ESAIA 13:2 - Jinghpaw Hanson Version Bible

² Krin ai bum ntsa e dawnghkawn sharawt mu; nsen kaba hte shanhte hpe jahtau mu; shanhte gaw du magam ni a chyinghka ni hta shang lu hkra, lata wak mu.

Jinghpaw Common Language Bible 2009

² Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

ESAIA 13:2 ပူးပေါင်းရင်းမြစ်များ

SHAKAWN KUNGDAWN 60:4

Tengman ai lam majaw sharawt na dawnghkawn gaw, Nang hpe hkrit kamyin ai ni hpe, nang jaw nit dai. [Selah.]

ESAIA 10:32

Dai ni e pyi Noba mare e shi but na ra ai: Ziun shayi sha a bum ngu ai, Yerusalem kawng hpe sha-ang nna, shi a lata shada nga ai.

ESAIA 11:12

Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

ESAIA 11:15

Yehowa mung, Egutu panglai a shinglet hpe atsai awai dawm kau nna, shi a kahtet la ai nbung hte rau, dai Hkanu ntsa e shi a lata nwat ai hte, dai hpe hkaraw sanit kayat shatai kau nhtawm, masha ni hpe hkarang ntsa hku rap wa shangun na ra ai.

ESAIA 18:3

Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

ESAIA 19:16

Dai shani e Egutu masha ni gaw num zawn tai nna, Zaw nawng zaw wa up ai Yehowa shanhte a ntsa e shada ai lata a majaw, shanhte hkrit kajawng nna gari mat na mara ai;

ESAIA 31:9

Shi a lunghkrung gaw hkrit kajawng ai hte hten mat nna, dawnghkawn hpe mu ai majaw, shi a hpyen du ni myit htum na mara ai,” nga nna Ziun bum e wan shagrung nna, Yerusalem mare hta wan htung tawn da ai Yehowa tsun nga ai.

ESAIA 5:26

Bai shi gaw sumtsan mung na amyu ni a matu dawnghkawn sharawt nhtawm, lamu ga htum ai kaw na ni hpe lahpyaw shaga nna, yu mu, shanhte gaw alawan du bang na mara ai:

YEREMIA 50:2

“Amyu baw ni hpang de ashi tsun shana mu; dawnghkawn sharawt mu; tsun shana ya nna, hkum makoi myit: Babelon mare gasat la hkrum sai; Bela hpara kaya hkrum sai; Merodak hpara daw mat sai; de a hpara sumla ni kaya hkrum nna, nawku sumla ni mak mat masai,” ngu nna tsun mu.

YEREMIA 50:41

“Yu u, masha amyu langai mi dingdung maga de na du ra ai; masha amyu kaba langai mi hte hkawhkam law law wa, lamu ga htum ai de na ngai jasu na nngai.

YEREMIA 51:12

Babelon bunghku makau e dawnghkawn sharawt mu; sin langa ni hpe shalaw mu; sin ai ni hpe tawn da mu; kaduk ni hpe htu mu: kaning rai nme law, Babelon masha ni a lam sha-ang nna, Yehowa tsun ai hte maren, shi shadik nna galaw ngut nu ai.

YEREMIA 51:25

Yehowa ning nga ai: jahten shabyak myit rawng nna, lamu ga ting hpe jahten shabyak ai bum e, yu u, ngai nang hpe hkap daw na nngai; ngai gaw, nye a lata na a ntsa e ladawn let, lunghkrung kaw nna, nang hpe galau jahkrat kau nna, hkru hkat mat ai bum nang hpe shatai na ndai.

YEREMIA 51:58

Zaw nawng zaw wa up ai Yehowa ning nga ai: Babelon mare a htat ai bunghku ni hpe, atsai awai agrawp kau nna, de a tsaw ai chyinghka ni hpe mung, wan nat kau na mara ai: amyu baw ni gaw kaman lila matu, mung masha ni gaw wan a matu hkrai, shakut sharang nna, shanhte gaw hki ba hkrum na mara ai.