ESAIA 13:20 - Jinghpaw Hanson Version Bible

²⁰ Dai mare hta prat dingsa e galoi mung n dè nga nna, prat mi hte prat mi, kadai mung n shanu nga na masai: Arabi masha ni gaw dai dingsa hta sum n gap ai hte, sagu rem ai ni gaw tinang a sagu hpung ni hpe, dai yang hpum shangun sa na n rai.

Jinghpaw Common Language Bible 2009

²⁰ Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

ESAIA 13:20 ပူးပေါင်းရင်းမြစ်များ

2 HKAWHKAM LABAU 17:11

Hpilisti masha nkau mi mung Yehosahpat hpe kumhpa hte hkanse gumhpraw jaw mu ai: Arabi masha ni mung, sagu la hkying sanit e sanit tsa, nam la hkying sanit e sanit tsa sak jaw mi ai.

YOBA 3:7

Gaja wa, dai shana gaw, katsi katsang rai nga u ga; kabu gara ai nsen dai hta n lawm nga u ga.

Shawlumon A Mahkawn Ga 1:7

Nye myit masin tsawra ai, nja wa e, Na sagu ni hpe nang kanang rem ai hpe mung, ani chyingtung e, kanang hpum shangun ai hpe mung, tsun dan e. Ngai hpa majaw, na manang ni a sagu hpung ni makau e, Myi man magap ai num zawn, tam pru na rai ta?

ESAIA 14:23

Bai ngai gaw dai mare hpe dumsi ni a nga shara hte, hka ing ai shara shatai na we ai. Ngai gaw hten byak ai ding-ye hte dai mare hpe ye kau na we ai,” nga nna Zaw nawng zaw wa up ai Yehowa tsun ai.

ESAIA 21:1

Nammukdara makau na, zaibru jang hta ang ai myihtoi ga: Dingda laru ru wa ai zawn, hkrit na nsan ai zaibru jang de na laru ru wa ai.

ESAIA 25:2

Mare hpe nlung sumpum, bunghku kum ai mare hpe marawng marang, tsasam ni a htingnu ni, mare n tai hkra, nang shabyin kau nu ai: dai hpe galoi mung dè da lu na n rai.

ESAIA 34:17

Shi gaw, shanhte a matu hpaida da let, shi a lata hte shadawn sumri gang nna, shanhte a shara hpe karan da wu ai: shanhte gaw dai mung hpe htani htana madu nna, prat mi hte prat mi shanu nga na mara ai.

YEREMIA 49:33

Shing rai Hazora mung gaw chyahkyawn ni a shara hte, prat dingsa na shingran katsi ai shara tai na ra ai: masha kadai mung dai de nga na n rai; shinggyim masha kasha mung dai de shanu nga na n rai, nga nna Yehowa tsun ai.

YEREMIA 50:13

Yehowa a pawt sindawng ai majaw, dai mung hta masha nga lu ai n rai; dai gaw katsi katsang shara hkrai tai na ra ai: Babelon makau hku hprang wa ai ni yawng, mau mat nna, shi hkrum ai tsin-yam tsindam majaw, Yi lo, nga na mara ai.

YEREMIA 50:21

Gumlau lau re ai mung de lung wa mu; ari hkrum ging ai mung masha ni hpe lung gasat mu: shanhte hpe shamyit kau nna, shanhte a aru arat hpe atsai awai shagrawm kau mu: ngai hkang da mada hte maren galaw mu, nga nna Yehowa tsun ai.

YEREMIA 50:3

“Kaning rai nme law, masha amyu mi gaw dingdung mung kaw na dai mare de sa du nna, de a mungdan hpe shamyit kau na ra ai; dai hta e masha nga lu na n rai: masha hte yamnga yawng, hprawng pru wa masai.

YEREMIA 50:39

Dai re ai majaw, nam na matse labye ni gaw, chyahkyawn ni hte rau, dai shara e dè nga nna, u gawla-uk ni mung dai de shanu nga na mara ai: dai mare hta prat dingsa e galoi mung n dè nga nna, prat mi hte prat mi kadai mung n shanu nga na masai.

YEREMIA 50:45

Dai re ai majaw, Yehowa gaw, Babelon hpe sha-ang nna hpaji daw ai lam, Hkalde a mung hpe sha-ang nna galaw na maw ai lam, na la mu: gaja wa hpyen ni gaw mung masha ni hpe sagu kasha zawn, dun karawt la na mara ai; gaja wa shi gaw, shanhte a shanu nga ai ga hpe, shingran katsi ai shara, shanhte a ntsa e shatai na ra ai.

YEREMIA 51:25

Yehowa ning nga ai: jahten shabyak myit rawng nna, lamu ga ting hpe jahten shabyak ai bum e, yu u, ngai nang hpe hkap daw na nngai; ngai gaw, nye a lata na a ntsa e ladawn let, lunghkrung kaw nna, nang hpe galau jahkrat kau nna, hkru hkat mat ai bum nang hpe shatai na ndai.

YEREMIA 51:29

Babelon mung hpe masha kata ai, katsi katsang shara shatai na, nga nna Yehowa maw ai lam grin nga ai majaw, Babelon mungdan gari gara nna, kawa machyi hkrum nga ai.

YEREMIA 51:37

Babelon mare gaw marawng marang hte, nam gwi ni a shanu ai shara, mauhpa shara hte, masha kata ai, shingran katsi ai shara, tai na ra ai.

YEREMIA 51:43

De a mare ni gaw shingran katsi ai shara, ga ahkun ahkraw hte zaibru jang tai wa sai; dai mung hta kadai mung n shanu nga ai rai nna, shinggyim masha langai mi muk dai hku lai wa ai n rai.