharung shayawt mu; shi a hkala nba mai wa lu yang, shamai na matu, balsam naw sa la mu.

EZEKELA 13:5

Yehowa a hpyen gasat ai nhtoi hta, Israela nta a bunghku ngang nga lu hkra, de a waw ai shara ni de nanhte n lung, dai hpe mung n kum shangut myit dai.

EZEKELA 21:12

Shing rai shanhte gaw, ‘Nang hpa majaw madai n ta?’ nga nna nang hpe san yang, nang gaw, ‘Ngai shiga na ai majaw madai nngai; dai du ra ai; minla yawng byaw mat nna, lata yawng kya mat na ra ai; yawng gawng kya nna, lahput yawng, ntsin zawn n-gun n rawng na ra ai: yu u, dai gaw du nna byin na ra ai,” nga nna Madu Yehowa tsun ai.

Daniela 5:26

da ndai gaw de a ga lachyum rai nga ai: mana ngu ai gaw, na a mungdan hpe Karai Kasang hti yu nna, jahtum kau nu ai;

Daniela 5:9

Dai rai nna hkawhkam Belashaza gaw nachying myit ung ang nga nna, shi a myi man sum wa ai hte, shi a du salang ni myit law nga ma ai.

YOELA 1:11

Yi hkauna galaw ai ni e, mak mat mu; tsabyi sun lajang ai ni e, hkrap shabam mu: hkaulan mam, muk-yaw mam hte pa ga na hkai nmai hten mat sai.

YOELA 1:13

Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

YOELA 1:15

Ala, dai nhtoi du ra ai; Yehowa a nhtoi ni magang wa nna, dai gaw hten byak ai shani zawn, Chyahtum Chyalai N-gun rawng ai wa kaw na, du na ra ai.

YOELA 1:5

Ru kru ni e, yup hprang nna, hkrap ngu hkrap ngoi mu; tsabyi lu lai ai ni e, nanhte lu na matu, dwi ai tsabyi jahku htum mai sai majaw, sharung shayawt nga mu.

YOELA 2:1

Ziun mare hta e, pahtau dum mu; nye a chyoi pra ai bum ntsa e garu jahtau mu; mung masha ni yawng hkrit gari nga mu ga; kaning rai nme law, Yehowa a nhtoi du ra ai, dai gaw ni magang ra ai:

YOELA 2:11

Yehowa gaw shi a luksuk ni a man e, shi a nsen sharawt nga ai; shi a hpyen dap gaw, nachying gaba nga ai; shi a mungga hpajang ai wa gaw, n-gun ja nga ai: kaning rai nme law, Yehowa a nhtoi gaw, galu kaba ai hte grai hkrit mai ai nhtoi rai nga ai; kadai wa hkam lu na rai ta?

YOELA 2:31

Galu kaba re ai hte, hkrit mai ai, Yehowa a nhtoi garai n du yang, ajan hpe nsin hte, shata hpe asai hte, galai kau na ra ai.

AMO LAIKA (AMOS) 5:18

Yehowa a nhtoi hpe marit ai ni, dingnye lu ma ai; Yehowa a nhtoi du na, nanhte a matu hpa akyu nga a ta? dai nhtoi gaw, htoi na n rai, nsin tai na ra ai.

ZEHPANI 1:14

“Yehowa a galu kaba ai nhtoi ni nga ai; dai gaw ni wa nna, grai lawan nga ai: Yehowa a nhtoi a nsen wu ngoi nga ai: dai nhtoi hta e, share wa pyi, grai gahtau na ra ai.

ZEHPANI 1:7

“Madu Yehowa man e asim sha nga u; Yehowa a nhtoi du magang ra ai: Yehowa gaw shagu hkungga nawng na poi shachyip da nna, lawm ai ni hpe san da nu ai.

ZEHKARIA 14:1

Yu u, Yehowa nhtoi du yang, amyu masha ni nang kaw na kashun la ai lanep, na a ka-ang e karan la na mara ai.

MALAHKI 4:5

Yu mu, galu kaba ai hte, hkrithpa re ai, Yehowa a nhtoi garai n du yang, ngai nanhte hpang de myihtoi Elia hpe shangun dat na nngai.

YAKU 5:1

Sut su ai ni e, sa marit; nanhte a ntsa e du magang ra ai tsin-yam tsindam majaw, hkrap shabam nga mu.

SHINGRAN 18:10

“Galu kaba ai mare, atsam rawng ai mare, Babelon e, dingnye lu n hka, dingnye lu n hka! ahkying mi hta sha nang hpe dawdan ai lam du sahka gaw!” nga nna shi a majaw hkrap ngu hkrap ngoi ai hte sharung shayawt let tsun na mara ai.