ESAIA 13:4 - Jinghpaw Hanson Version Bible

⁴ Masha wunawng wuwa kaba wu ngoi ai zawn, bum ni a ntsa e wu ngoi a hka! Masha amyu ni a mungdan ni zuphpawng nga ma ai majaw, wu kadu a hka! Zaw nawng zaw wa up ai Yehowa gaw hpyen gasat na matu amyu baw ni hpe hpyen saw nga ai.

Jinghpaw Common Language Bible 2009

⁴ Bum ni a ntsa e garu kachyi nga ai-masha wunawng wuwa kaba a nsen, masha amyu baw ni a nsen hte mungdan ni zup hpawng nga ai nsen ni hpe madat mu. Hpyen luksuk ni a dai Madu gaw majan a matu shi a hpyen hpung ni hpe hkyen da nga ai.

ESAIA 13:4 ပူးပေါင်းရင်းမြစ်များ

ESAIA 17:12

Aka, nammukdara wu kadu ai zawn, masha amyu law law wu kadu nna, amyu baw ni gaw hka rum kaba zawn, wu nga ma ai:

ESAIA 48:14

Nanhte yawng zuphpawng nna madat mara mu: shanhte hta na, ndai amu ni hpe, kadai chye tsun a ta? Yehowa tsawra ai wa gaw, Babelon mare ntsa e shi a myit shadik ya nna, shi a lata gaw Hkalde masha ni a ntsa e du na ra ai.

ESAIA 5:26

Bai shi gaw sumtsan mung na amyu ni a matu dawnghkawn sharawt nhtawm, lamu ga htum ai kaw na ni hpe lahpyaw shaga nna, yu mu, shanhte gaw alawan du bang na mara ai:

ESAIA 5:30

Dai shani e shanhte gaw nammukdara wu kadu ai nsen hte zawn, shanhte hpe wu atet nna, dai mung hpe mada yu yang, yu u, nsin sin ai hte shoihpa shoirang hkrai rai nga ai; de a sumwi de na nhtoi pyi, nsin chyip rai mat sai.

YEREMIA 25:14

kaning rai nme law, amyu law law hte hkawhkam kaba ni gaw, Hkalde masha ni hpe pyi mayam yam na mara ai; shanhte a arawn alai hte, tinang hkum nan galaw ai amu hte maren, ngai matai dawp na nngai.

YOELA 2:25

Ngai nanhte hpang de shangun dat ai, nye a hpyen luksuk kaba ngu ai, dinggam-yaw, hkakrit, shingchyut hte shingtai sha kau ai shaning ni, ngai nanhte hpe bai hkin ya na nngai.

YOELA 3:14

Jeyang shangut ai kadit hta e, Yehowa a nhtoi du magang ra ai majaw, wunawng wuwa ni, jeyang shangut ai kadit hta e dè nga ma ai.

SHINGRAN 18:8

Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”