ESAIA 13:13 - Jinghpaw Hanson Version Bible

¹³ Dai re ai majaw, Zaw nawng zaw wa up ai Yehowa a pawt sindawng ai hte shi n-yun bu ai nhtoi hta e, ngai gaw sumsing lamu hpe ashun awam dat nna, ginding aga gaw de a shara na gari htawt mat na ra ai.

Jinghpaw Common Language Bible 2009

¹³ Ngai gaw sumsing lamu ni hpe gari ashun shangun na nngai, Chyahtum Chyalai N-gun rawng ai Ngai Madu nan nye a sindawng kahtet ai hpe madun ai shani hta ginding aga gaw gari ashun ai hte shi a shara htawt mat na ra ai.

ESAIA 13:13 ပူးပေါင်းရင်းမြစ်များ

YOBA 9:6

Shi gaw lamu ga hpe de a shara na kanawng sit kau nna, de a shadaw ni gari awam nga ma ai.

SHAKAWN KUNGDAWN 18:7

Shaloi lamu ga shamu nna a wam nga ai, Bum ni a npawt nhpang ni gari nga ai: Shi myit kahtet ai majaw, dai hte kangi kanga rai ma ai.

SHAKAWN KUNGDAWN 88:16

Na a myit kahtet ai nye a ntsa e du nna, Na a hkrit gari ai baw ngai hpe jahten mi ai.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

ESAIA 21:1

Nammukdara makau na, zaibru jang hta ang ai myihtoi ga: Dingda laru ru wa ai zawn, hkrit na nsan ai zaibru jang de na laru ru wa ai.

ESAIA 23:11

Yehowa gaw nammukdara ntsa e shi a lata ladawn let, mungdan ni hpe ashun awam dat wu ai; Hkanan mung na hpyen dap ni hpe jahten na matu, shi gaw ga hkang da sai.

ESAIA 24:1

Yu u, Yehowa gaw lamu ga hpe shakram kau nna, katsi katsang re ai shara shatai wu ai; shi dai hpe galau ka-up kau ai hte, mung masha ni hpe shabra kau mu ai.

ESAIA 24:18

Shing rai, hkrit kajawng ai nsen kaw na hprawng lawt ai wa gaw, nhkun hta hkrat na ra ai; nhkun hta na lawt pru ai wa gaw, mahkam hta lu na ra ai: kaning rai nme law, matsaw ntsang na hkuwawt hku ni hpaw malang nga nna, ginding aga npawt ni gari nga ai.

ESAIA 24:19

Ginding aga gaw atsai awai grawp mat sai; ginding aga gaw ga mahka mat sai; ginding aga gaw ja ja gari nga ai.

ESAIA 34:4

Sumsing lamu na wunawng wuwa ni yawng, hten mat nna, sumsing lamu gaw laika katsu zawn katsu mat na ra ai; de a wunawng wuwa ni yawng tsabyi ru, lap nyui mat ai hte, lakum lap ru hkrat ai zawn, run hkrat mat na mara ai.

ESAIA 47:1

Babelon shayi hkawnsek e, yu wa nna ga nhpu hta dung u; Hkalde a shayi sha e, tingnyang hta n re ai sha, ga hta dung u: htawm hpang de nang hpe, Nu nu nai nai re ai jan, n ngu na masai.

ESAIA 51:6

Sumsing lamu hpe mada yu mu, ginding aga hpe gum yu mu: sumsing lamu gaw wan hkut zawn hkoi mat nna, ginding aga gaw hpun nba zawn dingsa mat na ra ai; dai hta shanu nga ai ni mung jigrawng zawn si mat na mara ai: nye a hkye hkrang la ai lam chyawm gaw, prat dingsa nga nga nna, nye a dinghpring ai lam mat mat na n rai.

ESAIA 9:19

Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

YEREMIA 51:1

Yehowa ning nga ai: Yu u; ngai gaw Babelon mare hte ngai e gumlau ai myit rawng ai ni hpe, shamyit kau na nbung sharawt na nngai.

SHARUNG SHAYAWT 1:12

Ndai lam lai ai ni yawng hte e, nanhte hpa n nawn myit ni? Yehowa gaw shi pawt bu ai nhtoi hta, nye ntsa e shapraw ai yawn hpa zawn, Yawn hpa kaga naw nga ai kun, myit sumru yu mu.

YOELA 3:16

Yehowa gaw Ziun bum kaw na shabam nna, Yerusalem mare kaw nna, nsen sharawt na ra ai; sumsing lamu hte ginding aga ashun awam na ra ai: rai timung Yehowa gaw, shi amyu a shingbyi shingwung shara, Israela kashu kasha ni a ngang ai hpyen dap, tai na ra ai.

MAHTE 24:29

Bai, dai nhtoi ni a ru tsang ai hpang jang jan gaw nip mat wa nna, shata mung n htoi mat na ra ai; shagan ni mung, lamu de na di hkrat mat nna, sumsing lamu a atsam ni gaw gari wa na mara ai.

MAHTE 24:35

Sumsing lamu hte ginding aga lai mat wa timung, nye a ga gaw n lai mat na li ai.

2 PETRU 3:10

Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.