ESAIA 13:11 - Jinghpaw Hanson Version Bible

¹¹ Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

Jinghpaw Common Language Bible 2009

¹¹ Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 13:11 ပူးပေါင်းရင်းမြစ်များ

YOBA 40:12

Gumrawng ai ni hpe yu matsing nna shagrit kau mu; tara n lang ai ni hpe tinang a shara hkan kabye dip kau mu.

GA SHAGAWP 11:31

Yu u, dinghpring ai wa pyi, ga ntsa e ari hkrum nga ai rai yang, Tara n lang ai wa hte yubak kap ai wa grau nna hkrum na, n rai ni?

GA SHAGAWP 8:13

Yehowa hpe hkrit kamyin ai myit gaw, yubak hpe n dawng nga ai; Gumrawng gumtawng ai, myit kaba ai, n hkru ai lam hte, Masu magaw chye ai n-gup hpe ngai n dawng nngai.

ESAIA 11:4

shi gaw, dinghpring ai hku hkan let, matsan mayan ni hpe tara dara nna, myit malang ai hku hkan let, ga ntsa na myit gyip ai ni a hpang maga de dawdan na ra ai; shi n-gup ngu ai shingna hte ga ntsa hpe ari jaw nna, shi nten na pru ai nsoi nsa hte, tara n lang ai ni hpe sat kau na ra ai.

ESAIA 14:21

Kashu kasha ni gaw n rawt wa lu na hte, lamu ga hpe n madu lu nna, mungkan ga hpe mare hte n jahpring lu hkra, kanu kawa ni a shut hpyit ai a majaw, shanhte hpe sat kau na, hkyen nga mu.

ESAIA 14:5

Yehowa gaw tara n lang ai ni a dawhkrawng hpe mung, up hkang ai ni a sumdoi hpe mung, gang daw kau nu ai:

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 2:12

Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 2:17

Dai shaloi gumrawng gumtawng dum ai wa gaw shagrit kau ai, myit kaba ai wa gaw shanem kau ai hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 22:14

Shing rai, Zaw nawng zaw wa up ai Yehowa gaw, Gaja wa, nanhte si ai nhtoi du hkra, ndai yubak tsai mat na n rai, nga nna nye a na hta madun dan ai: dai gaw Zaw nawng zaw wa up ai Madu Yehowa tsun ai ga rai nga ai.

ESAIA 23:9

Gumrawng gumtawng re ai arawng sadang yawng hpe awu asin di kau na hte, ga ntsa arawng lu ai ni yawng hpe jahpoi kau na matu, Zaw nawng zaw wa up ai Yehowa ndai lam myit shatawng da nu ai.

ESAIA 24:21

Dai shani e Yehowa gaw, matsaw ntsang na zaw nawng zaw wa hpe, tsaw ai shara hta, ga ntsa hkawhkam ni hpe, ga ntsa e, kawan katsan yu na ra ai.

ESAIA 25:3

Dai re ai majaw n-gun ja ai amyu gaw nang hpe shagrau sha-a na ra ai; gumshem ai amyu ni a mare gaw nang hpe hkrit kamyin na ra ai.

ESAIA 25:5

Hkun hkraw ai shara hta jan kahtet ai hpe shakawp kau ya ai zawn, tsasam masha ni a wu ngoi ai hpe, nang jasim kau ya na ndai; htat ai sumwi hte jan shinggang kau ai zawn, gumshem ai ni a mahkawn mangoi ga sim mat na ra ai.

ESAIA 26:21

Kaning rai nme law, ga ntsa masha ni hpe, tinang a yubak majaw, ari jaw na matu, Yehowa gaw shi a shara kaw na pru wa ai; lamu ga gaw shi chyup ai asai bai shapraw dan nna, htawm hpang e sat kau hkrum ai ni hpe makoi magap na n rai.

ESAIA 29:20

Kaning rai nme law, gumshem ai wa gaw htum mat nna, jahpoi ai wa gaw n nga sai;

ESAIA 29:5

Rai timung, nang hpe hpyen ai wunawng wuwa ni gaw nbun zawn, hkrit na nsan ai wunawng wuwa ni gaw, poi mat ai mahkaw zawn, tai na mara ai: gaja wa dai gaw akajawng sha byin na ra ai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

ESAIA 5:15

Shing rai hpa n hkaw ai ni gum dagup ai, arawng lu ai ni shagrit kau ai, myit kaba ai ni myi man sum ai, hkrum na ma ai.

ESAIA 65:7

gaja wa, nanhte a shut hpyit ai hte hpawn, bum ntsa e lawban nat nna, kawng ni a ntsa e ngai hpe shatan nhkan ai, nji nwa ni a shut hpyit ai hpe mung, ngai nanhte a lahpyen hta tai na nngai: shing rai ngai gaw, shanhte a arawn alai hte maren, shanhte a lahpyen hta shawng hteng ya na nngai,” nga nna Yehowa tsun ai.

YEREMIA 48:29

Moba amyu a myit kaba ai lam anhte na yu sagaw ai; grai kaba ai myit rai nga ai: shi a gumrawng gumtawng ai, myit kaba ai, myit tsaw ai hte myit dap ai, kaba la nga ai.

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

HABAKU 2:4

Yu u, dai wa gaw, myit tsaw myit dap rai nga ai: shi a myit malang nga ai, n rai: dinghpring ai wa chyawm gaw, shi a kamsham ai hte hkrung nga lu na ra ai.