ESAIA 13:3 - Jinghpaw Hanson Version Bible

³ Nye a lam hta tinang hkum nawng kau ai ni hpe ngai htet da nna, ngai pawt sindawng ai shakawp na matu, nye a share ninghkrin ni hte nye a arawng sadang hta ninglaw ai ni hpe, ngai shaga la ni ai.

Jinghpaw Common Language Bible 2009

³ Dai Madu gaw chyoi pra ai majan gasat na matu mung, shi masin yu pawt nga ai ni hpe ari jaw na matu mung, arawng sadang ninglaw ai ni hte kam ging sai hpyenla ni hpe shaga shapraw la nu ai.

ESAIA 13:3 ပူးပေါင်းရင်းမြစ်များ

SHAKAWN KUNGDAWN 149:2

Israela gaw shi a Hpan Wa Ningsang hta kabu nga nna, Ziun a kashu kasha ni shanhte a Hkawhkam hta, sharawng awng nga mu ga.

ESAIA 23:11

Yehowa gaw nammukdara ntsa e shi a lata ladawn let, mungdan ni hpe ashun awam dat wu ai; Hkanan mung na hpyen dap ni hpe jahten na matu, shi gaw ga hkang da sai.

ESAIA 5:26

Bai shi gaw sumtsan mung na amyu ni a matu dawnghkawn sharawt nhtawm, lamu ga htum ai kaw na ni hpe lahpyaw shaga nna, yu mu, shanhte gaw alawan du bang na mara ai:

YEREMIA 51:46

Dai mung hta na lu ai ashi majaw, myit hkum hten myit, hkum hkrit nga myit; laning hte laning ashi pru na ra ai: mungdan hta kashun kashe hkrai rai nga nna, du langai mi du kaga hpe hkap daw nga ai.

YEREMIA 51:53

Babelon gaw sumsing lamu de dep nna, shi a tsaw htum ai shara hpe hpyen dap shatai timung, shi hpe jahten shabyak ai ni gaw, ngai kaw na pru na mara ai, nga nna Yehowa tsun ai.

YOELA 3:11

Grup yin e nga ai maigan amyu ni yawng hte e, alawan sa nna, hpawng nga mu: Yehowa e, na a share ninghkrin ni hpe dai de yu wa shangun u.

ZEHPANI 1:7

“Madu Yehowa man e asim sha nga u; Yehowa a nhtoi du magang ra ai: Yehowa gaw shagu hkungga nawng na poi shachyip da nna, lawm ai ni hpe san da nu ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.