ESAIA 13:16 - Jinghpaw Hanson Version Bible

¹⁶ Shanhte a ma kaji ni hpe mung, tinang man e adit sat kau nhtawm, nta ni hpe hpya kau ya nna, madu jan ni hpe kamu roi kau ya ai, hkrum na mara ai.

Jinghpaw Common Language Bible 2009

¹⁶ Shanhte garen gari rai yu nga ma yang, shanhte a ma chyangai ni adit sat kau hkrum na mara ai, shanhte a dum nta ni hpya kau hkrum na mara ai, shanhte a madu jan ni roi rip hkrum na mara ai,” nga nna tsun ai.

ESAIA 13:16 ပူးပေါင်းရင်းမြစ်များ

ESAIA 13:18

Shanhte a ndan ni shabrang ni hpe adup agrawp kau nna, ma chyangai ni hpe matsan n chye dum na hte, shanhte a myi gaw ma kaji ni hpe n yu lahpawt nga ai.

ESAIA 14:21

Kashu kasha ni gaw n rawt wa lu na hte, lamu ga hpe n madu lu nna, mungkan ga hpe mare hte n jahpring lu hkra, kanu kawa ni a shut hpyit ai a majaw, shanhte hpe sat kau na, hkyen nga mu.

ESAIA 47:9

nang gaw lani chyahkring mi hta sha, kashu kasha si ai hte, madu wa si ai, ngu ai ari lahkawng hkrum na rin dai: shaba wawt ai hte mandan lakle amu mana maga galaw ai made, dai yawng mayawng na a ntsa e du na ra ai.

YEREMIA 51:22

nang hpe ngai lang nna, hpyen leng hte dai hta jawn ai wa hpe mung, la wa hte numsha hpe mung, dingla hte ma ni hpe mung, shabrang hte mahkawn ni hpe mung, agrawp kau na nngai.

SHARUNG SHAYAWT 5:11

Shanhte gaw, Ziun mare hta e hpawmi ni hpe, Yuda mare ni hta mahkawn ni hpe, aroi arip di mu ai.

HOSEA 10:14

Dai re ai majaw, na a amyu masha ni gaw, kabring kabrawng rai wa nna, hpyen majan gasat ai shani hta, Shalman gaw Betarbela hpe run kau ai hte maren, na a hpyen dap ni yawng, run kau ai hkrum na ra ai: kanu gaw kasha ni hte rau adit kau ai hkrum masai.

NAHUM 3:10

Rai timung, shi gaw rim la ai hkrum nna, bawng dung ai de sa wa ai: mare lam ni a mashe shagu hta, shi a ma kaji ni adit sat kau ai hkrum nna, arawng sadang lu ai ni a lam, shanhte hpaida da ai hte, daru magam rawng ai ni hpe, hpri sumri hte gyit ma ai.

ZEHKARIA 14:2

Kaning rai nme law, Yerusalem mare hpe hpyen gasat na matu, maigan amyu ni mahkra hpe, ngai jahpawng na nngai: shanhte gaw dai mare hpe gasat la nhtawm, nta ni hpe hpya lu hpya sha nna, num ni hpe aroi arip di na mara ai; mare masha ka-ang hkup bawng dung wa timung, naw ngam nga ai masha ni gaw, dai mare hta naw nga lu na mara ai.